|
( محمد الشريف + ناصر الشريف )
انا لاجيت في الملعبه شبيت ناري=وانا ناري متصلح تصلح شاذليه متبرح كلمتي واكثر الشعار داري=ابوهاشم ومن جا يدن الهاشميه |
رد: واحد من الشباب
مرحبا والله ومسهلا يا محمد واسمح لي طال عمرك العب معك
قد لي فتره من اللعب معك واشوف القوم مترددين ما حد وده يلعب معك بعد التصريح ههههههههه الله يعين عليك ويستر علينا هلا يا مرحبا بالطبيب الاستشاري=واخاف تروح من فوق نيرانك ضحيه شربت العز والجود صاير به طواري=بعد ما هل دمعك على الخد النديه |
رد: ( محمد الشريف + ناصر الشريف )
واصلو يالغالين...
وياليت تتواصلون ع الخاص ... وتحددون لكم وقت واحد تكونون فيه متصلين وتلعبون مباشر... وابشرو بمن يمسك الصف.... لان هذا هو التوجه القادم للقسم ... نبي كل شيء حار بحار... وانتو وشرواكم يالغالية ،، أحد أسباب النجاح للإستمرار... بيض الله وجيهكم مرة ثانية... وسجلوني متابع،، |
رد: ( محمد الشريف + ناصر الشريف )
حيآك الله ي محمد الشريف
وصح السنتكم ,متآآآآآبعه بانتظار البث المباشر. تحيآآآآتي. |
رد: ( محمد الشريف + ناصر الشريف )
يدوم الك البقا في غياهب ليل ساري=بعد ماصار بيني وبينك ماعليه وانا خابرك ياناصر انسان انتحاري=من الي فيك اشوف الشلي عندك بليه |
رد: ( محمد الشريف + ناصر الشريف )
تحد الموس للروس بالضو الحراري=ونفسك يا عميلي معى العالم سليه لو ان اللعب ما هو كما البنك التجاري=ولكني شريت الرجال الصيرميه |
رد: ( محمد الشريف + ناصر الشريف )
الله الله
صحت ألسنتكم |
رد: ( محمد الشريف + ناصر الشريف )
صحت ابدانكم جيمع ولا هنتو على المرور
تحياتي للجميع تقبلو مني اجمل تقدير |
رد: ( محمد الشريف + ناصر الشريف )
اخاف الله واخاف من مخلاب ضاري=بضهري وانت ضاري مخاليبك قويه وانا اللعب واللعب بين بياع" وشاري=شريتك قبل لشري الوفا والعنجهيه |
رد: ( محمد الشريف + ناصر الشريف )
ترا ماحن نداني مبارات الحواري=تقول شوي واقول بشويه شويه ما دام ان المخالب خذت راس الحباري=حرار القوم تطلع وطلعتها سويه |
رد: ( محمد الشريف + ناصر الشريف )
تقوله وانت عارف بقصدي واعتباري=وباقي الناس ماهي تعرف اشبه هنيه عميلي مايخاف الليالي والغداري=ولامنه غزى غزوت"ذبح سريه |
رد: ( محمد الشريف + ناصر الشريف )
نجيب القول واليوم با اعدل مساري=عسى نفسي على نفسك الليله فديه ما دام ان فيك شيمة فلا حد لك يباري=ولكن مزحةٍ من خويٍ جت خويه |
رد: ( محمد الشريف + ناصر الشريف )
اشوف الاضرابات وصياح الطواري=واخاف من الكلام العسول اغدي ضحيه انا به لي مواري وناصر له مواري=وكلن ياولد قد عرف وش في القضيه |
رد: ( محمد الشريف + ناصر الشريف )
صح الله السنتكم يّ مبدعين ،
|
رد: ( محمد الشريف + ناصر الشريف )
يا سلام عليكم
مبدعين |
رد: ( محمد الشريف + ناصر الشريف )
تسف ابيات شعرك كما سف الذواري=وترميني بصمت الحروف الابجديه وانا با اقول ذا اليوم حذرا لك حذاري=يواجه هجمة الذيب صده شبرميه |
رد: ( محمد الشريف + ناصر الشريف )
ارحبو حياكم الله يا شباب
والله لا يهينكم على المتابعه تحياتي لكم |
رد: ( محمد الشريف + ناصر الشريف )
تجيب ابياتك تقول في يديها عجاري=وانا صامل ونفسي لضرباتك مديه تعديها لحا القوم ياشبل الضواري=ولك لحيه مع حيلتك سودا نقيه |
رد: ( محمد الشريف + ناصر الشريف )
خسيس القوم لو ينكسا بيضل عاري=ولكن جمرتك فاللقا للقوم حيه ولا تدعس على القاف بسلوبٍ مهاري=ترا زرق الحنش ما يشابه مشي حيه |
رد: ( محمد الشريف + ناصر الشريف )
ترى كرسي الادراه يدور للاداري=وفعل"غير سلمك يجرك للمنيه حصل ماقد حصل من قبل عند الذماري=وراح العلم والناس نعرفها نسيه |
رد: ( محمد الشريف + ناصر الشريف )
ترا ضرب الفشق غير عن طعن الشباري=لو العبرود يبقى الشلي في كل هيه تجيب العلم وترد ثم تنوي حصاري=لو اني واضعٍ من على كيتك كيه صح لسانك يا ابو علي وكبير يعلم الله اني استانست باللعب معك الله لا يهينك على الطاروق الرائع اما من ناحية الدعس فانا اقصد طواري وضحيه طال عمرك ما اقصد ضواري تحياتي |
رد: ( محمد الشريف + ناصر الشريف )
الله الله عليكم وصح الله السنتكم مبدعين
ودي وتقديري |
رد: ( محمد الشريف + ناصر الشريف )
أخوتي في الله الشعار كل من ( محمد وناصر الشريف ) صح الله ألسنتكم وبيض الله وجيهكم
طاروق رائع وجميل وينم عن أشخاص بارعين باللعب وميقنين بإختيار المفردة الرائعة التي تستقطب القارء لها والمار عليها وفقكم الله وعن جد محاورة أستمتعت بها وأنني أضم صوتي لصوتي أخوي في الله الشاعر والمشرف فهد الهباش بأن يكون اللعب حي وحاضر بحاضر كي يبدأ جميلاً وينتهي بأجمل ولا نكتفي بهذه المحاورة انما ننتظر المزيد وأعلم يا خوي محمد بأنني تنبأت بشاعريتك الفذة منذ اول دخول لك بتحديك وبالفعل اثبت لي هذا التنبأ ولا قصور بأخوي ناصر فشهادتي قد قلتها له مسبق ولا زلت أيقن به هو كذلك وربي يوفقكم ويسعدكم يا رب .. وواصلوا ابداعكم فدون شك إنني والجميع بترقب لإثرائكم ولكم انتم الأثنان التقييم الكامل ان شاء الله .. أختك في الله جميعا حروف من نور .. |
| الساعة الآن 02:50 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
