|
اللي يجيد الشقر يدخل
نبدأ لكم ياجماعه ب السلام السلام والمعركه مانهايتها السلام السلام نبغى لنا شاعر(ن) يفهم بمعنى النظام ناخذ علومــه عـلى الدلــه وفــنجالـها ــــــــــــــــــــــــــــــــــــــــــــــــــ ــــ جات الرساله وهذا نصها نصها والعاقل اللي تسده نصها نصها مدام طاح العبير اللي عليه الخطام نبغى نعرف اليتاما ويش يـبـقــالها |
رد: اللي يجيد الشقر يدخل
اقتباس:
ياصاحبي مامعاك الا الشريف الشريـــــــف لو انت مثله ولا انت ابن الشريف الشريف حنا نعرف الحلال وعارفين الحـــــــــــــرام وغترتك لاهب ريــــــــــح اتطيح اعقالهـــا __________________________ مامعك من غير ذي ياصاحبي غير غيــــــر لاتحسب ان العرب مثلك ترى غير غيــــــر وان كان طاح البعيــــر يطيح خرج السنام والي بقا لليتيم الفين بلحالهـــــــــــــــــــــا |
رد: اللي يجيد الشقر يدخل
اقتباس:
انا الــسنـاني ذراكــم بالــصـبا بالـصبا وانته ليا اللحين وقتك بالصبا بالصبا مدام الاشراف مثلك يحملون الوسام يالله عسى اشراف مكه تكثر عيالها ــــــــــــــــــــــــــــــــــــــــــــــــــ ــــــــ عندي حقايق لساني عدها عدها واما علومك دخيلك عدها عدها كانك مسكت الطريق ارجوك شد الحزام ترى الحوداث كثيره وانت تبرى لها |
رد: اللي يجيد الشقر يدخل
اقتباس:
حنا حكمنــا المدينه وانت به وانت به وليا بغيت الخطيه فانتبه وانتبــــــــــه لاشك الاشراف ماترضى عليها الكلام شيبانها طيبها مذخور لعيالهــــــــــــــا _______________________ اليا عطيناك منـــّـا تذكــــره تذكـــــــره لاشك درب السنع بالتذكـــره تذكــــــره من شان تنشاف مابين الصقـر والحمام ربعك تغني ولا العشقه على بالهــــــــا |
رد: اللي يجيد الشقر يدخل
ي سسسسسسسسسسسسلام التقى العمالقه والالفين نعمه يالشريف عسى الله يزيدها ض25
والله ان فيها بركه انه مكفيه عالم وسد حلوق العالم عنا خخخخخخخخخخخ متاااابع ومستمتع شعراء كبار وشقر على مستوى لاهنتم لاهنتم واصلو ويازينك يانسيم الصباح ض25 ض7 |
رد: اللي يجيد الشقر يدخل
اقتباس:
ابواب ذيك السفينه سدها سدها قدام للناس تكشف سدها سدها القافيه ساريه وانته بوسط المنام ضيعت بالقافيه والحال يرثى لها ــــــــــــــــــــــــــــــــــــــــــــــــــ ـــ انت ملخبط وشقرك منشقر منشقر والعود في يدك شفته منشقر منقشر خلك على الاوله في صبح ولا ظلام البدو ماتنزل الا وسط منزالها |
رد: اللي يجيد الشقر يدخل
حياك الله يالهوى الغربي ومرحبا ومسهلا والله يزيدها من عنده هههههههه ولاهنت على مرورك العذب
|
رد: اللي يجيد الشقر يدخل
الله الله مبدعين ليتني سبقتك يامحمد ودخلت قبلك
صح السنتكم مبدعين اثنينكم لاهنتو |
رد: اللي يجيد الشقر يدخل
كانك مسكت الطريق ارجوك شد الحزام
ترى الحوداث كثيره وانت تبرى لها الله الله صصح السانكم آستمتعت ومتآبعه عن بعد |
رد: اللي يجيد الشقر يدخل
الضاهر انك تدور عقلهـــــا عقلهــــا
من بعد عدت العلوم وعقلها عقلهــا القافيــه واضحه معنى ونقضي تمام مالي شغل في الضعوف الي على حالهـا _______________________ تتعب ورايه ولانته للضفر للضفـــــــر خذ علم ماهو بشم اهل الضفر للضفر في العلم ماشي معك لاكـــن ذل النعام ابعده من عزتـك لن طاب رجالهــــــــــــــا |
| الساعة الآن 11:24 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
