|
ياراكـب ثنتيـن يشـدن الاقـواس ( شرعان الرمالي )
ياراكـب ثنتيـن يشـدن الاقـواس مـن دار ريضـان الحجـر حركنـي مافوقهن ياكود الدويـرع وجـلاس وسفايـفٍ بيـن أربـعـه يلعبـنـي تحركن من عندنـا حيـن اللإدمـاس ومضـى سـواد الليـل مابركـنـي حطن علم عذفاء يسارٍ مـن الـراس والظهـر مـن ورد الحفـر يشربنـي حطوا لهن مع هثلـة البـدو بـلاس عن الحضر واللـي بالخـلا يسرحنـي وإليا لفيتوا عنـد مدقـوق الألعـاس الجـادل الـلـي بالمحـبـه محـنـي قولوا على حبل الرجا نطوي اليـاس والبيـض غيـره كلهـن يحرمـنـي لو يندوي جرحـي دويتـه بزفـواس وابني لباب البيـت منكنـم ومنـي والله يعلـم بالخطايـا والاوجــاس حب مضى من صغر سنـك وسنـي مريـت دارٍ ماتقـل جتـه الاونـاس وونيـت ودمـوع العيـون اذرفنـي جيت المراح اللي به العشـب محتـاس عشبٍ على مضرب وسـاده معنـي محذا سمـاد النـار ومشاقـة الـراس وثـلاث لايبـكـن ولاينبكـنـي لي بنت عمٍ ماوطـت درب الادنـاس ولادنسـت يـوم النسـا يدنسنـي ضربتها وانا احسب الضرب نومـاس وطلقتها يوم افخـت العقـل منـي ياناس كيف العين تبكي علـى نـاس وكيف العيون بـلا رمـد يسهرنـي لو ينشكي حبه على الطيـر قرنـاس اضحى الضحى بمويكـره مستكنـي ولو ينشكي حبه على قب الافـراس عيـن نهـار الـكـون لايفزعـنـي ولوينشكي حبه على ذيب الاخمـاس يسـرح مـع الطليـان مايجفلـنـي ولو ينشكي حبه على الميت ما نـاس يثـور مـن بيـن النصايـب يونـي ولو البيـوت مشددينـه بالأمـراس عيـن مـع الخفـرات لا ينبنـنـي ولوان غوطه وام سنمـان وضـراس يـدرن مابقلبـي لقلـبـه بكـنـي تلقى سهل جبه هضـابٍ و منحـاس وحتى الجبـل بالقـاع صـار متثنـي وحتى النجوم اللي مع الليل غـلاس لوينشكـي حبـه لـهـن وقفـنـي اشرفت راس ضراس من فوق الاطعاس ولا لوم طـراد الهـوى لـو يجنـي هليت دمع العين واوميـت بالـراس ورافقت كور العيـس يامـا ابعدنـي وابعدت نفسي عن شقا كل وسـواس البعـد خيـرٍ مـن حيـاة التمنـي وياعم ياللي طعت بي هرج الأنجـاس طاوعت هرج الناس واخلفت ضنـي اطعت بـي ياعـم دايـس ودربـاس عــوارض صدقتـهـا وابعـدنـي من لاخذا من درس الاسلاف نبـراس تمضـي حياتـه بالرجـا والتمـنـي واقفيت ادير بضامري كل هوجـاس على وليـف بالحشـا غـاب عنـي تكبي خواطرهم اليا جيـت عسـاس ماتقـل انـا منهـم ولاصـار منـي انا زبـون الحـرد للخيـل مدبـاس ياكلشن شهـب الشـوارب نخنـي نفسي تشوم عن التدبلح مع السـاس ولاعاش منهو عـن خصيمـه يكنـي لو صرت انا المقلاع ماشلت الاضراس والمـوس مايقطـع بليـا مسـنـي يا صار ماربعك على الـراي جـلاس وجنحان طيـران السعـد يلفحنـي تصير دومـن للرجاجيـل مـدواس مثل اللـذي يسمـع صفيـر المغنـي وانا احمد اللي خالق كـل الاجنـاس واعطى وساع القـاع مافيـه منـي دارٍ بـدار ولامناحـاة الانـجـاس لاصـار مايمنـاك عينـك تـزنـي في بلدة الغراف مـن جملـة النـاس ولاني بمن يرجـي الفطايـس تحنـي دار بهـا الاجـواد لولابهـا الحـاس دايـم تذكرنـي لـيـالٍ مضـنـي للشاعر/ شرعان الرمالي |
رد: ياراكـب ثنتيـن يشـدن الاقـواس ( شرعان الرمالي )
حطوا لهن مع هثلـة البـدو بـلاس
عن الحضر واللـي بالخـلا يسرحنـي آلله عليه وعليكـ صح آلسسآنه وصحت يمينكـ ع آلنقل آلمــميـــز لآآهنت |
رد: ياراكـب ثنتيـن يشـدن الاقـواس ( شرعان الرمالي )
يعطيك ربي الف عافيه
على الطرح المميز قصيده قمه في الابداع ذووووق جميل احترامي ^_^ |
رد: ياراكـب ثنتيـن يشـدن الاقـواس ( شرعان الرمالي )
الله يعطيك العافيه ولا هنت تكفى عن كل شي |
رد: ياراكـب ثنتيـن يشـدن الاقـواس ( شرعان الرمالي )
اقتباس:
هلا وغلا صح بدنك والمميز ردك وحضورك شكرا لك |
رد: ياراكـب ثنتيـن يشـدن الاقـواس ( شرعان الرمالي )
اقتباس:
ياهلا وغلا بك ياحالي المميز انت وردك يابعد حيي شكرا لك |
رد: ياراكـب ثنتيـن يشـدن الاقـواس ( شرعان الرمالي )
اقتباس:
هلا وغلا اخوي فهد الله يعافيك الله يخلك يابعد حيي حضورك اللي يكفي ض25 منور |
رد: ياراكـب ثنتيـن يشـدن الاقـواس ( شرعان الرمالي )
صح الله الساااانك
تحيااااتي لك ..... |
رد: ياراكـب ثنتيـن يشـدن الاقـواس ( شرعان الرمالي )
اقتباس:
هلا وغلا صح بدنك اخوي شكرا لك |
رد: ياراكـب ثنتيـن يشـدن الاقـواس ( شرعان الرمالي )
اشكر اخي العزيز الذي نقل الموضوع
ولي وجهة نظر اتمنى ان تقبلوها مع احترامي للجميع اعتقد ان هذه القصيدة للشاعر سعد بن مشعل المطرفي البلوي ولا اجزم بصحتها للشاعر شرعان الرمالي وأطلب من اخي صاحب الموضوع تحديد المصدر الذي نقل منه وأنا لدي مصدر موثوق يؤكد مانقلت بالنسبة للقصيدة هي من اجمل قصائد التوّجد وان كان هنا بها الكثير من الإضافات لا ادرى عن مدى صحة نقلها اشكر صاحب الموضوع على النقل المتميز |
| الساعة الآن 04:40 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
