|
مشكور لابالله حشى منت بضعيف..الطير كفك والجزيلة حمامه
هذي قصيدهـ كتبتها في شخص عزيز وغالي علي اتمنى تروق لأذواقكم .. سر ياقلم واكتب بيوت ن على الكيف اكتب جزيل المدح خل الرخامه ابغيك تمدح مدح نادر ولاشيف للي على الطالات حاز الزعامه الي على الجزلة مايحتاج تعريف لنه ملك للمرجلة والشهامة لامن غدالك كبر هم وصواديف ازبن بعد ربي طبيب السلامة يعالج الضيقة بعذب السواليف يرسل على همومك بكفه سهامه النادر الطحطوح ورد المشاغيف القرم لابالله امير القرامه مابه مثيله من سما نجد لطريف ولابه مثيله في ضواحي تهامه خله على اعدائك كما ضربة السيف واخذ المواعظ في ثنايا كلامه مشكور لابالله حشى منت بضعيف الطير كفك والجزيله حمامه هذي خيول المجد لجلك معاسيف ملكتها بأصرار عزم وفهامه افخر بقربك محزمي دون توصيف ياكبر حظ الراس دامك حزامه من دون قاصر بالرجال المشاريف لكن ابو سطام عالي مقامه غلفت شعري لبو سطام تغليف واهديتها من باب عز وكرامه وسلامتكم |
رد: مشكور لابالله حشى منت بضعيف..الطير كفك والجزيلة حمامه
رائــــــ~ـــد صح السانك القصيده جزله وتسلم يمينك ع نقلها
|
رد: مشكور لابالله حشى منت بضعيف..الطير كفك والجزيلة حمامه
الاخ العزيز رايد العصيمي
صح لسانك حتى ترضى نص مدح في غاية الروعه وابو سلطان يستاهل الله لا يهينك تقبل تحياتي وخالص تقديري |
رد: مشكور لابالله حشى منت بضعيف..الطير كفك والجزيلة حمامه
يستاهل المدح دام فيه كل هالصفات
صح لسانك يارائد شاعر جميل ماشاء الله عليك لاهنت يالغالي |
رد: مشكور لابالله حشى منت بضعيف..الطير كفك والجزيلة حمامه
النادر الطحطوح ورد المشاغيف .....................القــــرم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]امــيــر الـقــرامـــه مابه مثيله من سما نجد لطـــريف .....................ولابه مــثــيـله في ضواحي تهامه الله الله صح لسانك اخوي ابيات رائعه .. وقافيه ناااادره تقديري // |
رد: مشكور لابالله حشى منت بضعيف..الطير كفك والجزيلة حمامه
صح لسانك يالعصيمي
وابو سطام يستاهل المدح لو اني ما اعرفه بس الرجال يستاهلون المدح والشاعر ما يمدح احد من فراغ الا عند المواقف الي تثبت وقفاتهم |
رد: مشكور لابالله حشى منت بضعيف..الطير كفك والجزيلة حمامه
تسلمون على المرور وصح ابدانكم جميع
|
رد: مشكور لابالله حشى منت بضعيف..الطير كفك والجزيلة حمامه
صح لسسسانك يالعصيمي.. ابدعت ابدعت.. يستاهل المدح ( طبيب السلامه )
لامن غدالك كبر هم وصواديف ازبن بعد ربي طبيب السلامة |
رد: مشكور لابالله حشى منت بضعيف..الطير كفك والجزيلة حمامه
هلا والله بخوي العصيمي للامانه نص رائع ولا هيه بغريبه منك دائما مبدع حماك الله ولا حرمنا جديدك |
رد: مشكور لابالله حشى منت بضعيف..الطير كفك والجزيلة حمامه
صح لساااااانك
جازلي ماطرحت تحياااااااتي لك |
| الساعة الآن 08:30 AM |
Powered by vBulletin® Version 3.8.12
Copyright ©2000 - 2025, vBulletin Solutions Inc