|
أكتــب أســـم شاعـر وإلــي بعدكـ يكتـب قصيده لهـ
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] أكتــب أســـم شاعـر وإلــي بعدكـ يكتـب قصيدة لهـ (الفكــــــــــــــــــــــــــره) كل عضــــو/ه يكتب اســم شــاعر واللي بعـــدهـ يكتـب مقــطــع من قصيدة لهذا الشاعر أنــا راح ابدأ اكتب اسم الشاعر بدر بن عبدالمحسن العضو/ة الي بعدي يكتب قصيدة للشاعر بدر بن عبدالمحسن [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: أكتــب أســـم شاعـر وإلــي بعدكـ يكتـب قصيده لهـ
ابعتذر .. عن كل شئ ..
إلا الهوى ..ماللهوى عندى عذر.. ابعتذر ..عن أي شي .. إلا الجراح ..ماللجراح إلاالصبر .. إن ضايقك انى على بابك أكر .. ليلة ألم.. واني على دربك مشيت عمري وأنا قلبي القدم ... ابعتذر ..ابعتذر ...كلي ندم ... عن كل شئ .. إلا الهوى .. ماللهوى عندي عذر ... اتصدقي ...ماخترت أنا أحبك .. ما احد يحب اللي يبي .. سكنتي جروحي غصب .. ياحبي المر..العذب ... ليت الهوى وانتى ...كذب كان اعتذرلك عن هواى .. وماأقول أنا كوني معاي .. ان ضايقك انى على بابك امر.. ليله ألم ... وانى على دربك مشيت عمري وأنا .. قلبي القدم ... ابعتذر ..ابعتذر .. كلي ندم .. عن كل شئ .. إلا الهوى .. ماللهوى عندي عذر .. الله كريم ..حبك ..يكون.. همي القديم .. وجرحي القديم ... والله عليم .. يا أحلي العيون .. ان الفراق .. جزا الفراق .. ابوعدك ..كان الطريق بيبعدك .. بامشي بطريق .. وكان الحجود بيسعدك ... مالي رفيق .. ابجمع اوراق السنين ..وأودعك.. كان الفراق اللي تبين ... الله معك اللي بعده : حمد هادي المسردي يعطيك الف عافية ع الموضوع المميز... فكرة ولا أحلى،، |
رد: أكتــب أســـم شاعـر وإلــي بعدكـ يكتـب قصيده لهـ
يا راكب من عندنا طيارة ماطـــورها لارن عبت كنبريشن فل وافتـــــرت مراوحها وطارت بالفضـــا من طائرات اطراز ميج اربع مراوح واربعة متحركات . من نوع سبعمية وسـبعة وارد امريكا وصنع فرانكفـورات اسطول من احدث اساطيل الفضاء قد صممت باكبر مصانع سابقات اصواتها . طيارها متخرج من معهد اعلى فن طيران جو اللي بعاصمة الولايات المريكية وذات الاتحاد المعترف به عالمـيا وهى واشنطن اى مجمع جميع الجامعات . رسـم العلم ذو الراية الخضرا مع السيفين والنخلة على جنحانها تقلع من مدرج مطار ابو ظبي كن حسها زلزال هز الارض يوم ترن باصوات تقول رعود شكماناتها . من عاصـمة دولة الامارات اقلعت متوجهة ومسافره يم الكويت طرانزيت بلازمي وانا الذي قومتها من شان مندوبي ومن شان الوصاة . وبرفقها من قاذفات النار عشر مقاتلات يحمنها ساعة رفعها الكابتن الممتاز ثم اسـتعدلت فى العـرش دارت دورتين وروحت يم الكويت مولعة شاراتها . تحركت متوجهه واسترفعت واستعدلت ثم روحت وصلت فضاء جو الكويت بسرعة ثم وقعت وسط المطار وحول المندوب منها بالرسايل ناصي ٍ وافى الصفاة . الشاعر المعروف وهو ابو عشيمان امهدي ثم سلمه منى رسايل مـير مدري ليش يا هل العرف مارجع مع المندوب مردوداتها . مدري محقريه مع قلة ثقة ولا اعتبرني يا عرب ملقوف يوم ارسل بلا سابق معرفه ثم وضع ما ارسلت لـه في وسط سلة