|
( قاصد كريم + فهد الهباش)
يافهد وان كانت عزومك على المسرى قويه
مظلمٍ ليل المساري والعرب مايقدرونه جهز اغراضك وشد الكور من فوق المطيه حثها قدام يصحى الليل من غفلة سكونه |
رد: ( قاصد كريم + فهد الهباش)
صح لسانك اخوي قاصد
ننتظر المحاوره الشيقه |
رد: ( قاصد كريم + فهد الهباش)
مرحـبا يآ شـاعـرٍ لا صـار للمعـنى قـضـيـه
نسمع لحونه على ذاك الشجن طابت لحونه لـيـلنـا تـوّه وللـمعـنى عـلى المغَنى بقـيّــه والعـرب تدعي لقاصد ياعسى ربـي بعـونه |
رد: ( قاصد كريم + فهد الهباش)
استب دوري دوري<<<ض40
صح لسانك قاصد وننتظر فهد أتوقع راح تكووون جنان لأنكم ثنائي رائع الله يحفظكم يآرب |
رد: ( قاصد كريم + فهد الهباش)
يسلمو الحضور ، نيابة عن خيي قاصد...
باذن الله تستمتعو ، بس لا تروحو بعيد... |
رد: ( قاصد كريم + فهد الهباش)
حاظرين اخوي فهد
مانقدر نفوت محاورتكم |
رد: ( قاصد كريم + فهد الهباش)
طاب فالك دارنا الليله من اهلها خليه
لو يصيح ابها المصيح ماتوقع يسمعونه مير عطنا علوم ناس الشرق والدنيا مديه البساط الاحمدي مبسوط كان انكم تبونه |
رد: ( قاصد كريم + فهد الهباش)
عاشو عاشو :)
فهد وقاصد شعراء يطربون انفسهم قبل يطربونآ الليل الليل ياشعّارنا |
رد: ( قاصد كريم + فهد الهباش)
الله عليكم
فهد و قاصد انا اشهد ان عطر الابداع فواح متآآآبعة بصمت ض12 .‘ رعاكم الله |
رد: ( قاصد كريم + فهد الهباش)
الله يحييكم جميع
الليله صباحي |
رد: ( قاصد كريم + فهد الهباش)
يالله حي الاثنين ومرحبا بهم من متابعيكم
:) واصلووو |
رد: ( قاصد كريم + فهد الهباش)
من حضر منهم يكفّي والجميع الْه التحيّه
البشر مـن هو يكثّر فالـمـلامه يكـرهـونه ديرة اهل الشرق تغنينا عن الدار السنيّه والبعير اشتال حمله يوم ما خابت متونه |
رد: ( قاصد كريم + فهد الهباش)
يسلمو يالغوااالي،
وجودكم اكبر شرف تسلمون والله |
رد: ( قاصد كريم + فهد الهباش)
عزتي واطول ليلي من فهد لا واهنيه
فيه موضوعين قدامه وموضوعين دونه خطوته مره يعجلها ومراتٍ ونيه كل ماقول يتقدم قال لي مالك مهونه |
رد: ( قاصد كريم + فهد الهباش)
ماشاء الله
إبدااااع وربي... |
رد: ( قاصد كريم + فهد الهباش)
ههههههههههههه يسلم قلبك
|
رد: ( قاصد كريم + فهد الهباش)
وقلبك عسى الله يوفقك في مسعاك
|
رد: ( قاصد كريم + فهد الهباش)
واعذابه واش طــراله لا معـه هاذي وذيه
جارنا الله من عيونه جارنا الله من عيونه عابرين البحر ما ننظر لامورن جانـبـيه ودام غصنا البحر الأول فالبقية يلحقونه |
رد: ( قاصد كريم + فهد الهباش)
ارحبوا يافطاحلة الشعر
مستمتع للغاية اهنيكم وصح السنتكم والليل طويل |
رد: ( قاصد كريم + فهد الهباش)
جميعكم مبدعين والي الامام
لاانت يابن العم ولا قاصد كريم انستونا وانا في رايي مثل هذا شي يجعل المنتي منتعش ....عشتو |
رد: ( قاصد كريم + فهد الهباش)
ارحبووو مليون جميع
منووورين يالغوالي |
رد: ( قاصد كريم + فهد الهباش)
دامها هذي علومك لاعليك ولا عليه
لاتخاف عيوني الثنتين في مثلك حنونه رح بامان الله في دربك عسى دربك عذيه مير لاواجهت بعض الناس خل عندك مرونه |
رد: ( قاصد كريم + فهد الهباش)
