|
لا تنتظر من خانك إنه يواسيك
ما راح من عمر التعب ما يكفّيك ما هزتك طيحة هقاويك .. دونك؟ يا "باعث" قبور الحزن في محآآنيك لو ما رجعت لْدفنها .. يدفنونك هذا الحزن لو مانتهى بك بينهيك خاوى تفاصيلك .. وعود بدونك شف شيبك اللي من همومك عثى فيك وكيف التجاعيد عْبثت في جفونك جسمك تهاوى من عناك وتعنّيك ونبرات صوتك غالبتها شجونك لأْنك تنفست الشقا في مساريك شف كيف صدرك مختنق من طعونك بعت المنام لعين من نام ناسيك حتى غدى ليل السهارى زبونك لا تنتظر من خانك إنه يواسيك لو هو يحبك ما تجرأ يخونك قلبك تعلّق في مخاليق تشقيك ونسيت حب الخالق اللي يصونك الناس في عونك ، إذا الحظ يعطيك وان شح حظك قالوا: الله بعونك ارقى عن أسباب الزعل لا تخليك عبد لهمومك كل ما يزعلونك دنياك حلوه .. لو تلفّت حواليك تلقى من بعاد البشر ينصفونك لو شفتها بعين الرضا هي تراضيك ولو بالكدر ؟ ما خالفتك بظنونك افرد جناحين الفرح فوق ماضيك حلّق عن الذكرى ومن يجرحونك غيّر من الواقع إذا كان عاصيك جدد من الأحلام .. مارس جنونك ازرع فيافي الصدر بأخضر طواريك الكون كله ساعة رضاك .. كونك الليل تسهر مع نجومه .. تناجيك وتبادر طيور الصباح بلحونك بث الجمال بكل رسم ل معاآآنيك خلّ الطبيعه تاخذ احساس لونك خذ من خطاك اللي يصحح خطاويك لاتشيل ما لا تستطيعه متونك وان ضقت أو ضاق الزمن ارفع ايديك ((لك رب ما يخذْلك .. لو يخذلونك)) |
رد: لا تنتظر من خانك إنه يواسيك
عشت يا هــــداج ولاهنت على انتقائك ..
اجمل تقييم لما سطرت آنآملكـ.. *لك ودي |
رد: لا تنتظر من خانك إنه يواسيك
هدااااج
ااختياار رائع الله يعطيك العافيه يااارب |
رد: لا تنتظر من خانك إنه يواسيك
اقتباس:
المشاركة الأصلية كتبت بواسطة فراشة [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] عشت يا هــــداج ولاهنت على انتقائك .. اجمل تقييم لما سطرت آنآملكـ.. *لك ودي فراشة مرحباااا ومسهلااا تشريفك لمتصفحي هو التقييم لاخلا ولاعدم |
رد: لا تنتظر من خانك إنه يواسيك
اقتباس:
المشاركة الأصلية كتبت بواسطة قآسي يآزمن [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] هدااااج ااختياار رائع الله يعطيك العافيه يااارب قآسي يآزمن اسعدني تواجدك الراااقي كل الود والتقدير |
| الساعة الآن 09:47 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