مهملات . وانا اشتري بالمال معرفة الذي شرواه حيث أنه خبيروعارف كل المعاني والعلوم وسر مضموناتها . ايضا ولاني بجنبي جدي وجده واحد يشهد على قولي تواريخ ٍ قديمه والرجال أهل الفطانه والعقول الزاكيات . علماً بأن رد المثايل يعتبر بين الرجال العارفين اطماع وهو من العوارف يذكرونه عارف قانون ترتيباتها . لا شك ياللى تاصلونه خبروه إنى تري لاني بمتحدي ولا أحب التحدي والخطا ما بغاه ما ابغي الا القوادي والعلوم اللى لها ذوق وطراة . لا قصد لى غير التعرف به ولو ما رد ما والله يجي فى خاطري مثقال ذرة حيث ما هو لا زمٍ بين الرفاقه يا عرب تطويل خذها هاتها . ابغيه ذخر فى مقاديم الليالي مثل ما قد قال راكان بن حثلين لابن هادي بماضي ما مضي يوم الفعايل مستمره بين ماضـين الفعايل فى العصور الماضيات . مابغي على ما قالوا اهل العرف نرجع كالنعامة شافت المكروه مما ليس تكره من قوايمها الذي يحفي مواطيها المسير ولا بغت تمشيبها حفيت بحين وخيبت هقواتها الشااعر::حمد البريدي |
رد: أكتــب أســـم شاعـر وإلــي بعدكـ يكتـب قصيده لهـ
يطول الحديث وكل كلمة لها هراج
وفناجيل جرح الوقت ياوقت مشروبه تدف الهبايب ضيقة الصدر للمخراج لو ان الحزن مغرق ترى القلب منسوبه ماعمر الليالي قدرت ضيقة المحتاج يعيش الفقير وراس ماله معه .. ثوبه ولو أن الزمان الشين بير مثل هداج لقيته هماج يوجع الكبد مشروبه غدينا هل الكوفة ووقت الردا الحجاج يموت الوفا وحقوق الأجواد مسلوبه زمنا ع طمس الحقايق فقيد علاج يخلي الشقي يمشي ع راس عرقوبه اعن الركايب واقطع الليل دون سراج غريم يحب الموت لعيون رعبوبه ياكبدي من الدنيا وموج عليها هاج علي الحرام أني فلا أدري ش أنا صوبه لعب بي رغاب الوقت واسبر على المطناج عسآي اتقرب من طموحي وماجوبه ترى ماعرف قدر المهادي سوى فراج لكن فالزمن ذا كلمة الحق معيوبه ياوقتي السموحة منك وآسف على الازعاج لكني طلبتك واسمع القول لونوبه سيوف الصراحة سجنها ماعليه افراج لان الصراحة يازمن غير مرغوبة نمثل بطولة فيلم لكن بدون اخراج وقصة سيناريو الفيلم ماهيب مكتوبة وتضيع السوالف بين فكرة وبين انتاج ورؤية جروح الوقت في وسط غيبوبة خطا المرء وارد والخطا ماعليه احراج لكن غلطة الشاطر ليا جات محسوبة ياقلبي أعزك وأرفعك والحشيمة تاج مادام أن فناجيل المخاسير مشروبه طموح الأمل نظره وجفن الحياة سياج واذا جيت ارقع هفوة الوقت وشهو به انا كيف اضيق من الزمن ولا ليه احتاج وانا مري وربعي هل المجد ودروبه ليا قالوا اني من قطر ضيقتي تنباج بلاد التميمي والمواقيف تسمو به انا البحر والريح الشقا والهموم امواج تعصف الرياح وطبعه اياه واسلوبه ياعزمي عليك الله صر للظلام سراج ( وش يفيد راس ماغدا المجد مطلوبه) الي بعدي الشاعر احمد السديري ----------- |
رد: أكتــب أســـم شاعـر وإلــي بعدكـ يكتـب قصيده لهـ
إن صار زود المال بيديـن الانـذال
