الملتقى الجماهيري للشاعر محمد بن فطيس المري

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - هــــــذا مكانه يابحر ! (http://www.m-f6es.com/vb/showthread.php?t=17762)

هــــــذا مكانه يابحر !

هذا مكانه يابحـر

هذا مكانه يابحـر أعرفـه زيـن
رغم البطا كنه هنـا مـن ثوانـي
كنه هنـا قبـل نتفـارق بعاميـن
قبل المطر يجتاح وجـه الــمــــــــــبانـي

وينه غلاتي يابحر وينـه الحـــــــــــــيـن
مرك .. لمحته .. مانشد عن حناني
بالله قول أنه هنـا قبـل يومــــــــــــــيـن
ودي أحس أنـه هنـا مانسانـــــــــي

حتى الكراسي تسألك يابحر ويـن
من غيبته حتى الكراسـي تعانـي
كنه هنـا قـدام وجهـك محبيـــــــــــن
نرسم على سطحك كثيـر الأمانـي

شف يابحر كنا على جالـك اثنيـن
واليوم ماغيـر الدمـع والموانـــــــــــــــي
دونه أشوف الزين بناظري شـــــــيـن
وباسمه أنادي واحد مـن أخوانــــــــي

وين السعاده ناسيتني مـن سنيــــــــــن
مدري بعد مثل السعـاده نسانــــــي
ااااه يابحر الدمع في محجر العيـــــن
ماأقدر على ذكراه هـزت كيانـي

ماأقول يسوى في عيوني ملاييــــــــن
يسوى عيوني وماغلى في زمانـي
هو القمر في الأرض يمشي برجلين
مافيه مثله يابحر شخـص ثانـــــــــتـي

شف يابحر ماهزني غيـر ثنتيـن
فرقاه وميسـم هالزمـن لاكوانـي
لكن أمانه يابحـر أحفـظ الديـن
لا جاك ثير الموج لهفـه عشانـي

قله غيابك عـن حبيبـك سكاكيـن
ماهو حرام الذبح بإنسـان فانـي
دايم يحن لموعـدك يعرفـه زيـن
وده يشوفـك يابشـر لـو ثوانـي