|
......... كنّي كفيف عاجز يخايل .........
السلام عليكم ورحمة الله وبركاته هآذي ابيات متواضعه ارسلتها لواحد من الربع ورد علي اتمنى ان تنال رضاكم قلت انا وش حيلة اللي فارق الزين ياخيك وش حيلته مادام عاف البدايل اصد عن هاذي ولا لي بهاذيك كنّي كفيف(ن) عاجز(ن) لايخايل قله ترا اللي باع ناسه وشاريك جرحك كوا قلبه وحمله تمايل وقله تراه يموت لاحلّ طاريك ويصد قصده يخفي اللي تسايل ماهو بحق تصد وتعيف مغليك اللي مايسمع فيك كثر العذايل رد علي وقال لبيك ثم لبيك لبيك لبيك لبيك ياواف الفعل والخصايل حنا على منته تبي في مماشيك لو عودت من فوق قب الاصايل افعالنا محد(ن) جهلها وانا ابيك تعرف ليامن عودت للصمايل واللي يعيفك جعله افدا مواطيك لوكان يحسب من شيوخ القبايل خله على فاله يروّح وانا اخيك ماهو يحركنا طويل الجدايل وسلامتكم |
رد: ......... كنّي كفيف عاجز يخايل .........
ظافر العرجاني
صح لسانك ولسانك رفيقك كلمات جزله وافيه وعسى الله يحقق مرادك لاهنت على الجزلات يام بن يصبا |
رد: ......... كنّي كفيف عاجز يخايل .........
اخوي ظافـــر صصح لسسانك ابياتك وافيه وكافيه وجزله لاهنت يالذيب كفوووو
بس عندي انتقاد بسيط على اللي رد عليك وهذا لايفسد للود قضيه الابيات جميله جدا ورائعه انتقادي هو افعالنا محد(ن) جهلها وانا ابيك تعرف ليامن عودت للصمايل واللي يعيفك جعله افدا مواطيك لوكان يحسب من شيوخ القبايل خله على فاله يروّح وانا اخيك ماهو يحركنا طويل الجدايل هاذي نقدي على ابياته هههههههههههه ماندري هو اخوك ولا ابوك صح لسانك يا ظافر ولا هنت يالجزل متابع لك وبشده تحياتي لك |
رد: ......... كنّي كفيف عاجز يخايل .........
ماشاء الله ابداع منك ومنه
وربي ابداع اثنينكم صح لسانك ظافر وصح لسانه صاحبك وشكرا لك. . الله يحفظك يارب |
رد: ......... كنّي كفيف عاجز يخايل .........
يام بن يصبا صح بدنك اخوي والله لايهينك على مرورك يالغالي اللي شرفني واسعدني .................................... علي العنزي صح بدنك ياعلي ولاهنت على مرورك يالغالي ومتابعتك لي اعتز فيها واتنومس بها وانتقادك في محله ولكن انا بوضح لك وللاخوان الرجال اللي انا مرسله الابيات دايم ما اناديه الا ( يالشايب ) وهذا سبب قولته ( وانا ابيك ) اما قولة ( وانا اخيك ) فهو مثل الاخ او اقرب .................................................. .... الماسه صح بدنك يالغاليه ولاهنتي على مرورك وتعليقك اللي شرفني واسعدني |
رد: ......... كنّي كفيف عاجز يخايل .........
صح لسانك ولسانه ،،
بيض الله وجيهكم ،، ولي عوده أخرى للقصيده بأذن الله فيما بعد ، |
رد: ......... كنّي كفيف عاجز يخايل .........
متعب الثقيل
صح بدنك و وجهك ابيض يالغالي والله لايهينك على مرورك اللي شرفني ومرحبا بك في اي وقت يالقرم |
| الساعة الآن 06:53 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