حنّـا مـن المعـروف تنـدا يدينـا وان كانهم شرهوا على طيب الافعال حنّـا وردنـا جمامهـا وارتويـنـا وان فكّروا للجـود يمشـون رحّـال حنّـا قبـل يمشـون يّمـه خطينـا يا ما لبسنـا للشـرف كـل سربـال وعلـى البسيطـة للفضيلـة مشينـا في دوحة العربا لنا مجـد وظـلال وحنّـا علـى در المكـارم غذيـنـا لو نجمع اللي فات منـا مـن المـال إن كـان شيدنـا القصـور وبنينـا نعطي ولا نتبـع عطانـا بالاقـوال ونبذل ونسكـت كننـا مـا عطينـا وان باعوا الشيمـة بدينـار وريـال حنـا دخلنـا سوقـهـا واشتريـنـا نطلع لها لو هي على روس الاقـذال لو هو عسيـر ٍ دربهـا مـا انثنينـا بافعالنـا نرسـم دروب ٍ للاجـيـال إلـي نساهـا غيرنـا مـا نسيـنـا أسـود سـادات ٍ تسجـل للاشبـال فضايـل ٍ شمنـا لـهـا واهتديـنـا بيض ٍ نسجلهـن جديـدات وسمـال حفـايـظ ٍ لاحفـادنـا اللاحقيـنـا نصبر على الشّدات لو شيلنـا مـال لـو سـال دم كفوفنـا مـا شكينـا نخـاف يلقـى سدنـا كـل ختّـال ويبنـي هزيـلات المعانـي علينـا الليل يا خالـد علـى والـدك طـال وهنّيـت نـاس ٍ بالكـرا نايميـنـا يا عز راسي شفت ما خبـث البـال شـي ٍ يهـوّل شـيّـب الجاهليـنـا شي ٍ من اسبابـه يشيـب بالاطفـال فطّـر خشـوم مهجرعـات الحنينـا أدير قـالات ٍ عريضـات وطـوال قـالات خـلـنّ المخـفـىّ يبيـنـا منهن رزين العقـل بالوقـت يهتـال بوقـت ٍ عبـوس ٍ فطّـن الغافلينـا وقت ٍ من اسبابه شكى كـل ريبـال نصبـر ونسكـت كننـا غايبيـنـا النـاس بالأيـام راحــل ونّــزال وتفجعهـم الدنيـا وهــم دالهيـنـا وحياة رب ٍ نـزل آيـات الانفـال عالـم خفـايـا نـيـة الحاقديـنـا ما اترك طريق العدل في كل الاحوال لـو يرحـل المـريـخ للفرقديـنـا اللي بعدي نايف عرووووويل |
رد: أكتــب أســـم شاعـر وإلــي بعدكـ يكتـب قصيده لهـ
تذكرتك على صوت حزين ومرقـب ٍ عالـي
وعين الشمس محمرة وزول الطيـر واسمهـا وضاق الكون في وجهي من احزاني وغربالي وبانت عبرة ٍ مبطـي عـن العـذال كاتمهـا ترزملـي مجاميـع الهمـوم وينهـزم حالـي بغيت مرار اقاومهـا ولكـن كيـف اقاومهـا مدامك دوم في بالي ولا قد غبت عـن بالـي ونار الشوق لا هبت هبـوب النـود تشعمهـا ومدامه لا انكسر صوتي عقب ما اجر موالـي تكون آخر حروف اسمك على التنهيد راسمهـا كرهت الكون من بعدك وعيى الوقت يصفالي والامن بانت الفرحة تجـي ذكـراك تعدمهـا تركتك وانت خابرني عزيز النفـس متعالـي ورحلت بجملة همـوم ٍ تزايمنـي وازايمهـا تثاقل خطوتي مقفي وانـوخ واعقـل رحالـي واشد رحالي وعيني عـن اللفتـات محرمهـا فمـان الله ياضـي البـلاد وطعمهـا الحالـي فمان الله ياضـي البيـوت وضـي ناضمهـا كلامن مر بغيابـك قريتـه بالخـلا الخالـي طوته البيد من حسـه وغيـر فـي معالمهـا كلامن سابقه دمـع ٍ علـى الخديـن همالـي من عيـون ٍ شقاويـه تخلـت عـن تجهمهـا يفوح من القهر دمعي واناما ارسلت مرسالـي اجل وشلون لا بانت حروفـي فـي مقادمهـا ابتذكر خطاك الـي تضحـى بآخـر آمالـي وضف هموم هالدنيـا علـى قلبـي وليمهـا ترى مايذبح الواحد يكود الجرح مـن غالـي وجرحك كل ما يطري على روحـي يئلمهـا انا مدري وش اكتبلك ولا ادري ويش منوالـي ولا ادري ليش انا انقالك بيوت الشعر وانضمها وانا ادري منت سامعها وقلبك دالـه وسالـي ولاكن دايماً بصخر علـى شانـك ملاحمهـا والامن مربي طيفك وانا في مرقـب ٍ عالـي بدون شعور ببنيهـا علـى شانـك وبهدمهـا ***** للي بعدي أبي لــ ضيدآن بن قضعان ض44 |
