|
قطر . أبو مشعل . شعبه البار
ما جيت ابارك لك على المجـد يـا دار ......................بل جيت اهنّي المجـد بـك ياعظيمـة المجد يطمـح لـك تحطّينـه اسـوار ......................في معصمـك ويصيـر للمجـد قيمـة بالحلـم والحكمـة وبـعـد التفـكّـار .......................قلدتـي الطاغـي وســام الهزيـمـة أضحى ورق ؛ وأنتي على دربه اعصار ........................هتكتـي استـارة نــواه الوخيـمـة تَهَجّـوا حروفـك عديميـن لابصـار ........................وسمعوا نبـاك أهـل الأذان الصميمـة من فكر ( أبو مشعل ) ومن شعبه البار ........................قطفتـي عـذوق السمـا بالعزيـمـة حمد ؛ نظم لك عقد من شمس لابهـار ........................مـا فيـه حبّـة مـا تسمـى يتيمـة رجل نذر لك نهـر مـن دمّـه الحـار ........................وبسط لـك كفـوف العـزوم الهميمـة حط الجدي لك جار ؛ وسهيل لك جـار ........................ليـن الثّريـا جـات جـارهْ حشيمـة والٍ معا شعبـه صـدق سـرّ وَجهـار .........................يمنـاه بيـضـا والنـوايـا سليـمـة رجل يعرف شلـون معنـا التّحضّـار ..........................ماهو سـواة أهـل العقـول السّقيمـة ناس عن العليـا تـدوّر لهـا اعـذار .........................حتـى لونهـا بالصـفـات الذميـمـة لا قدمـوا مجـدا ولا ولّـعـوا نــار .........................اللـي يـرون إن الـولايـة غنيـمـة 2/12/2010 لندن |
رد: قطر . أبو مشعل . شعبه البار
يستأهل الوطن هذه ألقصيده العظيمه.
صح لسانك يامحمد ولاهنت* |
رد: قطر . أبو مشعل . شعبه البار
محمد بن سالم صح لسانك والله لا يهينك على هذا النص الشامخ
الناتج من النبض الصادق وقطر وحاكمها يستاهلون وانت احسنت في ترتيب الموضوع تقبل تحياتي وخالص تقديري |
رد: قطر . أبو مشعل . شعبه البار
محمد
صح آلله ألسآنك ي خيي ابيات فِ غآية الروعه وآلجمآل وعززز آلله انها جزله ومن جزل :) سلمت ولآهنت وعسآك ع آلقوة تشكرآآآتي سُلْطَآنه |
رد: قطر . أبو مشعل . شعبه البار
الله عليك يامحمد شاعر يخجل القلم ان يمر ويعلق بتعليق لا يليق بهذه القصيده الشامخه .. صح لسانك عزيزي ولا حرمنا نبض حرفك .. اتمنى ان لا تحرمنا من نبعك .. تقبل مروري واعجابي بحرفك .. لاهنت والله يوفق الجميع .. تقبل مروري واعجابي .. لك تحيه طاهره كطهرك
|
رد: قطر . أبو مشعل . شعبه البار
صح لسانك اخوي محمد
قصيده رائعه لاهنت يالغالي لك تحيه |
رد: قطر . أبو مشعل . شعبه البار
... محمد السالم ...
بيض الله وجهك وصح لسانك يالامير تستاهل قطر وانت مافيك قصور كفييت وفيت تقبل مروري تحيه طيبه لك |
رد: قطر . أبو مشعل . شعبه البار
رجل نذر لك نهـر مـن دمّـه الحـار
........................وبسط لـك كفـوف العـزوم الهميمـة حط الجدي لك جار ؛ وسهيل لك جـار ........................ليـن الثّريـا جـات جـارهْ حشيمـة صح لسانك يامحمد وبيض الله وجهك .. قصيده نابعه من مشاعر جياشه ياسلام عليك .. اتحفتنا بهذه الرائعه .. اعذر قصوري يالغالي لك مني كل التحايا |
رد: قطر . أبو مشعل . شعبه البار
يااااالبى ديرت بس
ولبى ابو مشعل فديتة صح لسانك وبيض الله وجهك ولاهنت والله |
رد: قطر . أبو مشعل . شعبه البار
محمد السالم
صح لسانك تستاهل قطر واهلها هالمدح الله يردك لديارك سالم وغانم لاعدمنا جديدك تحيااااااتي |
| الساعة الآن 12:26 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
