الملتقى الجماهيري للشاعر محمد بن فطيس المري - قصيدة الدكتور عائض القرني في مدح قبيلة هذيل

باسم رب الناس نبدا على نهج الدلــــــــيل
ننظم الابيات والسحر في قيفانها

نتبع المعصوم خير الملا الهادي الجليــــل
قرب المنبر وقال اهج يا حسانها

ما حلى الفنجان هيله يناغي الزنجبـــــــيل
في مقلط جلسة ٍ غايب ٍ شيطانها

الكسائي ماوزن شعرنا هو والخلـــيـــــــل
القصايد عندنا ياعرب ميزانها

يا هذيل المجد فخر العروبة يا هذيــــــــل
للمكارم سوقها والعلا فرسانها

ابن مسعود العلم بدركم في كل ليـــــــــل
والقبايل شرفت هامها تيجانها

هرجكم يا ربعنا خير من بنٍ وهيــــــــــل
يا هذيل الشعر لو مااستوى ميدانها

يا هذيل العبقرية مع الراي الجزيـــــــــــل
يشهدون الناس عدنانها وقحطانها

الفصاحة عندكم كنها دجلة ونيـــــــــــــل
غمركم قاد السفينة وهو ربانها

تلطمون الخصم يوم الفجيعة بالصقيـــــل
الجماجم في لقاكم تعاف ابدانها

في الكتب تاريخكم قدحوى الذكر الجميل
يا هذيل انتم لشعر العب ديوانها

كل سامع شعركم في الهوى يصبح قتيل
كلموا مجنون ليلى يداوي جنانها

تطربون الصخر من فنكم حتى يسيـــــل
والعيون الساهرة تشتكي لجفانها

كب شعر الفرس والروم واهل الدردنيل
واترك التقليد لو كان من يابانها

الصناعة سر والسحر في الفن الأصيـل
نفحة الند القوي فاح من عيدانها

باسم بلقرن العناصي وانا قصري طويل
وان جهلتم بيتنا فانشدوا عربانها

ما بديرتنا ذليلٍ ولا يربى بخـــيـــــــــــل
هم رجال الأزد تلقى الخطر باكفانها

والفخر بالدين ماهو ببيت ولا قبيــــــــل
والخلايق عند رب الورى ميزانها

بولهب في النار وبلال يسقى سلسبيــــل
قرت الحكمة وكل ٍ عرف حدانها

يا هذيل المرجلة جيتكم عابر سبيـــــــل
اتحفونها شربة الحب من نعمانها

في بلدكم يحرم الصيد في الشهرالفضيل
كعبة قد قصدناها وحن ضيفانها

والصلاة على الذي قد ولد في عام فيــل
أشرق العالم على دعوته واكوانها

الشفاعة له مع الحوض في اليوم الثقيل
الصحف للخلق بشمالها وايمانها