رد: أكتــب أســـم شاعـر وإلــي بعدكـ يكتـب قصيده لهـ
(ياوجـــــــودي)
يا وجودي كل ما هـبّ نسنـاس الشمـال وجد من حدّه زمانه على اللـي مـا يبيـه و يا وجودي كلما اضحيت ثم مال الظـلال لا غفت عيني و لا ذقـت شـي ٍ مشتهيـه وجد من قفّى و هْو في رجا كلمـة تعـال و إلتفت من عقب ماْ اقفى ولا أحد ٍ لدّ فيه و يا عذابي لا دنا الليل من روس الجبـال وانتهى يوم ٍ من العمر مـا عـاد أرتجيـه و انتي أبعد من سما الحلم و وصالك محال يا بعد من هلّ دمعي ضحى الفرقـا عليـه يا غناتي لا تحسبيـن دمعـي يـوم سـال ضعف و لاّ خوف و لاّ كـذا و لاّ كذيـه و الله إني من رجـال ٍ يضـدّون الرجـال لكن الحظ ّالردي ساق دمعـي كـل أبيـه و الله إنـي كلمـا دار حوليـك الـجـدال قمت كنّ الموت يشّر علـى قبـرى بديـه و الله ان قد لي و انا اصّد لاجالك مجـال صدّة اللي لا تضايـق تذكّـر قبـر أخيـه و من سألني قلت مدري و إذا عاد السؤال قلت له تكفى سؤالك ترى ما هـو وجيـه وش تبيني اقول عن من ترى ذبحي حلال ؟ و الخطا منها عليّ صرت أحبه و أهتويـه عذرها لو ماْ تْعذّر مثل و اضـرب مثـال واحد ٍ ما يعرف الحـرّ الاشقـر يشتويـه وان رجعـنـا للتواصـيـف لله الكـمـال لاْ انتهـى ليـل المزاييـن جاتـك تبتديـه كنّها غفـل ٍ مـع البـدو طاويهـا الحيـال ما يميّـز وصفهـا إلا نبيـه ٍ مـن نبيـه وآ هني اللي وصلها و ذاق مـن الـزلال شربة مع غفلـة النـاس مـن فيهـا لفيـه ياْ اول أحلام الطفوله علـى حـد ّالخيـال الرجى باللي حمى البيت من حملـة بريـه حال دونك سيف عنتر و تاسع حول حـال باْثر حول ٍ حال دونك و انا ادعى هيه هيه هيه ياللي غرّك الحسن و اطغاك الجمـال و الله أني اموت ما شفت لأوصافك شبيـه لو يسام الحسن و التيـه بجنيـه و ريـال ما بقى في سوق غيرك ريـال و لا جنيـه كيف أهدّك للمقادير و انتـي راس مـال؟ راس مال و مال و المال ماْ يعطى السفيـه حافظك حفظي لعيني و رمشي لك جـلال و انتي تْشحّين بالمـا و انـا شفّـي مويـه شايف ٍ ظلمك و ساكت و طال الليل طـال لا نويتي طعن قلبي و انا مـا قلـت ليـه لو بقى للهيل صبر ٍ علـى فـوح الـدلال ما بقـى للهيـل صبـرٍ علىشـي ٍ يجيـه و انتي تْسوقين عقلي علـى حـدّ الهبـال تحسبين ان من بغى شـي يقـدر يشتريـه و لاّ انا يا وجد حالي وجـود ٍ مـا يقـال وجد من ضحّى بغاليـه لْرضـا و الديـه و يا وجودي بأول العمر قبل ألبس عقـال وجد من باع آخر العمر في رغبـة ذويـه و يا وجودي كل ما هبّ صوتك من شمال وجد من حدّه زمانه على اللـي مـا يبيـه اللي بعديخالد الفيصل.. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: أكتــب أســـم شاعـر وإلــي بعدكـ يكتـب قصيده لهـ
حنا العرب يــــا مدعين العروبة
