|
حـروف الهوى ,,
بسم الله الرحمن الرحيم ,,
السلام عليكم ورحمة الله وبركاته ,, اسعد الله جميع اوقاتكم بكل خير وكل رضاء ,, انقل لكم ابيات للشاعر الكبير ثامر بن عايض المرزوقي والد اخونا فهد بصوت طاير الشوق ,, واعتذر من فهد كان تضايق مني على النقل ويعلم الله يبو ثامر من اعجابي بها حبيت انقلها والله يطول بعمر والدك ,, [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] البارحه يامحمد مامرحت عيني=تبكي وتشكي عليه بعد صاحبها ياليتها يامحمد كان توحيني=يومني انوح والونات اجاوبها ماشفت مضنون عيني قيس عاميني=يابعدها مير رجوايه تقربها اذكر خياله لياجيت البساتيني=ورد ٍ ورمان وغصون ٍ تميل بها شيهانة ً واصلها الاول شياهيني=ماكل جو ٍ ليا طارت يناسبها ارسلت له خط مع كل العناويني=فيها حروف الهوى بالدمع كاتبها وجاني ردوده على المكتوب صفريني=قصده يحسب علوم ٍ كنت حاسبها انتي منايه وفي روحي تمونيني=والي سواتك تبي ترخص مطالبها مير ارجعي لي واقول امين ستيني=ياساعة ًدوب مالفت عقاربها |
رد: حـروف الهوى ,,
الله الله
صح لسان الشيخ المرزوقي ولا هان راسك وراسه إبدااااع لقد إرتوت الذائقه الليله لله درك ولا هنت تقبل تحيتي وتقديري |
رد: حـروف الهوى ,,
يالله ياخالد العبيريد يطيب لـــي ان اكون اول
يستقبل هذا ألوفا الغير مسبوق ولاهو غريب عليك وعلى شرواك انت غير مسبوق على هذا العمل هكذا يعملون الكرام واصحاب المقام الرفيع قصيدة اب احدى اعضاء هذا الصرح لم اقرأ او اسمع من قبل سوى سواتك لاعدمتك ألقصيده كفو وراعيها كفو والولد كفو وناقلها كفووو |
رد: حـروف الهوى ,,
ترانيم المطر حيااك ربي ,,
ابو محمد حيااك ربي ,, بيض الله وجيهكم على هذى الاطراء العذب والله لايهينكم على حضوركم المضئ ,, خالص الشكر والتقدير لكم ويابو محمد انت ساس الوفاء منهل منك ياغاااالي , تحياتي للكل . |
رد: حـروف الهوى ,,
رآئعه
يعطيك العآفيه |
رد: حـروف الهوى ,,
وانا اشهد يا خالد كفو ولا هوغريب عليك الوفا
واخونا فهد يستاهل كل وفاء والله رجل بمعنى الكلمة ولوانت سابقني يا خالد على طرحها لكن اعتبر نفسي إللي طرحها يستاهل والد أخونا فهد الله يطول بعمره ومن يقرا كلامي على الطاعة يا رب |
رد: حـروف الهوى ,,
حياااااااكم الله لجل الوعد الشنيف ,,
بارك الله فيكم والشكر كله لكم على هالحضور المضئ والتعيلق العذب ,, بلا شك يستاهل ابو فهد ووالده كل خير والله يعلم وبالنسبه لي افرح بالقصيده الجزله لو من قبيله ثانيه الجزل غايه ,, دمتم على تقدير ووافر احترام . |
رد: حـروف الهوى ,,
مآشآء الله
صح لسآانه ثآمر ويسلم المنشد روعه شيلته لهآ وتسلم ياخآالد عالنقل وهذا يدل على ذوقك الرآقي الله يحفظك يآارب - - |
رد: حـروف الهوى ,,
حياك ربي الماسه ,,
سلم قلبك وكلك ولاهنتي على حضورك وتعليقك العذب ,, دمتي بكل خير ودمتي بكل تقدير ووافر الاحترررام . |
رد: حـروف الهوى ,,
أتضايق منك أفاا ألآ بيض الله وجهك مليون مره ولا هنت يا الكفو سملت يمينك ولا عدمتك شكراً من القلب اخوي خالد شكراً |
| الساعة الآن 02:04 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
