|
خاطره .الحاضر المعتوه
خاطره بسيطه من ذكريات الأمس
ارجو احبتي ان تنال على اعجابكم البقا يابنت في الماضي اللي مضى عام ورى عام وانقضى واصبح مع النسيان نشربه هجر وهجير وشلون يغيرنا الزمن لاصرنا كبار الإبتسامه شاحبه والخافق شحيح شحيح من الأمل والابتسامه والرجا العام لول ضحكه وابتسامه والخافق يعلوه الفرح قلوب بريه مافيها هم وحزن وشقا براءه بالمشاعر والنيه سليمه كنا نتقاسم اللقمه ولاكن بنا فقر نسلم على بعضنا ونحب راس الكبير ثوبنا القديم نرقعه بخيوط والوان غير الخيوط ونفرح وكنا لبسنا ثوب جديد نلعب من ساعة الضحى لين الغروب ذاك امه تناديه يمه تعال الليل قرب تنكسر خواطرنا لقبل الليل تدق قلوبنا للمفارق وهي بس ساعات نعد ساعات ليلنا لجل نلتقي في الغد القريب نرقب بزوغ الفجر نسمع المأذن ونقوم فينا نشاط وحماس كله فرحه باللقا وبالفجر الجديد أمل وابتسامه ماتفارقنا وحنا صغار نفرح نبي نلعب نبي نضحك نبي نسولف صحبة أطفال فيها براءه نخاف على بعضنا ونشيل معه الهم لاجاته العثره في الطريق حنية أطفال كبرنا وصرنا شباب وبقى عندنا الصحبه الصادقه والوفا تعلمنا من اكبارنا وخذينا منهم كثير الدروس مانسيناها مع مرور الزمن قلنا نعلمها لأطفالنا ونحطهم مثلنا لكن خساره يابنت من اللي جرى أطفال هالزمان غير عن زماننا لولي لاحترام لاتقدير ... مدري هو الزمن اللي تغير والا البشر صار الصغير عنده هم وجع بخافقه من الصغر تشوف العجب في صحبة التالين زعل غضب تشاؤم مدري ملل .... راحت الأعوام وراح معها ربيع العمر انقضت يابنت والعمر اليوم للفنا قولي يابنت لاتستحين وين ذاك اللي يمسك يدينك يخاف عليك تعثرين وين الخوف اللي كنت اشوفه في عيون الشباب على البنات من الانكسار وين خوفهم لاتطيحين مثل الغريق واليوم إما طيحك وخلاك بلا عوين وإلا دعا غييره لجل يطيحك وين الطيبه وين النخوه قولي يابنت بالله لاتستحين أعرف دفنها يابنت الحاضر المعتوه صارت حياتنا اما كبر والا غرور وإلا سكوت يقتل القلب العطوف آآآآه من ذكريات الأمس يابنت لاصارت مثل الرماد وآآه من البشر كل واحد همه الحااال كيف باكر يصير لاتعاون ولاجمعه على طيب ونقا وآخر دعاي اعزيك يابنت كونك من هل الحاضر المعتوه بخط ذكريات الأمس اول واخر خاطره بكتبها لأن ظروفي ماتسمح فربما لا أدخل الا للمدونه |
رد: خاطره .الحاضر المعتوه
يسلم فكركـ وقلمكـ ...
مبدعه ... أخذتي بي جولة في أروقة الماضي الجميل ... أتمنى يومكـ وغدكـ أجميل ..... شكرا ملئ السماء ... تحياتي.. |
رد: خاطره .الحاضر المعتوه
تسلمين يالغلا على طرح الراقي المتميز ماننحرم من ذوق وروعه اختيارك يعطيك الف عافيه دمتي بود |
رد: خاطره .الحاضر المعتوه
ذكريات الأًمس .. وإن صح التعبير ذكريات الُأنس
.. كانت هذه هي خاطرتك فالعمر ذكرى جميلةً هي ألوان الماضي في صفائها وبهجتها كانت مورقه كمساحات خضراء وكواحات جميله .. .. ذكريات الأمــس .. تقبلي تقييييييييم عزاام |
رد: خاطره .الحاضر المعتوه
روعه
يعطيتس العافيه حبيبتي |
رد: خاطره .الحاضر المعتوه
مدري هو الزمن اللي تغير والا البشر
ذكريات الأمس خاطرة رائعه الزمن لايتغير لكن هي النفوس اللتي تتغير جميل ماكتبت وسطرت تحياتي وشكري |
رد: خاطره .الحاضر المعتوه
خاطره راااائعه بكل ماتعنيه الكلمه
ربي يحفظك ويخليك قلم شدني وفكر يشدني للأفاق تقبلي تقيمي فديتك |
رد: خاطره .الحاضر المعتوه
آآآآه من ذكريات الأمس
يابنت لاصارت مثل الرماد وآآه من البشر كل واحد همه الحااال كيف باكر يصير لاتعاون ولاجمعه على طيب ونقا وآخر دعاي اعزيك يابنت كونك من هل الحاضر المعتوه الله الله كلمااات تحكي ذكريات الأمس وحااال اليوم مبدددعه ذكريات الأمس خاطرة فيها من الجمل والمعاني مايستحق الوقوف فيها وتأمل روعة معانيها تحيااتي لك |
رد: خاطره .الحاضر المعتوه
صح لسانك
ابدعتي لاازيد عن الاخوة انتظر القادم المذهل منك |
رد: خاطره .الحاضر المعتوه
مبدعه ومميزه الله يعطيك العافية ... خاطرة جميلة تستحق التحية والتقييم ..
|
| الساعة الآن 05:58 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
