ماعطيتك من غلاي الصادق الا كلـه..
 

بسم الله الرحمن الرحيم,,
السلام عليكم ورحمة الله وبركاته,,
أسعد الله صباحكم ومسأكم بكل خير وسرور,,
أبيات متواضعه علها ترتقي لذائقتكم الراقيه,,

[poem=font="simplified arabic,4,darkred,bold,normal" bkcolor="white" bkimage="" border="double,4,firebrick" type=0 line=0 align=center use=ex num="0,black""]
القبايل سلمها لهل المحبه عله=تودع الحيين في غيض الممات الحامي
مل قلب ٍ كل مايشتاق ألا يامله=ينقل أوجاع الحياه وضحكة الاحلامي
ماوقفت أبني من الامال كيف أوصله=للفضاء رواد والبيداء لها الاقدامي
وأنت في روحي مكانك ماحد ٍ يحتله=خل عنك أهل الحسد والي تجيب ايامي
ماعطيتك من غلاي الصادق الا كله=ولا خفيت من المحبه غير جرح ٍ دامي
لين صرنا للسلوم وللمبادي زله=مادمحها غير نسناس الهبوب الشامي
صار فكري للطواري والهواجس حله=دكته من عامها الاول وهذى العامي
كل ماسجيت سيف الذاكره تستله=كني أشوف السنين الجايره قدامي
فالمكان الي شهد في ماجرى لي ضله=إفتراق الشمل سم ٍ في حشايه سامي
ياعسى ذيك المنازل للمزون تعله=لين ينبت عودها الذاوي ويروى الضامي
في مثانيها جرى بين الخليل وخله=قصة ً ماشيـٌُـعت في ساحة الاعلامي
مابقى غير الكتاب وكل ليل أفله=وأدفنه لاضاق بالي تحت ذاك الخامي
وسلامة نواظركم وقلوبكم,, خالد العبيريد.
[/poem]

رد: ماعطيتك من غلاي الصادق الا كلـه..
 

صح لسانك
شعر أصيل وكلمات تستوطن القلوب

حياك خالد على هالابداع

رد: ماعطيتك من غلاي الصادق الا كلـه..
 

صح لسانك واعتلى شانك
شاعر عذب ومميز بقريحتك الجزله وخيالك الواسع والجميل
وتسلم يمينك على هــــــــــــــــ الطرح
ودي

رد: ماعطيتك من غلاي الصادق الا كلـه..
 

مابقـى غيـر الكتـاب وكـل ليـل أفـلـهوأدفنه لاضاق بالي تحـت ذاك الخامـي
..صح لسانك ياخالد .. ابيات رائعه

رد: ماعطيتك من غلاي الصادق الا كلـه..
 

الريح ماجد عزام،،

اهلا وسهلا بكم الله يحييكم،،
صح الله ابدانكم وصحة قلوبكم ولاهنتم ،،

شرفتموني بحضوركم وحسن اطراءكم لاخلا ولاعدم.

رد: ماعطيتك من غلاي الصادق الا كلـه..
 

خالد العبيريد

هنا أستوطن الجمال.
لاعدمنا جمال قلمكَ سيدي.
كن بخير.