الملتقى الجماهيري للشاعر محمد بن فطيس المري - فـزيـت مـن نـومـي وانــا اقــول لبــيــك

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - فـزيـت مـن نـومـي وانــا اقــول لبــيــك (http://www.m-f6es.com/vb/showthread.php?t=3588)

فـزيـت مـن نـومـي وانــا اقــول لبــيــك

شفتك بعد غيبه .. وحاولت احاكيـك

مهوب من قلبي ولا مـن جراتـه

بغيت اقول / فلان وازريـت اناديـك
وكني سمعت اسمـي معـا الالتفاتـه

فزيت من نومي وانـا اقـول لبيييـك
وآثرك رويا .. فـي منامـي وجاتـه

صفقت كف .. وقلت يا حلم يشوويـك
جددت لي جرح ٍ هنـى فـي مباتـه

يا اللي شريت البعد .. ما غاب طاريك
حتى لو ان البعـد .. سـوى سواتـه

مهوب محزني .. على حاجـةٍ فيـك
إلا إن قلبي شايـف ٍ بـك غناتـه

كن الطيوف تقـول وشحـال غاليـك
وآقول راح .. وما بقـى الا غلاتـه

لو ان ما جانـي مـن الهـم ياتيـك
كان المصلي ما حفـظ وش صلاتـه

مريت دربن .. وصادفتنـي آشبــآهك
واللي قطع كبدي .. حلاتـك حلاتـه

بغيت الخبط من دعايـاه ,, وادعيـك
واسمك وقف بين اللسـان ولهاتـه

وبغيت اجيب العيد وآقول : يرضيـك
فاللي وصاتي له .. وضيّـع وصاتـه

البعد شيّـب خافـق ٍ ميـت فيـك
والى مشى خطوه عثر فـي عصاتـه

مشكلتي / إن قلبـي يحبـك ويغليـك
ومشكلتك / انك شخص عايش حياتـه

كثر الجفا .. نار .. وحطبها تغليييـك
خف الحطب .. لا تزيد نار الشماتـه

إن ما احزنك جرح ٍ برجواه يدعيـك
ما عاد تفرق .. عيشته مـن مماتـه

قلبي وعمري .. كلهـا بيـن اياديـك
العمر فدوه .. لكـن القلـب هاتـه

وإن ما بغيت ترد قلبي مـا اوصيـك
احسن عزاه .. اللـى دريـت بوفاتـه