غربه بلا عنوان , محمد الدحيمي
 

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

يعين الله ... وجروحي لها في كلّ وقـتٍ شـان

كذوب اللي يقـول ان الزمـن بيـداوي جراحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

سقى الله يوم انا يمّه غريـر ٍ يزعـج الجيـران

سقى الله يوم أنا طفـلٍ يصـج البيـت بصياحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

سقى الله يوم كان اقصى طموحي .. لعبة الدنـان

نهاية يومي المغرب ... وأخاف الليل واشباحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

سقى الله يوم انا البس بشت ابوي وثوبه القيطان

واقلد كلّ شيٍ فيه .. حكيـه .. جـدّه ..مزاحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

واشيل المسبحه مثله ليا هوجس وهـو سرحـان

بيشعر ...واحسب ان اللي عطاه الشعر مسباحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

سقى الله بيتنـا ذاك البسيـط مشقـق الجـدران

شجـاع ٍ يهـزم الغـدراء بقنديلـه ومصباحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تكحّلنا القناعه .. لا طمع .. لا هم .. لاحرمـان

وإذا جاء الليل تكفينا ثـلاث اخـوان ..طرّاحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

جميع الذكريات اللي غدت فـي قفـرة النسيـان

يحاكي حلوهـا عبـره بمـوق العيـن سبّاحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

خذتني غربةٍ عنوانهـا ... غربـه بـلا عنـوان

ابي عقب التعب راحه ... لقى فيني التعب راحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

رجعت اليوم مثل اللي رجع عقب القنص خسران

غدا طيـره وجـاء يسحـب سلوقيـه وملواحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

قصيده مابَعَـد مـرّت ببـال مساعـد وضيـدان

هواجيـس ابـدويٍ هايـم ٍ فـي عشـق فلاحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

وروح ٍ تايبـه كانـت تبـي لذنوبهـا غـفـران

خطاي انّـي كتمـت اسرارهـا بعيـون بواحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تقوليـن المطـر ماهـوب يمّـه دايـمٍ هـتـان

اجل معذور قلبٍ فـي همومـه ضاعـت افراحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

انـا يمّـه غلطـت ولانـي اول واحـدٍ غلطـان

ابونا آدم مـن الجنـه خـرج بأسبـاب تفاحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

خذلك الوقت فينـي .. ماخذلتـك ياأعـز إنسـان

وش الدبره ؟ وحظي صار.. قفل ٍ ضاع مفتاحه !!

مما راق لإحساسي
ارجو ان يروق لكم





[/ALIGN][/CELL][/TABLETEXT][/ALIGN]

رد: غربه بلا عنوان , محمد الدحيمي
 

قصيده جميله لشاعر مبدع ,,
الف شكر ياعاليه على الاختيار الرائع ,,
سلمت يمينك ..

رد: غربه بلا عنوان , محمد الدحيمي
 

أعجبتني كالعادهـ ذآئقتك

عوآفي

رد: غربه بلا عنوان , محمد الدحيمي
 

يعطيك العافيه

رد: غربه بلا عنوان , محمد الدحيمي
 

صح لسان شاعرها ،

قصيده قمممه ، معانيها ملامسه للاحاسيس ،

سلمتي ،

تقييمي+ختمي ،

رد: غربه بلا عنوان , محمد الدحيمي
 

قصيده طرحها غريب جدا جدا

كأن الشاعر يخاطب امه في بعض الامور

لكن وصف الحال والاحوال كان رائع بالفعل

هذه النصوص تعودنا ان نقرأها على متصفحات عاليه

إذ أنها كادت ان تتسم بها وتتطبع بطابعها

شكرا عاليه

رد: غربه بلا عنوان , محمد الدحيمي
 

تسلمي عآليه
خيآل الابيآت
ابدعتي بـ اختيآركـ
الله يحفظك يآرب

رد: غربه بلا عنوان , محمد الدحيمي
 

وإذا جاء الليل تكفينا ثـلاث اخـوان ..طرّاحـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

جميع الذكريات اللي غدت فـي قفـرة النسيـان

يحاكي حلوهـا عبـره بمـوق العيـن سبّاحـه

ذوق جميل ورائع ... يسلمووووو

رد: غربه بلا عنوان , محمد الدحيمي
 

يسسسسسلمو علو مبدعه
بختيارك دوم الله يسعدك
ويحفظك لكي ودي

رد: غربه بلا عنوان , محمد الدحيمي
 

شجـاع ٍ يهـزم الغـدراء بقنديلـه ومصباحـه

راح كل شي حلو مع ذاك البيت القديم ..
الله يسقي ايامه
تقبلي مروري وتقييمي