|
ملعون الثوى
واهني اللي فــلاطب الـــهــوى =وانشـــــغل قلـــبه ورى ضاف الجديل وماتعلق فـي المحبه ولااكتوى =بالســـــهر واللاآه في اللـــيل الطويل جادل ف عيونها ســـــحر و غوى=مــــــــــن وقع في حبها يصبح قتيل بنت نعمه وناس عالي المستوى=بيـــــت ابوها قصر ومن حوله نخيل وعندهم سواق وابوها لـــوى = والتــــــــحايا تضرب بصــبح ولــــيل ومن تقرب يمهاطاح وهـــوى =والبـــــــــلا لاصار جنــــدي هالـــهبيل مادرى وشعاد ابوهـــــــا له نوى =ياجزاء يـــانقل والاأمــــر ا لثقــــيل ضامي المسكين ولااحدن له روى=ودة بقـــــــــــــمراء ولكن مستحيل الـــجريح الـــلي فلاحصــــل دوى=وعلــــته ودواه ابـو الطرف الكحيل لـــــو تـــحلم مـــاتحلم مــــا قوى=يرسم احلامه ورى الخــــد ألاســيل غـــــير بس الحظ ملعون الثوى=مــــاعطالـــه وجه اودرب ودلــــــــيل اشتوى قـــــلب المولع والتوى=مـــــن وقع في حب نـــــقاض الـجديل مـــــــــن قـــــصــــايــــــد موسى ابومشهورالصايغ |
رد: ملعون الثوى
الله عليك مبدع ياموسى صح لسسسسسسسسسسسسسانك
|
رد: ملعون الثوى
سلمت ودمت يالذيب على مرورك من هنا
|
رد: ملعون الثوى
ماشاءالله عليك أخوي موسى ،، شاعر تكتب بحس فاخر وراقي ،،
والحب مايعرف بنت لوا ولا بنت وزير ،، ،، اللي يحس أن المشاعر بدت تتحرك في قلبه يحب ولا يشاور أحد حتى لو كانت بنت أمير ،، لكن لاصار حظه أقشر مثل ماقلت في هالنص الرائع ، مشكلته عاد والله يعينه ،، صح لسانك ياشاعرنا ،، والله إني أستمتع إذا قريت قصايدك ،، مبدع ولافيك حيله يابطل ،، ، |
رد: ملعون الثوى
هلافيك ياخوي على قولك اللي حظه اقشر الله يعينه واشكرك يالسنافي على هالتصفح النقي الجميل
الرائع ولعذوبة كلماتك التي تفوح من مصداقيتك لتلك الابيات واسئل ان يخارجنا ههههههههههه تحياتي لقلمك اخوك ابومشهور |
رد: ملعون الثوى
ههههههههههه انا اشهد انه ملعون ثوى ,,
موسى اول ماشفت العنوان قلت الله يستر لايكون خرف ابو مشهور ,, وفالحقيقه طلع العنوان مكمل ومجمل ياوافي وصح الله لسسسانك وصح قلبك ,, وعزتي للقلوب الشقيه ياشيخ موسى ,, كل تحياتي وتقديري لك واتمنى لك ولغيرك الخروج من هالحب . |
رد: ملعون الثوى
صح لسانك شاعر مبدع
ماشا الله تبارك الله |
رد: ملعون الثوى
هههههههههههههه صحيح تصدق ان فيه ناس قروا الابيات وقالوا نفس الكلام وراك يابومشهور مالقيت
الا اللي ابوها بالمنصب ذا اكيد انك خرفت ههههههههه ولاعرفوا الشخص الحقيقي لاقالوا عزي لحاله هذا القصيدة لها قصه لشخص ومانيب حاب اكتب اسمه حتى لايطب على اكثر من هالكلام هههههههه شكرا على مرورك وجمل الله حالك خوي خالد - - - |
رد: ملعون الثوى
بقايا طيف شكرا على مرورك والله يسعدك على تشجيعك اخوك موسى ابومشهور
|
رد: ملعون الثوى
صح لسانك ابو مشهور
شاعر عذب ولك طابع نصي مميز وعذب تحياتي لك |
| الساعة الآن 04:53 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
