|
الليالي .. بينن اللي خفى - والنفوس الطيبه دايم ( تدوم )
الليالي بينن اللي خفى ..
والنفوس الطيبه دايم تدوم ..~ والرفيق اللي مواريه الردى .. ياقف ابوجهك مثل ذيك العقوم ../ والزمان الشح مهما قد خذى .. المصير الحظ يصحى ثم يقوم ../ والزمان الشح مهمالك عطى .. ياخذ اللي قد عطالك كم يوم ../ ياما حرفن في سكوتي انثنى .. خوف لا ياتي من الزله ملوم ..~ ويالرفيق اللي على طيبي سطى .. وينها ذيك المحبه والعلوم ؟! أصبحت كلها حكاياتن سدى .. وانتهت مابين كذبات وحلوم ..! صدة الغالي من الجمره لظى .. وشرهتي يومه يوردبي الهموم ..! شرهتي شرهت وفين ما نسى .. قلبك القاسي ولاارخابه عزوم .# اناالرفيق اللي على الرمضى وطى . حافي الرجلين في ريحٍٍ سموم ..! وانا الرفيق اللي تحمل ماجنى .. من غلاة اللي عن الوصل امفطوم ..! ان طريناكم يلجبنا الغلا .. وتبتدي قصة حكايات امحروم ..~ المحبه ماتجي بخذ وعطى .. المحبه من لدن ربي تدوم .^ واشهدني مانسيت اللي نسى .. والوفى طبعي وعزي فالسلوم .. والليالي بينن اللي خفى ..~ والنفوس الطيبه دايم تدوم ..} وسلامتكم .. |
رد: الليالي .. بينن اللي خفى - والنفوس الطيبه دايم ( تدوم )
الله الله لله درك ودر ما جبت
أهنيك والله على ماجبت وما صغت إبداع وحبكة شاعر جزل صدة الغالي من الجمره لظى .. وشرهتي يومه يوردبي الهموم ..! شرهتي شرهت وفين ما نسى .. قلبك القاسي ولاارخابه عزوم .# الله لا يضرك تقبل مروري |
رد: الليالي .. بينن اللي خفى - والنفوس الطيبه دايم ( تدوم )
تغيب وتاتي بالجزل
ايها الشاعر الفذ اخي ابراهيم ابياتك الحكيمة خالجت القلوب وبعثت في النفوس اريج المحبة والنقاء بوركت على هذا العطاء ودمت سالما لمحبيك ايها الشاعر الراقي ، اخوك: فهد، |
رد: الليالي .. بينن اللي خفى - والنفوس الطيبه دايم ( تدوم )
صح لسانك شعر ومشاعر
الله يعطيك العافيه |
رد: الليالي .. بينن اللي خفى - والنفوس الطيبه دايم ( تدوم )
صح لساانك حد الرضا لي ملاحظه بسيطه
اناالرفيق اللي على الرمضى وطى . أعتقد إنك تقصد والرفيق بدل أنا الرفيق تصير والرفيق اللي على الرمضى وطى تقبل تحيتي وتقديري ودمت بود |
رد: الليالي .. بينن اللي خفى - والنفوس الطيبه دايم ( تدوم )
صح لسانك يا ابراهيم
شاعر جميل وموهبه شعريه راقيه ماهو غريب عليك الابداع دائماً اذا كتبت تفرض ابداعك لاخلينا من جديدك ومن تواجدك ولا خلا ولا عدم أخوك ابو مشاري |
رد: الليالي .. بينن اللي خفى - والنفوس الطيبه دايم ( تدوم )
صح لسآااانك ابرآهيم . .
ابياااات جميله وابداااااع غير الله يحفظك يآارب |
رد: الليالي .. بينن اللي خفى - والنفوس الطيبه دايم ( تدوم )
المحبه ماتجي بخذ وعطى ..
المحبه من لدن ربي تدوم .^ حياك الله ابراهيم المغامس ,, صح الله لساانك على هالمعزوووفه الجزله ماشاء الله تبارك الله ,, لاتعليق دمت بأبدااع وجزالة فتل ,, لك كل شكري وتقديري . |
رد: الليالي .. بينن اللي خفى - والنفوس الطيبه دايم ( تدوم )
ابراهيم صح لسانك قصيده معبره
تحياتي لك ةلاهنت |
رد: الليالي .. بينن اللي خفى - والنفوس الطيبه دايم ( تدوم )
الله الله شاعر قادم بجزاله وكرذاذ المطر وروعته
صح لسانك ملايين اخوك موسى ابومشهور |
| الساعة الآن 04:45 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
