الملتقى الجماهيري للشاعر محمد بن فطيس المري

ما اقسى من البنت يوم تروح مغصوبه
.. إلاّ إذا الناس تسأل ليه مغصوبه !؟

معقول مافيه نيّة فهالزمن بيضا !
والاّ أغلب الناس عقليّات منكوبه !

سِكّتْ ما ودّي أكسر كلمة إخواني
وأثر العرب دنّست عرضي وحكيوبه !!

والله ماقلت بآخذ واحد آحبّه
أمشي على الدين قبل العرفْ ودروبه

أبغى مشورة أحدد بعدها رايي
لنّ أخذَةْ الراي في هالشي مطلوبه

ماثَرْت ع المجتمع يومه عثر حظّي
لنّ المقادير قبل آعيش مكتوبه

والمجتمع لو قتل رغباتنا بدري
أكيد خيرة ولو ماهي بمرغوبه

لَكَنّ مادام رحت لشخص مَآعرفه
بحاول أقبلَهْ في طيبه وعذروبه

مَااطمع أحبّه ولكن ودّي احترمه
واعامله زيّ مالاقيت من صوبه

يمكن مع الوقت يسرق شي من صدري
لنّ الرجُل يكسب التقدير باسلوبه

(يا أصدقائي وداعاً واقبلوا حزني
فالدمعة الصادقة ماهي بمحجوبه

وأنا دمعت القصيد اللي يريّحني
وبموت ماقلت من بدع الشعر توبه)

مي اللافي