وحنا هل التوحيد وانتم له أجنـــاب وحنـــا شروق المجد وانتم غروبه وحنا هل التاريخ وأنتم به أغــراب يوم الفقر شلتوا علينا عيوبـــــه واليوم عقب النفط جيتوا لنا أنسـاب ويوم الفقر فينــــا البداوة سبوبة واليوم صرتوا مثلنــا بدو واعراب لو الهوى منكم منعتم هبوبـــــه لا شك رزاق الملا رب الأربــاب ولو المطر منكم منعتم صبوبـــه لا شك رزق الخلق من عند وهـاب جيش الحسد سقتوا علينا حروبــه كل يبي يزرع على جسمنــا ناب حرب على المحسن تراهـا عقوبة بالله عســـاكم ما تفيدون حراب يا ما عطينــــا ما ندور مثوبه إلا من اللي من ترجــاه ما خاب ويا ما نصرنـا صاحب ضيقوا به عاداتنا نقدم الى مالردى هـــاب ويامـــا نصانا من تعثر دروبه يدخل حمانا من تعذرة الأصحـاب حنـــــا بنينا دارنا من طيوبه وانتم سلبتوا داركم كل ما طــاب الله سقانا من بحرنــــا عذوبه وانهاركم مثل البحر هدر تنسـاب حنا زرعنا الحب بارض خصوبه وانتم زرعتوا كره الأجيال بتراب وحنــا دعينا السلم نوبه ونوبـه وانتم حمــام السلم بعتوه بغراب يا من دعا للحرب ما درك خطوبه لا تحسب أن الحرب تهديد وخطاب من شب نار الحرب يصلى شبوبه ومن ثور الفتنة تعرض للأسبـاب ما يستر الرجــال ملبوس ثوبه الدين وافعال الكرامــة له ثياب ما يقبل الرجال بحمـــاه حوبه مـــا دام له حق وللحق طلاب اللي بعدي محمد بن فطيس |
رد: أكتــب أســـم شاعـر وإلــي بعدكـ يكتـب قصيده لهـ
حقيقةً لي الشرف العظيم أنني من حظي بكتابة قصيدة شاعرنا المحبوب محمد بن فطيس لذا اليكم اجمل قصيده للمحيط الهادي في نظري ،؛،.. الــبـارحـــة ..،؛، البارحة ربي كتب لي ومريت .. ..دربٍ عليه بروق الأحباب لاحت جيت المكان اللي جمعنا وخفيت .. .. وقامت جروحي للجوارح وصاحت ياليتني في لفة الدرب زليت .. .. كان العيون من الدموع استباحت التم غيم الدمع من يوم لفيت .. .. وورقا القصيد لشوفة الغيم ناحت وضحكت ماأبغي الناس تدري يبالفيت .. .. لكنها غصبٍ على العين ساحت حارت دموعي في عيوني وصديت .. .. وأرمشت مابيها تبين .. وطاحت وعقبه برق في العين براق .. واسقيت .. .. خدي ووناتي بصدري تلاحت وأنا أحسب إني في فراقه تشافيت .. .. وان عبرتي من مدخل الزاد زاحت اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت عرفت كيف الحي يفرق عن الميت .. .. وعرفت قيمة نعمتي يوم راحت قولوله اني عقب بعده تدانيت .. .. ورجلي عن دروب المعافين شاحت البعد نار وطاعة العذل كبريت .. .. يقصر على بعده ترى الكبد فاحت الي بعدي الشاعر الكبيرسعد بن جدلان |
رد: أكتــب أســـم شاعـر وإلــي بعدكـ يكتـب قصيده لهـ
ودنا بالطيب بس الدهر جحـاد طيـب كل ما تخلص مع الناس كنك تغشهـا يدك لامدت وفاء لاتحرى وش تجيـب كان جاتك سالمه حب يـدك وخشهـا كل ماشبيت نار المحبـه مـع حبيـب قام يسحل فـي مشاهيبهـا ويرشهـا وكل ما واجهت لك فالزمن وجه غريب مثل ماقال المثـل دام تمشـي مشهـا وذمةٍ ماهيب تندار للحـق المصيـب جعل قشاش الحطب لاسـرح يقتشهـا اللي بعدي ناصـــر القحطانـــي^ |
رد: أكتــب أســـم شاعـر وإلــي بعدكـ يكتـب قصيده لهـ
الله اللي راد والعقدة قضاها اللي عقدها
