|
يانور عيني لاتصيحين تكفين..قلبي على دمعك تقطع فتاتي
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]السسلام عليكم..[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] شخباركم؟ احب اقدم لكم قصيده جديده لي يارب تعجبكم.. عنوانها(يانور عيني) يقول: يانور عيني لا تصيحين تكفين قلبي على دمعك تقطع فتاتي دمعك يشق الخد نصين نصين يمشي كأنه دجلة(ن)والفراتي منول اصبح بأتصالك وذا الحين اسهر طوال الليل جالس احاتي اقوم وتوضأ واصلي ركعتين وادعي عسى ربي يجيز إدعواتي خمد همومن تشتعل كالبراكين وإجمع اماني قاربت للشتاتي وإجعل لمحبوبي بحياته طريقين اما سعاده او سعاده وغناتي ولون حياته بالوناسات تلوين خله يبات ويهتني بالمباتي وأبعده ياربي عن اللي بوجهين واللي هروجه ناشبه باللهاتي وزين طريقه للمعاليق تزيين واجعله الاول بين زين البناتي وخله يحب اللي بحبه مجانين عالم تحبه للشقا كارهاتي بدعيك ياربي مجيب المساكين تجعل لعبدك تحت يدك نجاتي وانجز صلاتي واتجه للدواوين واكتب بيوتن للمها مرسلاتي يازهرن ابيض وسط سود البساتين فرقك ربي عن جميع النباتي منزلك وسط القلب لالا تخافين قربك ووصلك غايتي وامنياتي ولاماكفاك القلب حياك بالعين كلي انا مملوك لزين الصفاتي اخر مراسيلي من الراس بيتين وابغى انتباهك لي على ماهو آتي الحزن نقطه ضعف وحنا قويين نجعل دروب الحزن تحت الوطاتي بطلبك وانتي لطلبي ماتردين تكفين كفي دمعتك ياحياتي وسلامتكم انتقادكم يالغوالي اساس النجاح لاهنتم كلكم فديتكم |
رد: يانور عيني لاتصيحين تكفين..قلبي على دمعك تقطع فتاتي
الحزن نقطه ضعف وحنا قويين
نجعل دروب الحزن تحت الوطاتي بطلبك وانتي لطلبي ماتردين تكفين كفي دمعتك ياحياتي .. ياسسسسسلام :) صح لسانك يابن العم ولاهنت ، نص رائع وصوّرت حالت العشاق هاليومين :( الف شكر لك على هالجزله وبانتظآر الاجمل دائما ً ، تحيّتي لك |
رد: يانور عيني لاتصيحين تكفين..قلبي على دمعك تقطع فتاتي
صح لسانك يالعصيمي .. شاعر دائما ياتي بما يلامس القلوب .. ياسلام عليك والله .. تحياتي لك يالغالي
|
رد: يانور عيني لاتصيحين تكفين..قلبي على دمعك تقطع فتاتي
ابدعت اخوي وتسلم على هالابيات الرائعه ..
وأبعده ياربي عن اللي بوجهين واللي هروجه ناشبه باللهاتي الله يكفينا ويكفيكم شر هالنوع من البشر >> يامكثرهم هالايام ننتظر جديد بوووحـــــــــــــك. تحياتي ... الهـــــــــوى |
رد: يانور عيني لاتصيحين تكفين..قلبي على دمعك تقطع فتاتي
يا هلا والله برائد العصيمي صح لسانك وجمل الله حالك دايما متميز ومتألق كعادتك وللامانه مهما ذكرت فشهادتي فيك مجروحه حماك الله |
رد: يانور عيني لاتصيحين تكفين..قلبي على دمعك تقطع فتاتي
بطلبك وانتي لطلبي ماتردين
تكفين كفي دمعتك ياحياتي القصيده من اولها لاخرها جميله الله يعطيك 1000عافيه عليها والله الواحد يحتار في اختيار اجمل بيت تستحق التقييم لاهنت احترااااامي |
رد: يانور عيني لاتصيحين تكفين..قلبي على دمعك تقطع فتاتي
الحزن نقطه ضعف وحنا قويين
نجعل دروب الحزن تحت الوطاتي بطلبك وانتي لطلبي ماتردين تكفين كفي دمعتك ياحياتي عندما تتوه الكلمات تجد من يمتلكها تجد من يكتبها تجد ذلك الذوق الذي يختارها ليجعلنا نقرأها في نبراس هذا المنتدى الرائع ولكن اينما حلت هذي الكلمات فيبقى قلمك هو الذي اختاره وتبقى تلك الحروف رموز تحولت الى جمل بل سحر من الكلمات سحرت اعيننا الله يعطيكـ الف عااافية يالغلا لاهنت على الطرح ودي ووردي لكـ |
رد: يانور عيني لاتصيحين تكفين..قلبي على دمعك تقطع فتاتي
صح اللساانك
وبيض الله وجهك |
رد: يانور عيني لاتصيحين تكفين..قلبي على دمعك تقطع فتاتي
رائد العصيمي
شاعر مبدع اخوي يعطيك العافيه على هالابيات الرائعه استمتعت بالوقوف على كل بيت فيها تقبل مروري هنا |
رد: يانور عيني لاتصيحين تكفين..قلبي على دمعك تقطع فتاتي
صح لسانك يالعصيمي .... قصيده روعه بكل صراحه ... تحمل صفات العشاق .. ابدعة فيها ..... بالتوفيق لك
واصل ابداعك ... تقبل مروري |
| الساعة الآن 08:46 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
