الملتقى الجماهيري للشاعر محمد بن فطيس المري - ابسألك بس يايمه حقيقة ليه ولدتيني


	يايمه جيت ابسأل ليه انا حظي مجافيني ..... اشوف الناس ملتمه وانا مابين حسراتي اشوف افراح من حولي اسلم ماتحييني ..... اناديها وانا خجلان الزم في تحياتي احاكيها يافرحه وين؟ حلفت انك تزوريني ..... اشد بحكيي ثم ارخي اداعبها بهمساتي ولابه فاااااايده يمه برغبتهاااااا تمشيني ..... تواعد ثم تخلفني اوانها تنسى اوقاااتي انا اذكــر دعــوتك لله طلبك انه يخليني ..... طلبك انـه يرزقني ويوفقني فـ بديااااتي تعلمت الدعاء منك وصارت عادة فيني ..... إذا نامت عيون الخلق اوجه لله دعواتي رجيت بصوت كله خوف متأمل بيعطيني ..... لاجل افرحك يمه رجيت وزدت رجوااتي هقيت ان دنيتي تصدق بدعواتي وتوفيني ..... صبرت بحروة امالي وحروة كل هقواتي وجت للخلق ذا كله ولكن ازرت تجيني ..... وقلت اكيد هي خيره حمدت الله لحالاتي كتــمت الاه لاتطلع ولاودي تشوفينــي ..... ماودي يتعبك نوحي ولاتشقيك شهقاتي تجرعت الالم يمه شربته بأول سنيني ..... وجيتك مابغيت انك تحسي مر لوعاتي اضحك هم دمعاتي واطمن خوف يحويني ..... واجر بصوتي العالي لاجل عينيك ضحكاتي واذا صديت عن وجهك اسلم امري لعيني ..... تجيني مثل جلاد يروق ان شاف دمعاااتي اجملها بذكر الله واقول الله بيجزيني ..... اهدي نفسي اطلبهااااتجملها ببسماااااتي ولكن لونجي للجد ترى كذبي مأذيني ..... ماعاد استحمل العيشه بتزيفي لفرحاااتي انا هلكان يايمه انااااتعبااااان لميني ..... انا كل ليله اتوفى وارد احيااا لصرعاتي ذبحني البرد يايمه بغيتك لوتدفيني ..... طلبتك انزعي برد سكن واستوطن بذاتي ضلوعي تزاحمت يمه صدري مايكفيني ..... من الضيقه من همومي من الامي واهاتي يلاعب فكري جنون وتلاعبني شياطيني ..... توريني ضعف حالي.. تذكرني بمعااناااااتي تشككني بحبك لي واقول انك تحبيني ..... تــعاند حبـك بقلـبي تكــذب لي حكاااايااااتي ترى ماهزني خوفي وحبك لي بيحميني ..... ترى ماعمري اشكك والومك في نهايااتي انابس بسألك يمه حقيقه ليه ولدتيني ..... بنفس اللحظه يايمه ولدتي ليه مأساااااتي ارد ادعي انا ربي من العله يشاافيني ..... وكل خوفي على قلبك اذا مروك برفااااتي انا خايف من احلام نهايتهااا بتشقيني ..... ومن قسوة مشاويري ومن اخر مسافااتي وخايف والله من قبري ومن تربه تغطيني ..... وسيره تنقطع بعدي مايبقى غير كلماااااتي ابيك ترضى بالقسمه ورضوانك بيرضيني ..... تراني لاجلك اتمنى يحقق ربي رغبااااااتي يايمه لااشوف الهم بوجهك لاتبكيني ..... ترى مكتوبه قبل اولد متىولوين خــطوااتي واذا ماجت على كيفي ابيك منها تعفيني ..... عسى ترحمني دموعك وتشفع عندك ابياتي