ياهيه ياطبّ القلوب الوجعه=عساه يكتب عندكم تسيوره
انا اشهد إنك للمعنّا فجعه=وأنا اشهد انك للخلاوي صوره
كم بارقٍ ماشدّ عيني لمعه=ولارعيته وين هل إبكوره
امريّحٍ بالي ولا لي صنعه=والوقت ما حرّض عليّ أطيوره
ولاّ أنت قنفانك علي منصمعه=كنّك علي شعفن حرق ديجوره
في خافقي لك صيحةٍ منسمعه=أردت عضامي وأصبحت منثوره
غلبتني وأشقيتني من رمعه=وحطيت لك وسط الحشى معموره
والله لولا العيب يامستمعه=إن اخلف الدستور وأعلن ثوره
ثورة غلآ ماهيب ثورة جمعه=عنوانهآ لبيه يآسنيوره
فإما فرض حزبي لحزبك قمعه=ولا على النيتوو نهد قصوره
قوآتنا في سآحتك منصرعه=رآحت لعينآ جآدلٍ غندوره
فإن كآن لك بي يالسحاوي طمعه=عطني يدينك دامها مستوره
قلبي فدآش وفي يدينش سلعه=يكفخ علي وصلش ويفقد طوره
تكفين..قولي له هلآ ..يآسنعه=وخلي جذوره بالوفآء مغموره
عآده جديدٍ مآ أشتعل به شمعه=ولآ أشتغل سلفه وفر سيوره
يبدآ معش من فزته والشنعه=ويعانقش ختيور يآ ختيوره
وبالهون به في ضحكتش والدمعه=من شآن لا يضرب معش مآطوره
ثم أبشري به فالخفا والجمعه=ماينطفي دامش غديتي نوره

فإما فرض حزبي لحزبـك قمعـه
ولا على النيتوو نهـد قصـوره
قوآتنا فـي سآحتـك منصرعـه
رآحـت لعينـآ جـآدلٍ غنـدوره
فإن كآن لك بـي يالغـلا طمعـه
عطني يدينـك دامهـا مستـوره

وعليكم السلام ورحمة الله وبركاته ومرحبا

ومسهلا يا شاعرنا وحييت مرحب فيك وبجديدك

وبيض الله وجهك بالفعل انها شامخة بجزالتها الواضحة

ومن خلالها اسجل يا شاعرنا متابعتي لك يا خوي فو الله

انك شاعر كفو ولا يستاهل بك ولا بقصيدك والكتاب ينقرأ من عنوانه

وسلمت وسلم لنا منطوقك فصح الله لسانك قصيدة جزلة من شاعر جزل

تقبل مرور أختك في الله وأخت الجميع هنا حروف من نور بحضورها ..