صاحبك يا صاحب رغم عيلة يديه = يضحك لونها من عشاها خلايا
يخشى تلا حقها عيون المشاريه = اللي مكاسبها اسقاط الحكايا
الذيب ما هرول عبث في مساريه = والبا الحصيني يستذ الزوايا
بعض الوجيه ؛ وجيهها مالها وجيه = اشناب عكفٍ في عزيمة ولايا
حكّايهم يبعد بقوله مراميه = وبالفعل ما تاجد لقوله سمايا
كن الردى مالطيب متعزيٍ فيه = كسب الدناءة يعتبرها مزايا
يمدح هذاك ؛ يسب هذا ويشنيه = يحسسك كنّه عريف البرايا
يقسّم الأمة على زيف باديه = كنّه عليم أسرارها والخفايا
وهو الحقيقة لو تبين خوافيه = شفته مطيّه من حساب المطايا
لو تمتمت بنت الفضيلة بشافيه = صاح الشرف يا الله وش هالبغايا