الملتقى الجماهيري للشاعر محمد بن فطيس المري - ... فـ الصدر ضيقه وانقباضه وتسويف ...

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - ... فـ الصدر ضيقه وانقباضه وتسويف ... (http://www.m-f6es.com/vb/showthread.php?t=1993)

... فـ الصدر ضيقه وانقباضه وتسويف ...

فـ الصدر ضيقه وانقباضه وتسويف
وفـ العين حزن وسور مجد وصبابه

لو في يدين الصبر قفـل الصواديـف
ما أضحت ملامحنـا ذهـول ورتابـه

ملامـح اللحظـة فتـات وتخـاريـف
واحلامـنـا ، وافعالنا ماتشـابـه

نقتات روتين الخرافات .. ونضيـف ؟
فـراغ .. مايمـلاه صيغـة إجابـه

الحزن يشربنا من السِيـف للسِيـف
ماكـن فيـه اتـرابٍ ..إلا تـرابـه

بـ حلوقنا ينبـت غوايـه وتطفيـف
وبوجهينا مليـون ضيـق وغرابـه

وبيدننـا حفنـة منافـي وتكثـيـف
لـ حمـل السنيـن المثقلـة بالكآبـه

نكتب ونمسح كـن مانكتـب يخيـف
حتـى كبـر فينـا "رقيـب" الكتابـه

فينا انتماء للفقر والحـزن والريـف
وفينـا ، وفينـا مانخاف ونهـابـه

صوت المواجع حي ، واقرب من الطيف
واقرب كثير مـن الصغيـر لـ ثيابـه

كنا رفات وركب الاحيـاء مناكيـف
ودرب المواجع قدمنـا ، هـج بابـه

قبيح وجه الوقت واقبح من الزيـف

واقبح منه حلم الفقيـر.. وزهابـه

هـذي ملامحنـا مواجـع وتسـويـف
وضيـقٍ مـلا كـل الاماكـن رتابـه

,..‘’‘’‘’..,

م ـــما رآأآق لـــي