|
مناسبه
قصيده قلتها بمناسبة زواج أخي الاكبر !!!
سلام ياللي لك من اعماقي تحيه واقتدار ياللي لهيبة شخصك اتضيع المعاني والحروف الهاجس اقبل لي وقال اليوم حدد لي مسار ودي ابيّح سدي المكنون مابين الكفوف فقلت له هلّ القوافي واعلق المعنى بنار اليوم وجهتنا لشخصٍ في مدى قلبي يطوف هو عصبتي هو تاج راسي هو مزيجٍ من وقار له هيبة الشيخ الحكيم وطيبة الأب العطوف ابو حسين ولانطرى ماعاد يمدي الانتظار يشرق شعر عيد الضحى واذبح من الهاجس خروف انا دخيلك يالشعر جمّل صحيبك باختصار اليوم ذا هات الكلام آحدّ من روس السيوف ان ما مدحتك في الرخا .. مدحي بوقت الجد عار وانا اخبر ان حبر القلم في مدح شرواكم شغوف مبروك تصدى من جنوب المملكه حتى ذمار وتعود من قاع اليمن حتى ترددها الهفوف تستاهل الناموس ياللي حول قلبي لك مدار والله يبني بيتك ابساسٍ على العز امعروف كفي وهاجوسي ترى تشتاق لك على غرار شوق العمى لعيون تبصر يوم عينه ماتشوف |
رد: مناسبه
امير الشريف شاعر رائع ويجمل القوافي فلذلك لابد للهاجس
ان يجمله في عيون الناس صح لسانك حتى ترضى والله يبني بيت اخيك ويرزقه بالذريه الصالحه وعقبالك تقبل تحياتي وخالص تقديري |
رد: مناسبه
صح لسانك يااخوي
وتسلم يمينك على هالقصيده الراائعه . والف مبرووك بمناسبة زواج اخوك |
رد: مناسبه
الف الف الف مبروك وعقبالك اذا ماهو بالاولى ان شاء الله بالثانيه جزل ي بعدي وابياتك جزله ورآآآئعه كاروعتك صح لسانك وبوحك ~ |
رد: مناسبه
اقتباس:
صح بدنك ياناصر والله يجمل حالك على العبور .. والله يستجيب لكلامك وعقبالك انت .. تحيتك موصوله |
رد: مناسبه
اقتباس:
صح بدنك والله لا يهينك .. الله يبارك فيك وعقبالك يالغلا |
رد: مناسبه
اقتباس:
صح بدنك ياثامر والله يبارك فيك .. وانت الظاهر تحسب اني كبير وانا ما عمري الا 22 سنه .. تحياتي لك |
رد: مناسبه
مساك الله بالخير يالامير وبيض الله وجهك في مدح اخوك الله يخلّيكم لبعض ولا يوؤيكم لا شر ولا مكروه الثانيه الف الف الف مبروك زواج أخوك والله يوفقه ويهنيه الثالثه قصيده جزله وطيّبه مثل راعيها الله لا يحرمنا جديدك ,, تقبل مروري ودمت بحفظ الله |
رد: مناسبه
اقتباس:
الله يبارك فيك ويخليك لعين ترجيك .. وجودك في متصفحي شرف لي .. لا خلا ولا عدم .. مرورك عطر ارجاء نصي .. الله لا يهينك يالغالي |
| الساعة الآن 01:07 AM |
Powered by vBulletin® Version 3.8.12
Copyright ©2000 - 2025, vBulletin Solutions Inc