الملتقى الجماهيري للشاعر محمد بن فطيس المري - ( مرغوبه العاشقْ ) || شحنه بنات البدو غير ! .. وحبّهم عوق الـ كبودْ ..!

السلام عليكم ورحمه الله وبركاته ,

أسعد الله اوقاتكم بكل خير ض44

لـ التواصل :)

مدخل :-

مرغوبه العاشق ,, وغايات المنال !!
ودواء الجروح / إلي تعسر طبّها ,

غيدا , بتول / تحترف الدلال ,
ودّك ( تقهوها ) قبل لا تصبّها !

في أبهتها طلعه ( مضاوي ) هلال ,
آحبها .. وآتوقها .. وآحبـهآ !!

مخلوقه من ( زبد ) , لو تلمسه سال !
ونعومه ( حكاها ) ؟ .. كذا من ربّها ,

وبنت الرجال إلي نسبها ( آل آل ) !!
قومٍ : تنوش المرجله , وتذبّها ,

وإلي لا هبّ في وجهها ريح الشمال ؟
قمت أستشك ؟ إن الجنوب تهبّها !!

( الخصر ) يرسم إنحدارات التلال !
وردوفها .. من ثقلها ( تلعبّ بها ) ,

يفوح منها ( المسك ) و الـ خمر الحلال ,
كنّه : على ذيك الشفاه ( يعبّها ) !!

وخدودها ( ورد شذى ) عطره خيآل ,
خلا ( فراشات الورد ) تربّها !

ولا قالت من الشوق :- ياعمري تعال ؟
شليت ( ذا الغتره ) .. وقمت أضربّ بها ,

( فديتها ) , إلي لا إوقّفت من الاختيال ؟
( تستنقص ) إلي يوم تاقف جنبها !!

أشوف فيها .. أنها لي ( راس مال ) !
وتشوف فيني :- ( فارسٍ " مغرم بها )

ميّاسه الغد .. و ظفايرها طوال !
هي معجبه فيني .. وانا معجّب بها ,

تشيخ فِ الخفرات وآشيخ الرجال !!
وتشّب فيني شوق .. وانا آشبّها ,

( آحبها ) .. ولغيرها / مابه مجال !!
وجميع ما بّي من ( غلا ) ؟ في لبّها ,

مهوب لازم .. انها ( ملكه جمال ) ؟
أهم شئ :- " تحبّني .. و آحبها " ,

النصّ :

شحنه بنات البدو غير ! .. وحبهم عوق الكبود !!
جمرة ( غضى ) تدّفي ؟ .. ولكن بحترق من داسها ,

لاحسّت انك تحبها ؟ .. أعطتك الحب ( بلا حدود ) !
ولا حسّت إنك ( تهينها ) ؟ " ذقت الـ عنا من كاسها " ,

من ( الهداوه ) .. تشعر ان فيها من الثقل البرود !!
ومن ( الحراره ) ؟ .. لا تحاكت " تحرقك بـ أنفاسها "

ضحكاتها دقّة وتر / همساتها ( نفخه ورود ) !!
عيونها ( قصر الغلا ) ,, ورموشها ( حرّاسها ) !

فيها .. لطافه ( أهل جنيف ) ! ورقّه اهل جويل رود !
وفيها .. شموخ الترك فالحرب .. ( وسماع أجراسها ) ,

إليا ( تحاكت ) من دلع ؟ يخضر فيها كل عود !
وإليا تحاكت من ( غضب ) ؟ تقول يا غطراسها ,

وإليا أقبلت / تمشي .. غدا فيها عن الباقين زود !
وإليا أدبرت / تشوي معاليقي .. على محماسها !!

( الموت ) والله ماهو .. الموت المسمّى يا حمود !
الموت والله .. كل ما أناظر / ( دقاق إلعاسها ) ,

دلوعةٍ ( تلبس البرقع ) .. ويزهى بـ الخدود !
يضيق فيها .. من ترفها .. جسمها و لباسها ,

فديت ( غيرتها ) و ( نظرتها ) ولفتات الصدود !
وفديت ( بحّه صوتها ) من ذوقها لـ احساسها ,

ألطف من الحمل الوديع / وأشرس من أقوى الأسود !
تضيع فيها .. وفي معالم طيبها في باسـها !

معرّبه عم و خوال وساس من ساس ( الجدود ) !
إللي فعول ( رمحها ) .. يكسر صليب أقواسها ,

( ياحبّني ) للي حلاها .. ما يعيّن فِ الوجود !
( محارةٍ ) في بحرها .. تصعب على غطّاسها ,

( فَ ) إليا بغيت تحبّ ؟ حب من أجمل الغيد ( العنود ) ,
إلي ماهو .. كل أبــلــجٍ .. يقدر ( يوّطي ) راسها !!

المخرج :-

إتغار لـ أني لجلها ( أحب دنياي ) !
وتغيضني .. وبحزن أقول لـ زماني :-

تحبني ! وتحبّ ( فزاع ) ويّاي ؟
وفزاع !! بـ قلوب الأوادم ( أنانـي )

المدخل & النص لـ : حمد البريدي !
المخرج لـ : عبدالعزيز السبيّل ض29 !

دمتم بحفظ الله ض29 ,