سوق القصيريه
 

السلام عليكم ورحمة الله وبركاته
صبحكم الله بالخير كيف حالكم جميعا
والسموحه على الغيبه الطويله
مادري وش ابدا لكن جبت من الارشيف عل وعسى تنال رضاكم


يقول:
في وسط سوق القيصريه جوف ليل من الليال===ردت على بالي هوى ليلى مع مجنونها
شد انتباهي فالمسا صوت الكعب تحت النعال===وانا على ماقيل لدروب الهوا مرهونها
واقبلت من باب السلام وما معاه من السوال===ولاهو بحايل حكم هتلر ذا المسا من دونها
ولادريت ان جنب صاحبة النعال اجمل غزال===اللي يطيح الطير لالدت عليه عيونها
قالت انا اجاوب سؤالك كان تعطيني مجال===واسترسلت كن العسل مخلوق بين سنونها
واعطتني المضمون ولاادري حقيقه او خيال===بس المهم اني سرحت وتهت في مضمونها
انا اشهد ان بعض الجمال يسد من بعض الجمال===يغنيك عن ناس تحط العولمه من لونها
خلك مع بنت الحلال ام الدلع وام الدلال===اللي تداري سمعة سلوم العرب وتصونها
مثل الغزال اللي مع ام الكعب والشك زال===ماظنتي تكمل مراسيم الحلا من دونها
اقفت بقلبي وانقطع من بعدها حبل الوصال===وهي اصبحت ليلى وانا عقب البطا مجنونها

سوالم

رد: سوق القصيريه