لا على الدنيا سلام ولا لباقي العمر زينة الفضا ما كنه إلا خيمة طاحت عمدها والفرح ما كنه إلا شيخ أنقصت يدينه والعمر قطعة زجاج انكسرت ولا طال أمدها والعرب في العيد بدموع اليتاما مستهينة والشوارع لفها ثوي الظلام اللي هجدها والبيوت أطلال من عقب المحبة والسكينة والشتا والليل والبرد والسما يصرخ رعدها والعيون اللي ورى الشباك مذعورة حزينة طولوا في الكهف الأصحاب وبقت روحي وحدها كأني في كوكب ثاني خلا من ساكنينه الوداع اللي بعلم العين يعبر من رمدها والوداع اللي بلا علم القفا الصدري غبينه والوداع اللي بلا رجعة علي يامر ودها والله انه غرغرة سم وسكاكين سنينه والعنود اللي جفيت الناس والدنيا بعدها مدة الفرقى لغاليها وهي تعطي الثمينة وينها كيف تركتني ليه ما جت في وعدها والقمر لا طل خابرها تجي بيني وبينه رحت أنادي وأتلمس في مهب الريح يدها كني أحصان بلا صاحب طوى البيداء حنينه رحت أصيح الصبح وينه والعرب ما رد احدها ما سمعت إلا صدى صوتي يقول الصبح وينه كنهم من يوم ذيك الشمس غابت عن بلدها طلعوني في النفود وصكوا أبواب المدينة كنهم من يوم ذيك الذاهبة محد وجدها كل رجال من الشرهة قلعة الدرب عينه اثرها ماتت وماتت كل فرحة في مهدها والربيع اقفت به اللي كانت التاج لجبينه جاورت عقب الحدايق حفرة مقسا لحدها حفرة ماني مصدق كيف ضمت ياسمينه للحزن فيني مثل ما للطهارة في جسدها ويش اسوي لا فتشت اللي لها وسط الخزينة زخربت حلم وبنت له مسكن وسمت ولدها آآآآه لو غرد ولدها في خميلة والدينه عاهدتني وقبلة بيمين نقوى من عهدها والصبي لا خير فيه كان ما نفذ يمينه ما تتقى عن رثاها عرق اقتض بشهدها ولا تبقى خلف قضبان الجفن عذراء سجينه كيف عند العالم ايام العزاء محصى عددها ولا أنا طالت شهوره والله اعلم كم سنينه لا الثرى فيها نبات ولا المشي خفف نكدها لا السماء فيها طيور ولا البحر يمه سفينة لا القمر هذا مساه ولا العصي هذا رغدها لا الزهر هذا شذاه ولا الذهب هذا رنينه قالوا الشيخ الفلاني مرجع القوم وسندها قال يبشر بالعوض والعلم جينا ناقلينه ساق لك بدر البدور اللي نشدها من نشدها قادر هزة عروش وخيبة روس ذهيلة قسمها في رسمها في جسمها إلا في رشدها واسمها آنجال الغضب قومه على الألسن رطينه أترك الناي وعطية شيخنا غنا لسعدها وانبسط ياعم ونسى اللي ورى التربة دفينه قلت ولصدري تناهية تروع من شهدها آآآه وا ويلاه من يجذب على قلبي ضنينه خلوا اغلى ذاهبة ترعى ربيع اللي فقدها والعطا راعيه نحدن صوبه الله لا يهينه لو ضمنت الجنة تفاحة القلب وشهدها قلت من بكره عسا مجنونها تاقف سنينه الله اللي راد والعقدة قضاها اللي عقدها لا على الدنيا سلام ولا لباقي العمر لزينه الي بعـــــــدي محمد ابن فطيسض44 |
رد: أكتــب أســـم شاعـر وإلــي بعدكـ يكتـب قصيده لهـ
::: سولفوا ::: سولفوا تكفون لا عاد تسكتون قبل لا أهوجس وياتيني بلاي السكات يزود طعوني طعون وتنكسر لا جا على راسي عصاي سولفوا لو ما بغيتوا اتسولفون قبل لا اقعد في الحزن رايح.. وجاي واضحكوا لو بالعماله تضحكون وجاملوني لو يضايقكم حكاي لي وليفٍ راح جعله ما يهون هو دواي وداي .. أو داي ودواي راح لكن طيف زوله في العيون مرةٍ قدامي ومرة وراي وإن سكتوا جا وهو طيفه يمون رحت أهوجس له وأبين له ولاي مكسب عيوني من الفرقا مزووون تمطر لطاريه.. والبرق ؟ أصدقاي كل ما طروه لو هم يمزحون احرموني من غداي ومن عشاي أدري إنه ما تناسى الود كون تسمع إذنه في قفاي اللسن عداي وكانهم قالوا نسيته يكذبون وإلا أنا فيه أمتلك نظرة وراي كان حبه لي على خبري مصون والله ان كني بقدري .. وبغلاي ذي بقايا الحب وأطلال الجنون والله أعلم في ضميره وش بقاي غير طيعوني ولا عاد تسكتون ولا والله إن أسمعكم بكاااي ********* الشاعر "ســـــــــعد علووش .. |
