الملتقى الجماهيري للشاعر محمد بن فطيس المري

.

صاحبي.. لو كان للناس والدنيا أمان

ماتموت ورود الأحلام قبل نشمّها

خل عنك علوم الأحباب.. واللِّي كان كان

انتهيت.. وسيرة الشوق ماني يمّها

كلما تظما لياليك قمت اكتب عشان

تنزف جروحي والأيام تشرب دمّها

الكلام الموحش يخاف نور الشمعدان

تحترق أسمى معانيه قبل يضمّها

كل حاجه طعمها مر في هذا الزمان

هم هالدنيا وحنَّا نعيش لهمَّها

المكان اللي عرفناه ماعاد المكان

والقلوب أحداث الأيام زادت غمّها

صاحبي حتى انت ماعاد تستاهل حنان

انت بعثرت المشاوير وانت تلمّها

البكاء في مثل هالحال نوع من الهوان

والمهونه كل رجَّال حر يذمّها

من زمان اكتب على عشان نقرأ.. من زمان

بس ماشفت المكاتيب جابت همّها

-
#شعر
#متعب_التركي

.