|
هـذي هـي الدنيـا .. نصيـب ومقاديـر
هـذي هـي الدنيـا .. نصيـب ومقاديـر
قال: الظروف .. وقلت : يالله عسى خيـر قال : الرحيل .. وقلـت : بالامـر خيـره! كذا كذا .. فجـأة .. بـلا صـوت تحذيـر كذا كـذا .. مـن دون .. فرصـه اخيـره ساد الجفـاف .. وجفـت العيـن والبيـر ومال الغصن .. والطير .. فضّـل مطيـره ما في يدي حيله .. على الغصـن والطيـر ولا فـي يـده حيلـه .. يغيّـر مصيـره! كلي .. بعيـن الحـزن .. مترسّـم آميـر جيشي .. جروح .. ونبض قلبي .. ذخيره! ثار الرصاص .. وطاح غصـن العصافيـر وصوّب حزين القلـب .. اصابـة خطيـره ما لي سوى البسمة .. بوجـه المخاسيـر مـادام كـل احـلام عمـري ... كسيـره هـذي هـي الدنيـا .. نصيـب ومقاديـر وبعقل مـن يعـرف مداهـا .. قصيـره! كـم غلفـت بالشـوك .. ورد المشاويـر وكـم كفنـت بالجـرح .. قصـه مثيـره يعني !! سلام .. ونلتقي بك علـى خيـر يعني !! وداع .. وكل شخص ومصيـره!! |
رد: هـذي هـي الدنيـا .. نصيـب ومقاديـر
ذوق راقي ومميز في القطف الجزل
تسلم يمينك بنت حافز على هالطرح ىودي |
رد: هـذي هـي الدنيـا .. نصيـب ومقاديـر
صح لسان شاعرها
ابداع في كل بيت له صوره شعريه مختلفه ابيات رائعه ورصعت من ذهب من جمالها يعطيك العافيه على القصيده الرائعه سلمت اناااملك وننتظر ابداااعك تحياتي لك |
رد: هـذي هـي الدنيـا .. نصيـب ومقاديـر
بنت حافز قصيدة جميلة صح لسان شاعرها ولا هنتي بانتظار جديدك تحيتي وتقديري |
| الساعة الآن 04:37 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
