|
يا ناصر بن حسين خابرك مسؤول
هاض الضمير وهيضه قول مرسول*
مادام كبدي جالها من دبلها وانا لساني كنه السيف مسلول خيرً على العاقل و شر لخبلها ويا بين فرق الناس فالعقل والقول *لكن بعض الناس ما كثر هبلها ناسً تحرف قولها بألف مدخول* تلقى بها الراحة لا ضاقت سبلها لاكن بعض القول ماهوب مقبول تلقى ضعيف النفس هو من قبلها بعض العرب كنه ترى الثور مدلول ومنين ما وجهت روّح قبلها وان ضقت من قافي ترى الرجم مدهول خابرك ما ترتاح كود بجبلها رجم ترى فارق به العرض والطول محبالة الصياد لأجلك حبلها دخل ثلاث أقوال في مركز القول و احرس على قولك يدخل دبلها يا ناصر بن حسين خابرك مسؤول كل المرامي جالها من نبلها وانا ترى حرً ليا شاف له جول نفسه على صيد الحباري جبلها وسلامتكم |
رد: يا ناصر بن حسين خابرك مسؤول
الشاعر القدير سهيل ارحب ترااحيب الحيا ,,
صح الله لساانك وصح قلبك وكلك شاعر جزل وشهادتي فيك مجروحه الله لايضرك يالقرم ,, التقدير والاحترام لسموك وبأنتظار رد شاعرنا القدير ناصر لو القاف وقفته على اربع احرف لكن متابع لكم . |
رد: يا ناصر بن حسين خابرك مسؤول
صح لسانك ياسهيل=ناصر بن حسين ولاهنت وبيض وجهك قصيده جزله
|
رد: يا ناصر بن حسين خابرك مسؤول
الشاعر سهيل صح السانك حتى ترضى شاعر جزل ولك بصمتك في الشعر
تحيتي لك وصح السان ابن حسين مقدمأ |
رد: يا ناصر بن حسين خابرك مسؤول
صحت ابدانكم واعتلى شانكم
|
رد: يا ناصر بن حسين خابرك مسؤول
ناصر ترا يا سهيل ما هو بمجهول
كل البلاوي في طريقه اكلها يحسب كبير القوم فالجوع معمول ويقرب الدله ويدحر كسلها لكن اظن عيونك الناعسه حول بين علينا يا سهيُ خللها ترمي حصاك بشامخ الطوط مخذول وياي روحك زايده من عللها با اسايرك ما دام الابداع بالقول حتى تشوف الناس من هو فحلها الطيب ما احلى الطيب والقول معسول لا تعقد الغونه وعندي حللها يا حر طاروحك على الخرب منقول والقوه اللي فيك بيدي محلها ولسانك اللي عاد بالرد مفلول ثلمه على صم الصفاه ان جهلها والرايه اللي من على العارض تجول ذي رايتي خضرا وكفي حملها لكن خوفي يطلع الحر معلول ويكون والبومه سوا في عملها والا نصاب السيف ياتيه منصول والنفس تبكي من نتايج خملها لا حول يا روس الرجاجيل لا حول صيحو على الخبلان تمشي مهلها ما هو معين في شبا السيف محصول الا رقاب رجال تشكي جدلها واللي غدا صدره من الغل مسدول نفسه تهينه يوم ينعى وجلها |
رد: يا ناصر بن حسين خابرك مسؤول
صح لسانك والقافيه
على (بلها) يعني اربعة احرف وليست على(لها) |
رد: يا ناصر بن حسين خابرك مسؤول
والظاهر اني فحلها
|
رد: يا ناصر بن حسين خابرك مسؤول
صح لسانك ياسهيل شاعر جزل بكل ماتعنيه الكلمه .. وصح لسان ناصر ابن حسين شاعر مجرم مع وجود قليل من الاستغراب !!
|
| الساعة الآن 06:44 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
