|
تسعين ليل كل ليل على شاه <~ ,؛
قاسي بن عضيب القحطاني والروسان
أقامت قبيلةالروسان من عتيبة على منهل (شرمة)وكان اميرهم في ذالك الوقت الشيخ حسين بن جامع وقد جاورهم على ذالك المنهل الشيخ قاسي بن عضيب القحطاني وكان السلب والنهب قائم بين القبايل وحصلت عليهم معركه نتائجها كسر ساق قاسي ابن عضيب وجلس لدى الروسان كسير الساق تسعين يوم وهم يعالجونه ويذبحون له كل يوم ذبيحه وعندما شفي أراد أن يذهب لقومه جمع له الروسان ابلآ عوضآ عن ابله التي فقدها أثناء المعركه ورحل تاركآ هذه الأبيات00000 والله لولا الربع والربع نــيه = مـاينزعج مظهورنا حــادريني والله يافــرقــا حسـيـن عليـه = إلا أنهــا ظـلـمـآ من الظالمــينـي ودي بهـه لو كان قــوم لظيــه = أحـبــهـم حـيـث أنـهـم طـيـبـيـنـي ودارت الأيام وأغار قوم من قحطان على قبيله الروسان فأخذوا منهم إبـلا فلما علم الشيخ قاسي بن عضيب بالحادثه سعى في رد الابل للروسان من جماعته القحاطين وتم تسليمها بواسطه ابن عضيب وبقى للروسان ناقه واحده لشخص يدعى العوهلي لم يهتدي ابن عضيب إليها في حينه الافي مابعد وبعث بها لصاحبها العوهلي ومعها هذه الأبيات 00000 ابشر بها يالعوهلي جات مداه = غفل ولا جرت عليها الوسومي لاتحسب ان مقطان شرمه نسيناه = وإلا نسيينا طيبات العلومي تسعين ليل كل ليل على شاه = والساق مابين العواد محزومي انتم هل المعروف والطيب نجزاه = نجزا العلوم الطيبه بالسلومي تستاهلون المدح يوم المثاراه = واخص اخو نوره قوي العزومي يوم الملاقا واضح ضـرب شلفاه = على العدو وإلا الرفيق محشومــي حسين بن جامع ترى العلم ينصاه = شيخ شجاع ومن رجال قرومـــي وربعه هل البلها صناديد ودهاه = ان جا نهـار فيـه حـظ يقومـــي قصيرهــم في عالي العز تلقاه = مصيون عن لفح الـهواء والسمــومـــي والجـود منهم لو جزيناه بثناه = وحنا وفينا باتبــاع السـلـومـــــــــــــي |
رد: تسعين ليل كل ليل على شاه <~ ,؛
بيض الله وجهك يا بنت الشيوخ دائماً في الطليعه تتحفينا بكل ما هو جميل عن الطيب والكرم والشجاعه والعلوم الغانمه كلها من قصص وقصيد جزل هنيئاً للملتقى بك يا طيب الاولين وطيب اعلومهم وشيمهم بالتوفيق لكِ وللجميع |
رد: تسعين ليل كل ليل على شاه <~ ,؛
حياك الله بنت الروقه ,,
بيض الله وجهك على هالنقل الطيب ولاهو غريب منك دايم مبدعه بحضورك وطرحك ,, تحياتي لك وشكري لك على ماتقدمين من تميز . |
رد: تسعين ليل كل ليل على شاه <~ ,؛
تسلمين ولا هان مغليك
تحياتي وتقديري ترانيم |
رد: تسعين ليل كل ليل على شاه <~ ,؛
كل الشكر .. لكل من مرّ من هنــا وترك أثراً جميلاً ..
أعتز بجميع مشاركاتكم .. لقد أضفتــم الكثير إلى موضوعي .. |
رد: تسعين ليل كل ليل على شاه <~ ,؛
تسلمين بنت الروقه
لاهنت |
رد: تسعين ليل كل ليل على شاه <~ ,؛
الله يبيض وجهك يابنت الروقه
اشهد بالله انك كفوووووو و والله وسبعة انعام بالروسان والقحاطين معهم وياسلامي على عوايد اهلنا الاولين الي اندثرت في زمننا هذا |
رد: تسعين ليل كل ليل على شاه <~ ,؛
يعطيك العافيه ع الطرح المميز
سلمت يداك أرق وأعذب التحايا |
رد: تسعين ليل كل ليل على شاه <~ ,؛
كل الشكر .. لكل من مرّ من هنــا وترك أثراً جميلاً ..
|
رد: تسعين ليل كل ليل على شاه <~ ,؛
يعطيك العافيه قصه رآآئعه
|
| الساعة الآن 10:53 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
