الملتقى الجماهيري للشاعر محمد بن فطيس المري - صعب لامنك فشلت ...وصعب لامنك لقيت

- ساحة القصائد والقصة والخواطر المنقولة (https://www.m-f6es.com/vb/forumdisplay.php?f=17)

- - صعب لامنك فشلت ...وصعب لامنك لقيت (https://www.m-f6es.com/vb/showthread.php?t=12998)

صعب لامنك فشلت ...وصعب لامنك لقيت

صعب لا منك فشلت .. وصعب لا منك لقيت
ان من يكره نجاحك .. يدري انك مانجحت

أمس ضقت .. ورحت اقلب ذكرياتي .. وانتهيت
عند صورة طفل صوته مثل صوتي لا انجرحت

وش مثل ؟ لا والله الا هذا انا يوم ابتديت
انطق حروفٍ تلعثم في لساني لا انمدحت

هذا انا يوم الحياه افنظرتي عشرين بيت
ومسجدين ومدرسه من طين كم فيها اصطبحت

هذا انا .. واصبحت اتمتم (هذا انا ) حتى بغيت
اختنق ..بس القدر عيا على موتي.. وطحت

وصاح صوت الطفل فيني :انت من وين ارتميت
قلت انا المستقبل اللي فيه كم همت وطمحت

امس كنت ابيك تكبر .. بس والله لو دريت
اني اللي عشت لجله ..مت عندك واسترحت

لو دريت ان الزمان يجر رجلي ماعديت
ولو دريت ان البحور بلا مواني ماسبحت

كان دربك لي طويل .. وكل ماشفتك هويت
قلت لك كبوة جواد وماكبيت الا وجمحت

ليه تسمعني وتمشي .. آه ليتك ما مشيت
وآه ليتك من كثر عثرات الايام انتصحت

ضاعت أحلامي وضل الحزن فيني واهتديت
للطريق اللي يوديني على دمعي ورحت

يالحزن ليتك مثل دمعي وتنزل لا رقيت
بس اعرفك لو مسحت الدمع تبقى ماانمسحت

كان حلمي في وجود انسان يبكي لا بكيت
وصار حلمي في وجود انسان يفرح لا فرحت

كنت اشوف الناس مثلي كل ماجعت وظميت
مادريت ان الاوادم ناس فوق وناس تحت

آه يا أول ذكرياتي ..خذني افحظنك نسيت
لا اسألك عن وجه ابوي اللي معه ياما سرحت

خذني افحظنك ابغفى .. يااه مبطي ماغفيت
وان لمحت دموع عيني .. سو نفسك مالمحت

خذني افحظنك وبعثر في جرحي .. وان قضيت
هز لي كتفي وقلي : عيب تبكي لو سمحت

أضحك ..وعلم زماني من انا .. ومن وين جيت
طق باب الحزن وأصرخ في لامني فتحت

وضمني يمك .. وكمل ضحكتك لا من بكيت
ودي اذكر كيف كانت ضحكتي .. لامن فرحت