[ وفاة المشاعر ] عبدالله المويهي
 

بسم الله الرحمـن الرحيم


اقدم لكم قصيدة


[ وفاة المشاعر ]

,,


احسن الله عزاها واحسن الله عزاي .. في وفاة المشاعر بيني وبينها

مـير قولو لها لعــاد تــرجي هــواي .. علموهــا تصبــر والله يعينهــا

علموهــا معاد الهـا مكـان بحشــاي .. عقب ما كان قلبي قبضة يدينهــا

شمت عنها وماشي مع طريقي وراي .. لا بو حب(ن) يذل النفس ويهينها

لاتحسب اني ليا رحت لابد جـــاي .. لو تسيــل المحـاجـر دم من عينهــا

كل ما حاولت تستعطف ادبل قسـاي .. لأن بنت التغطرس ديني و دينهـا

لا تعيـش العمر بالامنيه في رجــاي .. علموهــا تدارك باقــي سنينهــا

والذي في يده نفسـي الاولـى حيـاي .. كـان .. ولا كرمتو مانبي شينهــا

ميـر قولوهـا لا عاد تذكر هــواي .. انصحوهـا تصبـر واللــه يعينهــا


..


للشاعر / عبدالله المويهي

رد: [ وفاة المشاعر ] عبدالله المويهي
 

سوال \ عبدالله المويهي المرشدي والا غيره

عموماً صح لسانه مدد ابدع الله لايضره
وصح كلك ياروعه ذووق راااااقي جداً

رد: [ وفاة المشاعر ] عبدالله المويهي
 

لاروع حضورك
نعم عبدالله المويهي مرشدي
يعطيك الف عافيه اسعدني مرورك