الملتقى الجماهيري للشاعر محمد بن فطيس المري

- الشعر و الشعراء (http://www.m-f6es.com/vb/forumdisplay.php?f=15)

- - زمان الحضاره جوال وزقاره (http://www.m-f6es.com/vb/showthread.php?t=16536)

زمان الحضاره جوال وزقاره

يسعد صباحكم اخواني خواتي

من قديمي اتمنى ان ينال اعجابكم

( زمـــان الحـظـــاره )

البـــارحه في ليــل مظلم خــــــــــلاوي

جالس افكر في زمـــــــــان الحضـــاره

حضــــارتــن شفـــنا معــاها البــــلاووي

دمــار والمــــــــوضــه سبايب دمــــاره

فيــــــه البنــــــات يحاربنّ الغطـــاووي

بـضيــق المــــلابس والدلـــع والاثـــاره

تمشــي تـخـمّـع بالعـبــــاة الرهـــــاوي

يـمنا بها جـــــــــوال ويسرى زقــــاره

اصبـــح لهــن مجـــالـسـن بالقـهـــاوي

ياخــوفي من بكـــــرا يردّن سكـــارى

صارت ضروووري بالمحبه تخـــاوي

وش هالزمــان اللـي غريبــن مسـاره

اما الشباب علــــوم والله و حـــكاوي

شيّــن يـجيـب الهـــــم وشـيّــن مــراره

البعض منهم للمــشـــاكل غــــوااوي

مطـــفـــوق ولـحـب المشـاكل شراره

ابـــوه يشكـــي ماتــفيــد الشكــاوي

من كثر سجنه صـــاير السجن داره

والبعض الاخر في حيـاته هـــــواوي

نمــره على درب الغـــزل واستمــاره

يطرب على هيفاء حياته غنــــاوي

سهران كل ليــلــه ونايم نهــــــاره

يسحب على ساره يصاحب مضاوي

وتـتـبع مضاوي بعــدها درب سـاره

في دنــيته عايش وعاشــق وهـاوي

كـــل الحـــرام وكـــل دربــــن دعــــاره

هذي حياتـــه ياحيـــاة الشقـــــــاوي

ياكثـــر من مثـــله حيـاتـه خســــاااره

متجنبــن اهل الذمــــم و اللحــاااااوي

المسلــم اللي لحيــته هي وقـــااااره

المـعـذره ياهل الـسّطر والعـــزاوي

مير الحــــراره يالهــــيــب الـحــراره

ياصاحبي والــيـــوم مانــــي بقــااوي

افصّـــل الواقــــع بثـــوب الطــهــاره

يالله ستــــرك من زمــان البـــــلاوي

يالله تســـتر من زمـــان الحـــظاااره

وسلامتكم

بقلم ماجد الشمري