|
القصيده التي لم تعجب احد
ياحب قلبه للمشاريه والصد=وانا صبرت وطال صبري وصده اليا طلبته وصل قفى ولا رد=وانا انتظر من عدة شهور رده قفى مثل حر(ن) نهار الهدد هد=حسبي على اللي من حشا الصدر هده دعيته وليته تنحى ولا لد=بانت دروب الدمع من فوق خده غدا وصاله ند ومفارقه ند=حالت صروف الوقت دونه وضده يسكن بقلبي يوم يومين ويشد=مايدري ان قلبي عنى البعد حده لكن سامحني ترى الصبر له حد=ينعاف صبر(ن) زاد من فوق حده ولاتعجب كل ماقلت لك عد=لك في خفوقي رجم لاجيت عده لابد من يوم(ن) يجي فيه لابد=كلمه تشد الحيل والا تهده |
رد: القصيده التي لم تعجب احد
ولاتعجب كل ماقلت لك عد
الشطر هذا فيه شيء هههههههه لو مافيه شيء كان قلنا ليتك عرضتها على ابو حمد بدال ذيك هههههههههههه امزح صح الله لسانك انت شاعر ولكن عندك اخطاء املائيه تستعجل بالنشر راجع القصيده ترى الشعراء مايرحمون لاشاف الخطاء يكسر البيت مايقول خطاء املائي يقول كسر ويعيب الشاعر وقصائدك تعجبنا بالعكس انت شاعر ونفتخر فيك والله يوفقك |
رد: القصيده التي لم تعجب احد
عبدالله صح السانك مدد
تحيتي لك |
رد: القصيده التي لم تعجب احد
بالعكسسسس الشطر سليم انا بهالمره اختلف معك المره الاولى صح هو بس هنا ما شدد الحرف والشعراء بإمكانهم قراءتها بصفه سليمه حتى لو لم توضع الشده ولا تعجّب كل ما قلت لك عد شدد الجيم يستقيم الوزن صح لسانك قصيده راقيه ومميزه بالفعل ترانيم المطر |
رد: القصيده التي لم تعجب احد
صح لسآنك عبدالله
قصيدهـ رآئعه الله يحفظــــككـ يآرب |
رد: القصيده التي لم تعجب احد
عبدالله صح لسانك قصيده جزله من شاعر جزل
انت شاعر ماعليك كلام وسبق ان قلت رأيي في في شعرك باول مشاركه تقبل تحباتي ولا تعجب كل ماقلت لك عد الشطر سليم بالميه ميه |
رد: القصيده التي لم تعجب احد
صح لسانك
انا عاجبتني |
رد: القصيده التي لم تعجب احد
ولاتعجب كل ماقلت لك عد لك في خفوقي رجم لاجيت عده لابد من يوم(ن) يجي فيه لابد كلمه تشد الحيل والا تهده ياسلام عليك وصح لسانك ولاهنت |
رد: القصيده التي لم تعجب احد
العنوان يخالف مضمون القصيدة
ماكنت احب الطريقة هذي لجذب الزائر او العضو مع ان القصيدة لو حطيت اي بيت منها راح تجذب الانظار بغض النظر عن ما قلته فوق صح لسانك قصيدة وافية ومن رجال وافي اعجبتني بأسلوبك كتابتك سجلني احد متابعينك |
رد: القصيده التي لم تعجب احد
كل هذا الابداع وتقول ماعجبت احد حرام عليك التقليل من شأن ابداعك ليست هكذا جذب الانظار هنالك اناس يعتقد فعليا انها لم تعجب احد وبذلك يرى بانها غير جيده وخالقي انك مبدع وقصيده جزله وانت واضح انك مجيد تماماا لابداع والجزاله فصح لسانك ولاهان منطوقك عذب التحايا |
| الساعة الآن 07:46 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
