|
الهم كرت وحزن وقتي زياره
السلام عليكم ،، صبحكم الله بالخير جميعاً
وكل عام والجميع بخير يارب ،، بعد التقصير اللي حصل مني ، لقلة تواصلي ،، أعود بهذه القصيده المتواضعه ،، لعلها تشفع لي عند قلوبكم الطيبه والنقيه ،، _________________ ثـوب الهمـوم ، اللـي خنقنـي زراره لاجيت أدور للنسـم فيه ،، مالقــــاه الهم كـرت ،، وحزن وقتي زيــــــاره والضيق في صدري مكانه ومركــــاه ماحد ٍ يعيش بدنيته ، باختيـــاره مكتوب للإنســان ،، سعيه وممشــــاه على كثر ماشفـت ، ظلــم ومـــــراره أيقنت إن الصـدق للشخص منجــــاه شفني بعـد حلـــم ٍ تعبت إنتظــاره ماعـــاد أعيش بحـزن ، ولا معـــانـاه قلبي تعـــافى ، يـوم رد إعتبـــــاره عـوضنــا ربي ،، كل شي ٍ خسـرنـاه ومادام فك الهــم عني حصـــــاره ! إسمع نصــايح من تعلـم بدنيــــــــاه اللي عرفته ، في صريح العبــــاره ! ماهو بشــرط اللي تحبه !،، تمنـــاه وماهو بكل إنسان ، فقده خســــاره وماهو بكل إنسان ، لو راح تنســـاه بعض البشر عيب ٍ عليك إحتقـاره بالذات لامن صار ، بالطيب مسعـاه خوة رجال الطيب ،، أكبر تجـــاره يوم إن بعض الناس ، ودك بفرقاه ولا ردي السـاس ،، جنـّب مســـــاره وإحـذر تدور حاجتك عند شــرواه إدمـح خطا ، من يوصلك إعتـذاره وصافح يمين ، اللي يمدّلك يمنـاه وإحرص على درب النقا والطهـاره فالآخره ،، لامـال ينفع ولا جــــاه قاوم عجاج الوقت وإنفض غبـاره ولا تطيع النفس ،، في كل مشهاه وإن عشت ضيم الوقت ولا إنكساره إدع الذي ،، مافيه حاجه وتخفاه إصبر ،، مع إن الصبر ياقـو نـــــاره لابد مايــاخـذ ترى الحق مجــــراه دايم تذكـر في حيــاتك ، عبــاره الآدمي ، مكتـوب له كل ماجـــــــاه لمتعب الثقيل |
رد: الهم كرت وحزن وقتي زياره
وعليكم السلام ورحمة الله وبركاته تقبل الله منا ومنكم الطاعات وصالح القول والعمل وعيدكم مبارك اعاده الله على الجميع اعواما عديده بالصحة والسرور وكل عام وانت بخير [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] متعب الثقيل لله درك صح لسانك مليون شاعرنا ولا هنت على هذه الابيات الرائعة كل بيت اجمل من البيت الي يليه لا هنت لجمال ما طرحت من ابيات جزله فيها نصائح غاليه وحكم ثمينه تحيتي وتقديري ونجومي |
رد: الهم كرت وحزن وقتي زياره
|
رد: الهم كرت وحزن وقتي زياره
لولوه المري /
صح بدنك يارب ،، تعليقك أفتخر فيه وتوجدك بحد ذاته تقييم ،، ألف شكر ،، لاخلا ولاعدم يارب ، |
رد: الهم كرت وحزن وقتي زياره
|
رد: الهم كرت وحزن وقتي زياره
تنسيق روعه ،،
وحظورك أروع ،، من القلب ،، ألف ألف شكر والله ،، ، |
رد: الهم كرت وحزن وقتي زياره
عذوبه وبعد غياب بعد صح لسانك انت مبدع وشاعر راااائع
اذا سننظرمنك الاجمل والاجمل كعادتك شاعرمتعب |
رد: الهم كرت وحزن وقتي زياره
اخوي الغالي والشاعر متعب الثقيل
نثرت لنا من صدق مشاعرك درر ثمينة نابعة من معاناة وتجربة مريرة مررت بها لذلك جائت بهذا الجمال والرقي لايجيد صياغتها الا شاعر قدير ومتمكن وانت كذلك احييك اخي الغالي تحية اعجاب وتقدير تقبل مروري |
رد: الهم كرت وحزن وقتي زياره
صح الله لسانك
كفو عليك |
| الساعة الآن 02:59 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
