الملتقى الجماهيري للشاعر محمد بن فطيس المري - ماجد بن خرصان ~ طفيت انوار المدينه

- الشعر و الشعراء (https://www.m-f6es.com/vb/forumdisplay.php?f=15)

- - ماجد بن خرصان ~ طفيت انوار المدينه (https://www.m-f6es.com/vb/showthread.php?t=21094)

ماجد بن خرصان ~ طفيت انوار المدينه

طفيت انوار المدينه

طفيت انوار المدينه . . .واظلم الدرب الطويـل
والظلام اصبح يسيد....بكل صوب ومتجّه
طفيت انوار الشوراع..واختفى البدر الجميل
والقمر . . . ماعاد يعطي ليلي المعتم وجه
نجمة الذكرى تسامر. . . قلب مكسور وعليل
كن بيني والشقاوه . . . .عرق ودٍ وانسجه
وابتسم لليل واضحك ...والزمان اصبح يميل
وحظي اللي كان مايل صار به زود عوجه
في غيابك يامسافر . . صارت دموعي تسيل
اي ذكرى عنك لازم .... دمع عيني تدرجه
في غيابك وش بقى لي!دامك انت اغلا خليل
غير حرفٍ منسجن . .عجز يلاقي مخرجه
طالت الغيبه وعيني ..في رجا وصلك واشيل
في وسط قَلبيّ كلامٍ ..صعب والله اخرجه
صرت انا مثل اليتيم . .اللي يضيق بكل ليل
والدفاتر من دموعه . . .ضايقات ومُحرٓجه
صرت آنآ مثل الغريب اللي غدى عابر سبيل
لا المدينـه ضمتـه . . . . . ولا يـدل المتجـه
داوني بالوصل يلي . . شوفتك تشفي الغليل
وانت وافي والوفاء . . .قَلبك تسيد منهجه
عجل عليَ ارجوك . . ياسيد الغلا ياسلسبيل
'صدري كتوم وخوفي عيونيَ تسوي دبلجه'

ماجد بن خرصان