الحبيب الي غرامي صـار بيـن ضلوعـه=ليه وجّـه فـي يدينـه طعنتـن بضلوعـي
ماهقيـت انهـا تغيّـر نيتـه و طبـوعـه=اما انـا هـذي محاسـن نيتـي وطبوعـي
والله انـه مـن غلاتـه كلمتـه مسموعـه=لو تدخل في خصايص روحتـي ورجوعـي
حتى انا عندي خبر في روحتـه ورجوعـه=من قبل تطفـي جميـع معلقـات شموعـي
ليـن حدتنـي فعولـه ديرتـن منـزوعـه=ماقدرت ادوج فيهـا واختـرب مشروعـي
لو نقول انه غشيم ومـا نصحـوه ربوعـه=الخطا ماهو خطاي انـي سمعـت ربوعـي
دام ماصـان الغـلا خلـه يـذوق اللوعـه=يكفي اني من عذابه جـد شبعـت بلوعـي
يعنـي اتكـون العلاقـه بيننـا مقطـوعـه=من سببه ومن يلومن لو مشيـت بطوعـي
لو عرف لعب العيـال ولويعـرف هجوعـه=ليه انا ناقص ذراع......؟الا اعرف هجوعي
من غصبه انـه يسفّـح بالخطـا بطلوعـه=بس انا مانيب مثلـه والصحيـح طلوعـي
مو غـرور ولااظنـه منفتـح موضوعـه=بس من حـد الخطايـا يبتـدي موضوعـي
والله انـه فعلتـه هـذي مهـي مشروعـه=كن دستوره مسوى فـي يديـن شيوعـي
يالله انـك مـن سواتـه لاتكثـر نـوعـه=ويالله انك من سواتي انـك تكثّـر نوعـي
ذيـك حـزة ماعرفتـه ليلتـن مسبـوعـه=ليـت والله ماعرفتـه واكتنـزت قنوعـي
اشهد ان حبه تكاثر فـي حشـاي فروعـه=وانصدم لامن نظرت .....!الله ياكثر فروعي
الله اكبـر ياحبيبـن صورتـه مطبـوعـه=داخلي واقول عمـري هـذا هـو دلوعـي
والله انـي لـو تركتـك قيمتـك مرفوعـه=وش بسوي مو بديني جد حصدت زروعـي
لاتحـاول لاتـحـاول ردّتــك ممنـوعـه=والغلا باقي مكانـه لـو فتشـت ضلوعـي

ممـآ رآق لي وهو إهـدآء لغآلي

اشهـد ان حبـه تكاثـر فــي حـشـاي فـروعـهوانصدم لامن نظرت .....!الله ياكثر فروعـي
الله اكــبــر ياحـبـيـبـن صــورتــه مـطـبـوعـهداخـلـي واقــول عـمـري هــذا هــو دلـوعـي

كلام قوي . . وتسلم اناملك
مبدع كالعاده . . بس فضول ابي اعرف الاهداء لمنو بالضبط
تقبل مروري ولقافتي :p