رد: أكتــب أســـم شاعـر وإلــي بعدكـ يكتـب قصيده لهـ
انا رجل ما يؤمن ابرج الدلو لاكني اامن بحتقاري للبنات الساذجات الي من العفه خلو الناعمات الكاسيات العاريات شعر حلو جسم حلو وجه حلو لاكن وين الباقيات الصالحات .......................................... معقده لانها ماتغازل ولانها تؤمن بجدوا العوازل ولانها تخاف ربي وهلها ولانها ماهي بسهم طالع ونازل انسانه وتحس انها شي غالي وعن هالقناعه مستحيل اتنازل تناّ بسمها عن كل الشماميت وعن الملاحق والقصص والمهازل يحبي للي مثلها وللي تقدر اتغازل بس ترفض اتغازل وسلامتكم ياللي بعدي لاهنت<<سلطان الهاجري |
رد: أكتــب أســـم شاعـر وإلــي بعدكـ يكتـب قصيده لهـ
يامرحـبـا يامرحـبـا ترحيـبـة ماقـالـهـا الا البدو لا شافو بروق المزنـه العقربيـه من خاطر وقف من الفرحه ورحب وهلا ياغايب ربـي خـذه منـي ورده عليـه خليتني والعاشـق الولهـان ماينتخـلا الا تخلي البدو عن حب الفرس والمطيـه تعال يالغالي ترى مافيـه داعـي تغـلا ان الملوح واقلطـي ياليلـه العامريـه خليني اعبر عن شعور الغـلا واتسـلا واجر لحن من لحون طروقي السامريـه لين العروق الظاميه تشرب حنان وتمـلا وانا علي احفظ غلاتك مثل حفظ الوصيه واليا انفهق ليلك وصبحك ياحبيبي تجـلا من لا مني في فرحتي لا رحم ميته وحيه هرجك عسل حالي وريقك كوكتيل محـلا العام الاول ذايقه فـي فنـدق الفيصليـه وان قلت لي ماذقت غيره قلت حاشا وكلا الا العويدي لا ذعر في دلـة الشاذليـه هذا العذر يكفيك من صاحبك يازيـن والا ودعتك الله ياخوي ماوثـق فـي خويـه للي بعدي ..ناصر الفراعنــه |
رد: أكتــب أســـم شاعـر وإلــي بعدكـ يكتـب قصيده لهـ
الله اكبر والله اكبر تصغر القالة وتكبر يكسر العايب ويجبر يا بدر علم iiبدر
الله اكبر والله اكبر يقبل العايل ويدبر يبتلى المسلم ويصبر كل فوق له iiحدر شاعر ضابط مظلي مهندس ملي بملي اعبد المولى واصلي ولا طلبت الجن iiدر جت بي امي في رماده وارضعتني في حماده يا نمير بن(ا)عباده جدي الشاعر لبيد من وانا حي نسوني وفي عباتي كفنوني هل اذا مت اذكروني لا ورب العاديات لا ورب العاديات الضبح رب النازعات الغرق رب الناشطات النشط رب iiالسابقات والله لو عندي فراغ ان قد رسمت الشعر صاغ وجبت ما لا جابه(و)اهل العصورالماضيات مير اشغلني الزمان وضرب أنس عند جان وعشرة راحت ثمان وصرف عباد iiعبيد شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي) من خلق ما شال هم الا ثنين ابا وأم الموت عنهم بعد (كم)ورضاهم اقصى iiمطلبي ولا هالدنيا متاع فرحتين ثم وداع القبر باع في ذراع ولا جهله الا iiغبي نفخ صور ثم نشور من قبور ثم سعادة او دبور المسعد اللي ذالك اليوم(ا) iiسعيد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] الشااعر..محمد جار الله السهلي.. |
رد: أكتــب أســـم شاعـر وإلــي بعدكـ يكتـب قصيده لهـ
( اصعب سؤال ) اللي جوابه للأسف مثله ( سؤال ) !!
