|
ومن تمادى في خطاك العن ابوه وجده ولا ينزل هامتك مسلم ولا نصارني ؟؟
السلام عليكم ورحمة الله وبركاته ..
ياقصيدي نفض اغبـــارك وخلك قـــده ............. وألعب الطاروق حتى تروي العطشاني ومن تمادى في خطاك العن ابوه وجده ............. ولا ينزل هامتك مسلـــم ولا نصارنـــي وإن بغيت تعشــــي المفتاق ولا غـــده ............. ادري ان اعذب قوافي ترجمة شيطانـي وادري انك من بحر جزره يساوي مده ............. والحروف الابجديـه مهرتــي وحصانــي وقفتك وقفت شجاعن ينتخيبـــه ضــده ............. عقب مابار الزمـن علق عليــه العانــي اعتزي بك مثل ربعــــي لنتخو بالــرده ............. وارتفع صوت البني تكفـون يالشجعانـي ذاخرك عندي سلاحن في نهار الشــده ............. تلطم وجيه العــدى وبهجبـك الصدقانــي طير حـــر مبرقعــنً وليا نويــت اهـــده ............. منت ياطير الفـلاح مصفـــق الجنحانـــي صحيح اتيت وفي جعبتي الشيء الكثير ولكن دخلت مع باب الغلا للجميع وسوف اعود من هذا الباب بأذن الله .. اكرر اعتذاري للجميع إذا اثقلت عليهم ويعلم الله اني لم انوي احد بسوء .. تقبلوو خالص تحيات اخوكم سنيد القعياني المطيري .. |
رد: ومن تمادى في خطاك العن ابوه وجده ولا ينزل هامتك مسلم ولا نصارني ؟؟
صح الله لسانك ولاهنت ياسنيد وانت اخ وزميل غالي
على كل حال قبل تثقل ولاغيرها والله انك شاعر ماشالله عليك وارويت ذائقتي بهذه القصيده لاهنت وبيض وجهك تقبل مروري واعذر قصوري |
رد: ومن تمادى في خطاك العن ابوه وجده ولا ينزل هامتك مسلم ولا نصارني ؟؟
صح السانك يا غالي
انا اتابعك من اول ما سجلت هنا والله انك جزل واتعب وانا اقول جزل لا عجمت |
رد: ومن تمادى في خطاك العن ابوه وجده ولا ينزل هامتك مسلم ولا نصارني ؟؟
انششششششششششششششششششهد إنك كفو
شاعر مميز يستحق التقييم بجداره تحياتي ترانيم |
رد: ومن تمادى في خطاك العن ابوه وجده ولا ينزل هامتك مسلم ولا نصارني ؟؟
اوف اوف اوف قوة وجزاله وصلابه وشاعريه وتفنن وعذوبه وروعه
صح لسانك شاعرنا |
رد: ومن تمادى في خطاك العن ابوه وجده ولا ينزل هامتك مسلم ولا نصارني ؟؟
وعليكم السلام ورحمة الله وبركاته ,,
ياهلا ويامرحبا يالقعيااني ترااحيب الغلا والتقدير ,, بيض الله وجهك والشك منك زايل رجل راعي حميه وشاعر جزل ويشهد لك حرفك العذب ,, صح الله لساانك وصح قلبك وكلك ولاشفنا منك الا كل خير ياسنييد وعسى مامن شر ياغالي ,, خالص تحياتي وكل تقديري لك . |
رد: ومن تمادى في خطاك العن ابوه وجده ولا ينزل هامتك مسلم ولا نصارني ؟؟
قبل كل شي عسى ما خلاف يا سنيد ؟؟؟
وصح الله لسانك وانت مافيك ولا في قصيدك شك جزل من اول مشااركه لك ونعم ومليووون يا سنيد بك وبحمرران النواظر واتمنا انك تبقى هنا فلا غنا عنك |
رد: ومن تمادى في خطاك العن ابوه وجده ولا ينزل هامتك مسلم ولا نصارني ؟؟
ارحب يا سنيد
صح الله السانك وعتلا شاانك جزل يا الجزل استمر وتحفنا بإبداااعاتك يا الغاااالي وانت شاااعر يشهد لك حرف الماااسي تقبل مروري المتواااضع |
رد: ومن تمادى في خطاك العن ابوه وجده ولا ينزل هامتك مسلم ولا نصارني ؟؟
صح لسانك .. وبيض الله وجهك يّ المطيريّ ..
لا هنت |
| الساعة الآن 06:18 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
