الملتقى الجماهيري للشاعر محمد بن فطيس المري - ياخي لي اسبوع واخلاقي تجاريه=ميد ان تشينا ماهي ميد ان جاباني (ويووووووزع)

- شعراء المستقبل (https://www.m-f6es.com/vb/forumdisplay.php?f=16)

ياخي لي اسبوع واخلاقي تجاريه=ميد ان تشينا ماهي ميد ان جاباني (ويووووووزع)

ياخي لي اسبوع واخلاقي تجاريه=ميد ان تشينا ماهي ميد ان جاباني

ظاقت عليّه ومع كبر السعوديه=اقول ياصغرها من هاجسٍ جاني

ياخوي مافي بنات اليوم حنيّه= والحب بالوقت هذا لعب بزراني

حبيت لي بنت واحسبها على النيه=واقول ياحليلها هالبنت تهواني

ببداية المسأله كانت مثاليه=ولاعلى لسانها الا ذكر (طلالي)

حبيّبه صادقه حلوه رومنسيه=لو قالت ابغى عيونك ترخص اعياني

وفي ليلة ٍ مظلمه ماهيب ورديه=نايم عقب ماقضيت الليل سهراني

جوالي بحروة الثنتين فجريه=نسيت احطه على (الصامت ) وصحّاني

رديت واوحيت صوتٍ مااخبر زيّه=فيه الدلع والغنج والثقل رباني

قلت ارحبي قالت ابقه قلت يابنيّه=من انتي؟ ووش على هالفجر طراني

قالت حبيبتك يا طلال هاذيّه =صديقتي من زماني وشانها شاني

لكنها خانتك ماهيب جديّه=واصبح معك في هواها واحدن ثاني

حاولت ابخلي الاوضاع سريّه=لكن جرح الغدر والصمت عناّني

تمشي على مبدأ (الغير الولد ميّه)=واقول حتى البنات اشكال وألواني

ماني بزعلان والدعوى طبيعيه=بالعكس توّي صحيت وربي انجاني

والنفس ماهي بهالاشكال مشقيّه=قولي لها تمسح ارقامي وتنساني

ماعاد لي في دروب الحب موليّه=وشوله اخلص واذوق المر واعاني؟

مدام هذي هي افعال الهواويه=البعد خيره عن اللجه والاحزاني

لابوه لابو العلاقات الغراميه=اللي بها مخاشره بفلان وفلاني