الخوي مــنّـا لـيـا مــنّه تمـازح مــع خـويّه
يمزح ويضحك ولا يكسر عصاه ولا سنونه ابشر ابشر يا خـوي الروح ما تبغى وصيّه مـير راع الغبغب المليان خايف من شطونه |
رد: ( قاصد كريم + فهد الهباش)
ارحب يارايد حياك الله
وياهلا بالجميع |
رد: ( قاصد كريم + فهد الهباش)
ههههههههههههههههههه
|
رد: ( قاصد كريم + فهد الهباش)
صح لسانكم متابعين
|
رد: ( قاصد كريم + فهد الهباش)
قهوتك ياكن فيها حب حرق وحب نيه
لاتحمسوا البن بالمحماس ياللي تحرقونه مير شب النار ياشباب وادن الجمر ليه وانت طالع راعي الفن وتعلم من فنونه |
رد: ( قاصد كريم + فهد الهباش)
تشرب القهوة صباح وتشرب القهوة عشية
ثم تعذرب كيف معروفي يا قاصد تجحدونه راعي الفن يتعــزوى مــير يا قـرب المنيّه الله يكــثّـر لـكـم فالــبن يـاللي تــطحـنونه |
رد: ( قاصد كريم + فهد الهباش)
بيض الله وجهك قآصد ، وبيض الله وجه الحضور
ولنآ لقآء بإذن الله.. دمتم بود |
رد: ( قاصد كريم + فهد الهباش)
لاهنت ماقصرت
ودنا انها استمرت بس الظاهر مابقى من الليل غير حق النوم وأشكر كل من حضر الله يعطيكم العافية واعذرونا من التقصير نعوضها لكم بإذن الله جمل الله حالكم |
رد: ( قاصد كريم + فهد الهباش)
صحت الالسن ولاهنتم يا الشيوخ
كل شاعر له رونق اخر وطريقة مميزه امتعتونا بها الطاروق جعل ربي لايهينكم تحياتي لكم يالمطانيخ |
رد: ( قاصد كريم + فهد الهباش)
محاوره رائعه
من شاعرين مميزين استمتعت بما شاهدت اشكرك اختي العنيده مميزه فيما تطرحين |
رد: ( قاصد كريم + فهد الهباش)
بيض الله وجيهكم فاتتني حسافه
بس تسلمون ولاهنتو انشهد انكم احرار تستاهلون تقييم وحبة خشم وسلام وطني |
رد: ( قاصد كريم + فهد الهباش)
ماشاء الله عليكم
صحت السنتكم ابدعتوو رعاكم الله |
رد: ( قاصد كريم + فهد الهباش)
الله عليك ياقاصد بدايتك هذي معروف عليناا ..
جبت السمين يوم دعيت فهد وكلكم عينين في راس واحد ابدعتو والله وامتعتونا بهالطروق لافض فوك انت وياه والله يعطيك العافيه |
رد: ( قاصد كريم + فهد الهباش)
أشكركم كلكم
لاخلا ولا عدم منكم بارك الله فيكم |
رد: ( قاصد كريم + فهد الهباش)
شعرائنا المبدعين كل من قاصد كريم وفهد الهباش
دون شك اننا سعدنا بهذه المحاورة وفعلاً انكم شعراء رائعين وكبار يا أخوان وأعجبني لقب لقبتم فيه من قبل أخوي رائد العصيمي ( فطاحلة الشعر ) وان شاء الله تكونون من فطاحل الشعر لعصركم فهذه الكلمة كانت ولا زالت تلقب لعمالقة الشعر امثال السديري والسلوم وبن جدلان وغيرهم فربي يوفقكم أمتعتونا بالفعل تقبلوا مروري بحضوري أختكم في الله جميعاً حروف من نور .. |
رد: ( قاصد كريم + فهد الهباش)
اسلموو
متابعه بصمت |
رد: ( قاصد كريم + فهد الهباش)
صح الله بوحكم ..
لآهنتــم ع الابدآآع بــس عآد شيطآينكم خلوهـا تطلع بدري .. مو أخر الليل[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] او اقلها عطونــا موعد ..حتي نحضـر :) |
رد: ( قاصد كريم + فهد الهباش)
.,
رائعه ماخطته اناملكم استمتعت بمشاهدة نزفكم يعطيكم ربي الف عافيه وصح لسانكم ، ولاتحرمونا من هالابداع |
| الساعة الآن 08:22 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
