الملتقى الجماهيري للشاعر محمد بن فطيس المري - جتني وانا .. شيخ قوم بعين شيابي

من وين ما شفتها يبلغني مصابي
ما فيه شبر ٍ بها ما طحت بادمانه
نقص ٍ مهو زود فيها عنّها هابي
وزودٍ يُرى نقص ما تتقبّل احسانه

يا عم .. شف حسنها وشلون سوّابي
شف كيف صدع الجبل لا ثار بركانه

شفني ليا من طرت كيف اترك اصحابي
شف كم لها عيني من الشوق سهرانه

يا ليتني يومها دقت على ابوابـــــي
عيّيت لا افتح لها قلبي وبيبانـــــــــه
ولا اعطيتها واجب اسلامي وترحابي
وسكّرت حتى قبل ما اقول غلطانه
وصديت عنها وهي ما تعرف اسبابي
صدة كريم ٍ حشم عورات جيرانـــــه
ما عاد تنفعني امجادي .. ولا القابي
غادرت عز القصور , لـ ذل زنزانــــه
جتني وانا .. شيخ قوم بعين شيابي
وراحت وانا .. طفل بعيون اصغر اخوانه
-
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] // [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

.