...................... ما هو تفلسف !! الا موقف صار واسمع " ثاني بيت" : البارحه يومه سأل : ( وش ذكرك ذيك الليال ؟ ) .................. كان الجواب بكل بساطه : ( من متى اصلا نسيت ؟ ) ادري بان جمع ( الصعوبه والبساطه ) شي محال !! .................. لكنها صارت كذا ! واللي (( اهم )) اني دريت : ان الحياه فبعد احبابك اذا جف الوصال ................. اتعيشها لو تقتنع انك خلااص اصبحت ( ميت !!) يا صاحبي لو كل شي يمر بالخاطر يقال ................. ما كانت العبره تــــولجني اليامنك طريت ؟! شفني قدرت احبس دموعي بس ( دمع القاف ) سال ...................... ويا كبرها ساكت ولكن داخل اوراقي بكيت !! عمر الحكي ما كان دافي لاابتدى بقولة تعال .................... لجل اتجاهل رجفة حروفي اليامني حكيت .. الحال في بعدك قسم بالله ما اسميه حال ............... انوي على الضحكه واحس كلي خطا لاني نويت ؟! اتصور انك من رحلت اشوفك لجسمي ظلال .................... لا شفته امشي ببتعد واثره معي مهما مشيت !! مدام يعني في بحرك لفرحتي مليون جال ............... وش فيه موجك ما ركد ؟ قربت اموووت وما رسيت .. يرضيك ما عادت معي تفرق اذا جالك مجال .................. لاني اقتنعت انك نهايه واني ببطي ما بديت !! صرت ( اعقد حجاجي ) اذا جابوك باطراف الجدال ...................... وانا قبل لاقالوا اسمك كني : ميت ثم حييت .. تعبت اعيش الدور وافتح للمعاذير الخيال ................... واتخيل اني جيت في بالك وبانك استحيت .. وتردلي كلك (( وله )) وتقول : ( كن البعد طال ؟ ) ............... ومن الفرح ما عاتبك واقول : ( ياخي مابغيت ! ) حتى وانا تخيل حشمتك ! لن قلبي لا يزال ................. يكرر اسمك داخل اعماقي بنبضه لا سهيت .. قلي شسوي فيك ؟ وانت بداخلي اصدق مثال ............... للحب واحساس القصيد ان عانق الليل وسريت .. ربي يصبرني على الفرقا مدام الحظ مال ............... وانت بيجيلك يوم تعرف ليه في بعدك شكيت .. واذا بلاك الله وعذبك اشتياقك (( بس تعال )) .............. واقرى القصايد في غيابك كلبوها بيـــت ... بيـــت .. بتدرى ان ( اصعب سؤال ) اللي يجي رده ( سؤال ) ................ لا قلتلي ( وش ذكرك ؟ ) ثم قلتلك ( متى نسيت ؟ ) ************************************************** ************ بدر الخااالدي .. تقبلي ودي |
رد: أكتــب أســـم شاعـر وإلــي بعدكـ يكتـب قصيده لهـ
ابارك لك و اودع كل دنيا الحب والاحباب نصيبي بالهوى حبك و صرت لواحد غيري اعزي فيك حظي و الخفوق اللي من اجلي ذاب و لا طاع و تبدل فيك غيرك يا محاسيري و اعزي فيك شعر ما قبل غيرك و بعدك شاب تقل كفك هي اللي تامر حروفي و تعبيري و اعزي فيك عين كل زولك رمشها ما غاب و غيرك عنك لو طال العمر ما طال تغييري احبك حاضر عندي و احبك لو طال غياب و احبك مثل نفسي يا كسر نفسي و تجبيري اجبك لاجل حبي لك قلبي منك ما يرتاب ولا يقبل غلا غيرك ولا يقبل معاذيري احبك صوت احبك زول احبك روح يا جذاب و احبك حب اكبر من مدى شعري و تصويري صحيح اني جريح فراق روحي و الجرح اسباب . صحيح اني تعديت الحدود و طال تكديري و صحيح ان اللهيب بخافقي يا خافقي شبّاب و صحيح اني بنفسي ضاع تفكيري و تدبيري بكى لك دمعي الوافي .. ولا لك فالكلام اعتاب و تلاشت يا مدى صدق الهوى منك مشاويري تفارقنا فراق عيون لكن القلوب احباب تمنيت السعادة لك ولو مع واحد غيري الشاعر..سالم سيار.. |
| الساعة الآن 02:22 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
