السلام عليكم ورحمة من الله وبركاته بعد الغياب الطويل عن المنتدى أعود اليكم أحبائي من جديد ومن باب التواصل أقدّم لكم هذا النصّ المتواضع وأتمنّى أن يرتقي لذائقتكم


محبوبتي حاكمه تحكم عروش الزيـــــن
ووصفها ثوب حســـــن الخلق ملباســـه

لوقلت إحصر غلاها وأكتشفه الحيــــــن
والله لليــوم مــــاأدركـــت مقياســــــــه

مقداره الفائق الغامض سيوزن ويــــــن
لم يكتشف عصري السبّاق قِسطاســـــه

ترمي على الروح تعويذة بسحر العيـــن
واللي أصابه يقيم الحبّ فـــي رأســــــه

عيطــــاء متميّزه وخدّلجـــــة ساقيـــــن
والثغــــر ناصـــــع ويتلألأ كألماســــــه

القلب يشعر معاها بالتـــــرف والليــــن
ومن ثروة الوصل يملي جيب أحساســه

ويصبح ملك يمتلك أملاك ذو القرنيــــن
وفراقها أزمـــــة الخافـــــق وإفلاســـــه

في أيسر الجوف تغرس حسرته سكّيـــن
والضيق يغلب على عقلي وهوجاســـــه

والليل حانة تحاصر وجهي المسكيــــــن
والحزن نادل إلى قلبي حمـــــل كأســـــه

أشرب نبيــذ الغرام الممتــــزج بالبيــــن
ويسكر شعـــوري ولاتبقى معه حاســــه

وبساط همّي يشل الفكر لأرض الصيـــن
ويرى أساطيرهــــا وتزيــــد أتعاســـــه

كن المواجـــع لهـــــب/وغيابها تنّيــــن
إحترقت أجســــاد أفراحي بأنفــــاســــه

لكن عسى الباهت ايزينـــــه بالتلـــوين
وصالها والكدر يرحـــــل وأغــــــلاسه

يتفاءل الصبر رغم إن الزمن ذا شيـــن
ولو كان يتشاءم البعد بشقــــاء يأســـه

لان الحشاء لوبغيت أحصر غلاه الحين
صعب أن أحدد مدى قــدره ومقياســـه

مقداره الفائق الغامض سيوزن ويــــن
لن يكتشف عصري السبّاق قِسطاســـه




معاني بعض المفردات

القِسطاس/الميزان وهو أضبط الموازين وأقومها,,,عيطاء/طويلة العنق,,,خدّلجة ساقين/ممتلئة الساقين