صبَاح الورد ..
بدون تحضير ومن فكري إليكم ..
وجبة خفيفة :)
وعملاقة فقط بحضوركم :

ياصاحبـي مات الولـه وأكثـر الحـب=وش عاد نرجي كل قلبٍ فقـد نبـض
ناس تحسب الحـب ياسيـدي حـرب=تنفيذ سلطـه وإحتـلال وغصـب أرض
وناسٍ تهنـى بالحبايـب علـى قـرب=ماضامها ظلم البخـت واسـود الحـظ
وانا لي الله كـل ماشفـت لـي درب=عندي تساوا طول دربـي مع العـرض
عليك ياللي حط عشقـه هنا غصـب=باقصا ضلوعي لين قلبـي كـذا جـض
أون ونة من حدآ فرررحته ( كررب )=واضيق ضيقة من على ذمتـه قـرض
تبت يديـن الحـزن ياصاحبـي تـب=وتبت يدين اللي تبـي الحـب ينقـض
خلك معي ياغايتـي وابشـر ( بقلـب)=يعزفك بعروقـه علـى دقـة النبـض
يملابك الدنيـا مـن الشـرق للغـرب=ويصون قلبك صونـة الشيـخ للفـرض

وسلامتكم
م ح م د

أون ونة من حدآ فرررحته ( كررب ) واضيق ضيقة من على ذمته قـرض

؛
صح السانك
قصيده جزله وكلمآت رائعه
ومنتهى الروعه سلمت الآيآدي على جديدگ الرآئعِ.!
دمتِ / ودآم حرفگ ِ..
؛
تحياتي : كويتيه مجروحه

المشاركة الأصلية كتبت بواسطة الهــــــــوى (المشاركة 48312) خلك معي ياغايتي وابشـر ( بقلـب) يعزفك بعروقـه علـى دقـة النبـض يملابك الدنيا مـن الشـرق للغـرب ويصون قلبك صونة الشيـخ للفـرض الله على الابدآآآع نص رآآآآيق من شاعر رآآآقي تحيآتي لك مع تقييمي.

المشاركة الأصلية كتبت بواسطة أمير الشريف (المشاركة 48378) صح اللله لسانك يامحمد وبيض الله وجهك .. قصيده جميله جدا .. فيها من الشاعريه الكثير .. لكن فيها شي بسيط ودي اشير اليه .. الشاعر اذا اختار قافيه فعليه ان يختار قافيه متناغمه ولها ايقاع موسيقي جميل كي يتلذذ القارئ او المستمع بها .. فالقافيه هنا ( الباء الساكنه ) و ( الظاء الساكنه ) يعني لو تحس ان القوافي لم تختلف نطقا .. عالعموم هذي وجهة نظري .. والا انت شاعر كبير وتستحق الثناء .. تحياتي لك يالغالي