ليتك تشبعني نظر واشبّعك قاف وقصيد=وليتك توحا في كلامي يوم اناديلك تعال

انسى غرامك ويتجدد في الخلايا من جديد=كنه يقول انك من النسيان شي امن المحال

حبي لك اكبر من ملايين الحريري والوليد=لو هو بيصرف مابقاء للشعب قرش ولا ريال

ياتل قلبي من فتى نجران مع عبدالمجيد=لا غنوا بيوت الغرام اللي تثير الانفعال

يذوب صدري كل مامريتني مثل الجليد=حتى لو انك ماتمر الا على طيف الخيال

يالليت قلبي مثل قلبك قاسين مثل الحديد=ان كان والله ماتعنّا للاجابه والسؤال

تبغى الصراحه مابقاء عندي قديم ولا جديد=مادام ماعندك ضمير ولا على قلبك مجال

ذكّيتني من دون ذنب امن الوريد اليا الوريد=وذبحتني من دون سيف ودون حرب ولا قتال