|
المصافحه الاولى
السلام عليكم ورحمة الله وبركاته: مع ظلمة الوحشه وترديد الأحلام ......وحروووفي اللي تنكتب ماقرووووها ووجدي وشوقي والامل روعة انغام ..........ودمعة ووونه بينها مادروووها قصه حكايه احرف اوهام بأوهام .......وبيووووت ذكرى بالهجر دمرووووها راحووو ولاخلووو ونس او ترحام .......وعهووود كانت تنكتب هاجروووها وانا على هالحال وأردى من العام ......فيني الجروووح الي ابد مابروووها ألقى مواثيق الهوى دووم تنضام .......وتمووووت من ضيم السهر ماروووها وفي كل ليلة وجد فيني تولام .....أشري من وروود اللقا ماشرووها وبكل درب اسير به انصب اعلام .......على دروب(ن)بالهجر ضيعووووها ياما حفت لوصالهم وادمت اقدام ......وعروووق تنبض بالمحبه حشوووها وصارولهم مطعم ومشرب وهندام .........واللقمه اللي عقبهم ماكلوووهها راحت بهم دنيا الهوى ووجد وصيام ......ووقفوو عن ابيووووت الونس مابغوها وحطووو لهم بابعادهم عدة احكام .......وقلووب من شمع الوفا قفلوووها كانوو حيا ولا غدوو دوود وعظام ..........هذي صكوك احساسهم ماعطووها.. بنت الخليج |
رد: المصافحه الاولى
ارحبي ارحبي عداد السيل وبنة الهيل
يالله انك تحيه وتبقيها اول شي في ذمتي ماجيتي الا وقدني بحذف بالجهاز من الضيقه فريت كل الأقسام اخر واحد متصل قبل ثلاث ساعات حسيت أني لست في المنتدى اللي اعرفه ولكن جيتي وجابك الله اول شي الله يحييك عني وعن منسوبي الملتقى من اعضاء ومشرفي واداره ثاني شي بيض الله وجهك على القصيد والمصافحه التي ان دلت على شي انما تدل على بزوغ شمس شاعره من الوزن الثقيل حطت رحالها في ملتقى جماهير بن فطيس ثالث شي يطيب لي ان اكون محضوض احي انني اول مستقبل ل هذاه الدرر من شاعره ساتضي سما منتدانا وياهلا بهل الشعر وأهل البراقع رمز الأصالة انك الاصيله بنت الأصيل الوكاد أني عرفتك من شعرك رغم عدم معرفتك بي وصح الله لسانك ورفع الله شانك والقلوب والعيونمكانك والعذر على كثر الكلام ولكن محاوله مني إعطاء اطلالتك لو قليل من ماتستحقين وتذكرو كلامي يامعشر الشعر الايام القادمه بحيل الله وقوته ساتعرفون مدى صدق كلامي عن هالشاعره نعم شيخه وبنت سلاطين تحيات وتقدير واحترام واعجاب اخوك سعيد القحطاني |
رد: المصافحه الاولى
سعيد محمد القحطاني شاكره جزيل الشكر على الاطراء العذب والجمل
الله يبقيك ويطول بعمرك وهذى وسام على صدري من شاعر في هذى الملتقى رحب فيني واثناء على قصيدتي المتواضعه الله يخليك لعين ترجيك وشرف لي حضوري اخي يقل الكلام ويعجز التعبير على رد كلامك العطر واقول الله لايحرمني من مثلك وشرواك تحيتي لك |
رد: المصافحه الاولى
وحطووو لهم بابعادهم عدة احكام
.......وقلووب من شمع الوفا قفلوووها ارحبي مليون يابنت الخليج ماشالله عليك مصافحه اولى رائعه بكل المقاييسس رغم الالم والحزن الذي سكن بطياتها صح السانك مليون تحيتي لك |
رد: المصافحه الاولى
صح ابدنك بدر الشدادي وتسلم الله يطول بعمرك
ترحيبك مثلك طيب وانت وافي شاكره لك مرورك الجميل تحيتي لك والله لايحرمني من مثلك وشرواك |
رد: المصافحه الاولى
صح لسانك يا بنت الخليج...
ما فيه أجمل من هالمصافحة.. شاعره مبدعه وتستحقين رفع القبعه... ننتظر جديدك بشغف... فهد! |
رد: المصافحه الاولى
صح السانك حتى ترضين ياشاعرتنا
ابيات عذبه كـ عذوب تواجدك النقي بيننا نحن في انتظار جديدك بكل شغف يابنت السلاطين وحياك الله بين اخوانك وخواتك تقبلي خالص ودي وتقديري |
رد: المصافحه الاولى
بنت الخليج
هلا وغلا ومرحبابك وصح بدنك وعتلا شانك هذي مو مصافحه اولى هذا ابداع نص يستحق الاشاده سجليني متابع دايمآ لك مني كل الود ولاحترام |
رد: المصافحه الاولى
بنت الخليج ياهلا والله سعداء بانضمامك شاعره متمكنه وحرفك راااقي وراق لي صح الله لساانك وع القوووه يابعدي تحياااتي |
رد: المصافحه الاولى
صح بدنكم وشاكره لكم تواجدكم الطيب
تحيتي لكم وشرف تفاعلكم الجميل |
| الساعة الآن 05:31 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
