الملتقى الجماهيري للشاعر محمد بن فطيس المري - اللي يغلطني وانا ماني بغلطان..اصابعي احطها { وسـط عينه } ..

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

اللي يغلطني وانا ماني بغلطان..اصابعي احطها { وسـط عينه } ..

من طبعي ارد الإساءهـ { بالاحسان }

وأساير ظروف الزمان اللعينهـ ..

وأطوف الغلطهـ من { أفلان .. وفلان }

يعني من أجل { عين } تكرم مدينهـ ..

الكامل الله والخطا طبع { الانسان }

والدرب يفرق عن يسارهـ ويمينهـ ..

و { الصاحب }اللي لهـ معزهـ ولهـ شان

ان جاني بـشينهـ.. تذكرت زينهـ ..

اتحمل اخطاءهـ معي { قدر الأمكان }

من جانبي تبقى العلاقهـ متينهـ ...

واللي { يغلطني } وانا ماني بغلطان

اصابعي احطها { وسـط عينه } ..

مادامني مسلم وفي قلبي إيمان

عمر{ البحر } ماشال هم السفينه ..

مرت علي { انواع .. واشكال .. وألوان }

بين { العقول } الناقصهـ .. والرزينهـ

عندي قناعه ان { الإنسان شيطان }

اذا يهينكـ { لازم } انك تهينـهـ ..

يعني اذا حاجتكـ { بيدين عدوان }

يكفيكـ شر المهزلهـ .. والغبينهـ ..

من{ كثر ماجاني } من الناس خذلان

تحرجني حتى كلمة { الله يعينهـ }

صحيح لي { ربع .. وجماعهـ .. وخلان }

وأضيق لكن حاجة الناس.. شينهـ

الشخص دام انه بكل شي{ خسران }

تأكد انهآ من عمايل { يدينهـ } ..

من مرحلة { حب .. ومشاعر .. وحرمان }

إن مالعنت الحب تلعـــنهـ سنينهـ ..

اكتب شعر واعزف من { اشواقي الحــآن }

واسلي قلوب الغرام الحزينـهـ ..

ولو الشعر مخلوق في { هيئة انسان }

والله لأقول له تسلم { واقبل جبينهـ }.