الا طريح الحب ما عنه نشاد
 

[poem=font="simplified arabic,6,blue,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
لك في خفوقي نبع لا يمكن يشح=نبع المحبه والغلا والتوداد
ياللي عليك الدمع من ناظري سح=وان لاح زولك يا ضنى الروح يزداد
يكفي على جسمي من مفارقك مح=ويكفي على راس القلم ينزف مداد
حبك على قلبي مسلط مسلح=حاصرت وجداني على كل الابعاد
حتى ضميري بالمحبه لكم لح=والسمع لاصواتك وتفكيري انقاد
قلبي بحبك يا سنا ناظري طح=حتى تسيد خافقي والولا ساد
ارزف معى اهل الرازف وناظري دح=والصبر عيا لا يطيق التجلاد
اهيم لجلك وانت للروح تجرح=صار احتلالك زي تدمير بغداد
رجع فوادي يا هوا البال واستح=وارحم عشيرٍ عاش ما عنده فواد
لو مثلو حبك على ظهر مسرح=طاح الخشب من ثقل ما فوقه وماد
ابغا اطلبك طلبه ثم ارجوك تسمح=تذكار يبقى لي معى سلم وجهاد
ابغا اذكرك من وين ما ريت مطرح=لوكنت انا ببلاد وعني لك بلاد
سهم الوفى في خافقي صار يقدح=واسمك مشرع فيه والضيق وراد
ناب الخطر من هجرك اليوم يكلح=هبت علي الموت صلفات الانواد
خايف على قلبي من الضيق يقرح=لن الغلا ما فاد والبغض ما فاد
صورة عديل الروح فالقلب تسبح=وانا غرقت بها بليات ميعاد
اخاف لا من هاجسي بالغلا افصح=اصبح شماته بين صفات الاجواد
الدهر عيا تالي الوقت ينصح=في كل يوم يزيد لي بالتوجاد
نيران دوراته على الخد تلفح=ما ارتحت برقادي ولا ذقت لي زاد
بس القوافي في ضميري تلقح=وتخلف ابداع الجمل جمع وافراد
من بعد ما قلبي عليها تفضح=خايف يسوا بي مثل عبد شداد
تاتيني الابيات ماهي تنقح=الفظ معانيها ولا به ترداد
ما هي تعنيني ولا هي تصحح=وتكون لجروحي ودمعاتي ضماد
الكل في ذا الكون يسقط وينجح=الا طريح الحب ما عنه نشاد
[/poem]

رد: الا طريح الحب ما عنه نشاد
 

اخوي ناصر الشريف
شاعر مميز ولك مسطلحات مميزه
مبدع ومرهف الإحساس
تحياتي و تقييمي

رد: الا طريح الحب ما عنه نشاد
 

هلا وغلا بالسمي
صح لسانك وتسلم على القصيده الرائعه
وشكرا






تيحاتي

رد: الا طريح الحب ما عنه نشاد
 

نعم نعم الا طريح الحب ماعنه نشاد ياسلام ياسلا م ياناصر صدق من سماك مروض القيفان شاعرمبدع في كل حالاتك وراااائع تشكرتشكر على الرائعه شاعرنا تقبل متصفحي خوي من هنا اخوك موسى ابومشهور ولاهنت يالسنافي

رد: الا طريح الحب ما عنه نشاد
 

الله الله عليك وصح الله السانك مبدع كالعاده ومو غريب عليك ياناصر
ودي وتقديري

رد: الا طريح الحب ما عنه نشاد
 

العنيده صح بدنك وتسلمين على المرور والاطراء

واشكرك على تقييمك تقبلي تحياتي وخالص تقديري

رد: الا طريح الحب ما عنه نشاد
 

صح الله لسانك ياناصر على القصيده الراائعه

رغم ما فيها من تكلف الا انك تغلبت عليه وابدعت في عسف المفرده



ودي

رد: الا طريح الحب ما عنه نشاد
 

تسلم اخوي لاهنت
قصيده رائعه وانت اروع
شاعر جزل ومافيك حيله

رد: الا طريح الحب ما عنه نشاد
 

ناصر بن ثنيان

حياك الله يالسمي ومرورك هو الاروع

تقبل تحياتي وخالص تقديري

رد: الا طريح الحب ما عنه نشاد
 

صح لسااانك اخوي ناااصر قصيده رااائعه

ربي يعطيييك العافيه

لك ودي ..

رد: الا طريح الحب ما عنه نشاد
 

صح لسان ياناصر وقافية صعبة لايجيدها سوى النادر
وانت متميز باسلوبك الرائع وقصيدة رائعة
تحياتي

رد: الا طريح الحب ما عنه نشاد
 

حياك الله يا ابو مشهور

ولا هنت على الاطراء

والمرور الاكثر من رائع

تقبل تحياتي وخالص تقديري

رد: الا طريح الحب ما عنه نشاد
 

صح الله لسانك ياناصر .. الابداع يلازمك في كل قصيده ..
انت فخر للمنتدى يابن العم ..