)( وصفة علاج )(
 

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]






عذاب روحي هبة النود من شرق
وفي خايع ماجاه طرقي وداجه

والليل والنسناس واالبر والبرق
هذي دواء قلبي ووصفة علاجه

ابعد من اجواء المدن واشعر بفرق
حتى مزاج البال يصفى مزاجه

انا بعيد الدار والعاشق الغرق
وانا الفقير اللي معزته تاجه

مقابل الصاحب لو الجوف به حرق
اضحك بوجهه لين يضحك حجاجه

الخوه اللي مالها بالغلا طرق
خوه مجامل والمجامل سماجه

على سنود العز ياصاحبي ارق
وان قاله الله في طويق نتواجه

لامال صيد وصيد الامال بالزرق
رمح يصيب ورمح فيه انعواجه

ولوان ربي حلل بشرعه السرق
سرقت راحه خاطري وابتهاجه

اعيش من يمناي والاحي الورق
واموت قبل اطلب من الناس حاجه





[youtube]http://www.youtube.com/watch?v=9HDYpu30uQs[/youtube]

رد: )( وصفة علاج )(
 

أبيات وشيله ولا أروع ..


... راقت لي كما راقت لكـ ..

رد: )( وصفة علاج )(
 

رائعة يالعــنيدهـ

كعادتك

لاعدمناك

رد: )( وصفة علاج )(
 

وراك ياهالعنيده علي والله ماتجيبين الا اللي
على بالي الله يرضا عليكِ هيا قولي أميين
صحة يمناك يامشرفتا العزيزه كلك ذوق عزالله
تحياتي وصادق ودي بالاضافه الى تقييمي

رد: )( وصفة علاج )(
 

صح لسااان شااعرها ويسلم ذوووقك المميز .. لك ودي ..

رد: )( وصفة علاج )(
 

يعطيك الف عافيه يالغلا

ررروعه لاعدمنا
هالابداااع

رد: )( وصفة علاج )(
 

مميز البريدي

وانتي اميز في انتقائك واسلوب طرحك


دمتي بود يالغلا

رد: )( وصفة علاج )(
 

صح لسان قايلها
ولاهان ناقلها
احتراااامي