|
انهل بيوت الشعر من جال عدي
أنهل بيوت الشعر من جال عدي
المساس القاف والفكره مرِيه ثانين كوعي وكفي تحت خدي وأبدع بيوتً معانيها ثريه هيه يالي موقفك ماهوب جدي لاتحاول تستغل المعنويه القصيد امن المشاعر يستمدي كل بيتً فيه حس الراعبيه الذهب معدن يذوب ولايصدي من على عهد العصور الجاهليه والبحر معروف به جزرآ ومدي تدركه كل الحدود الساحليه ماتقارن بالفياح المجرهدي تنتظر غيث الرياح الموسميه يالله انك بالسحاب لها تمدي حيث صوت الرعد يطربني دويه |
رد: انهل بيوت الشعر من جال عدي
الله اكبر على كل شيطان..
أنهل بيوت الشعر من جال عدي المساس القاف والفكره مرِيه سبق وقلت لك بدوي وشعرك اصيل.. بعض الناس مايعرف (المساس) ولا يعرفها الا البدو اللي يبحثون عن الارض المساس.. لأن الارض المساس تعني الارض التي عشبها. ينفع الحلال ويعود له بالنفع في حاله.. عكس الارض الوخيمه بقول البدو.. التي مايسمن رعيها ولا يستفيد منه الحلال.. انت شاعر. ويبدولي انك في بداياتك.. ويبدولي انك جديد.في عالم النت..والمنتديات.. والله اعلم.. صح لسانك مليون .. عسى الله يوفقك.. تقييمي واعجابي.لك |
رد: انهل بيوت الشعر من جال عدي
أرحم الله والديك اخوي سلطان
وماقصرت فعلآ كلامك صحيح أشكرك من كل قلبي على مرورك سلطان انا عمري قضيته مع الذود وارتع بها في نازحات المفالي اليا غدا للوسم براق ورعود فرغت نفسي للبكار الغوالي القى بها طربها ولذه ومردود من جود مولانا عزيز الجلالي |
رد: انهل بيوت الشعر من جال عدي
سلطان انا عمري قضيته مع الذود=وارتع بها في نازحات المفالي اليا غدا للوسم براق ورعود=فرغت نفسي للبكار الغوالي القى بها طربه ولذه ومردود=من جود مولانا عزيز الجلالي صح لسانك ملايين ،، خذ الرد يابدوي وكلنا بدو لنا الشرف... ياحبني للي حفظ كلمة العود= عزالله انه من خيار الرجالي يالجدي ماحولك ملامه ومنقود=هذي عظام المال قسم العيالي تطرب لصوت احوار مصغر ومفرود=وصوت الجمل بين الربايب يلالي هذي طراة الروح والجسم لدود= هذي طراة الروح قبل الزوالي بيض الله وجهك عزالله انني حبيت شعرك وحبيتك في الله |
رد: انهل بيوت الشعر من جال عدي
الله صح لسانك
ابدااااااااااااااااااااااااااااااع اشهد |
رد: انهل بيوت الشعر من جال عدي
صح لسانك يالجدي
قصيده جزله وشاعر مبدع وصح لسان ذخاير ظهور السواني نااااااااقد وشااااعر مبدع |
رد: انهل بيوت الشعر من جال عدي
سلطان هضت القاف والقاف مردود
ورغمتني ياخوك يمطر خيالي يامرحبآ وعداد ماذعذع النود وماغطرف القمري بروس العوالي بك ياعريب الساس يامنبع الجود نسل الحرار معربين الخوالي إليا ختلط في الجو ملحً وبارود عداتهم يثنون عند التوالي وسلامتكم ولاهنت أخوي سلطان وصح السانك |
رد: انهل بيوت الشعر من جال عدي
اقتباس:
المشاركة الأصلية كتبت بواسطة الجدي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] سلطان هضت القاف والقاف مردود ورغمتني ياخوك يمطر خيالي يامرحبآ وعداد ماذعذع النود وماغطرف القمري بروس العوالي بك ياعريب الساس يامنبع الجود نسل الحرار معربين الخوالي إليا ختلط في الجو ملحً وبارود عداتهم يثنون عند التوالي وسلامتكم ولاهنت أخوي سلطان وصح السانك صح لسانك يالجدي وصح بدنك.. وماعليك زود انت وربعك .. والله ودي ارد عليك لكن لازم تسجل اسمك الصحيح والقبيله.. افضل لك في كل الحالات. منها حفظ حقوقك الشعريه.وانت شاعر يفترض عليك تسجل بسمك.. ومنها..نتعرف عليك... ومعرفت الرجال شرف.. ومنها .إذا نويت اجاريك. لازم اعرف قبيلتك.. حتى اعرف من اتخاطب معه..ولها يجابيات كثيره .تعود لك! ملاحظه: إذا نويت تعديل اسمك.. فيه قسم في اخر الصفحه الريسيه للمنتدى.اسمه .بريد الاداره:. خاص للاداره.. تطلب تغيير اسمك.. من الجدي إلى. اسمك الحقيقي وسم قبيلتك. وهم يغيرونه. فوراً ،،ان شاءالله.. و اتمنى انك تلعب محاوره.. ويشرفنا معرفتك..الله يحفظك... |
رد: انهل بيوت الشعر من جال عدي
ريف الصبا نوّرت والله يحيك
يسعد مساء مثلك ويسعد صباحه مرورك الوافي علينا يحليك يضفي عليك من التواضع وشاحه |
رد: انهل بيوت الشعر من جال عدي
لاهنت اخوي فزاع وصح بدنك والله لاهينك
على المرور تقبل تحياتي وخالص تقديري |
| الساعة الآن 08:06 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
