|
الله يا دنيا الغرابيل مقواااش
السلام عليكم مساكم صباحكم ورد يالغوالي متواضعه عسى ان تعجبكم اي والله ان حبه سطا بأوسط الجاش ــــــــــــــ يجري معي بالجسم مجرا وريدي ان غاب عني طاش وان رد لي طاش ــــــــــــــ طيشة حزن والطيش الاخر سعيدي يلعب بي الهاجوس مسرا ومغباش ـــــــــــــــ لا راح هاجس جا بداله جديدي غديت كني من محبته حشاش ـــــــــــــ ما عاد ينفع فيه سجن الحديدي يا رجل ياللي متعبش كثرة خطاش ــــــــــــــ تصبري ما دام انا المستفيدي جودي بمسراحش وجودي بمسراش ـــــــــــــــــ انتي بسيرش والفكر بالقصيدي منتي على خبري تشكين وش جاش ــــــــــــــ ادري جعلتش رجل ساعي بريدي لو كان من باب الرجاء بترجاش ــــــــــــــ ماهو على شاني على شان سيدي ودي اشوف اللي لمعلوقي انعاش ــــــــــــــ بعده عذاب وشوفته يوم عيدي وان كان ما شفته على ذالتعب ماش ــــــــــــــ بدال ما تنقص همومي تزيدي النوم ويش النوم غماض وارمااش ــــــــــــــ بين الجفن والعين عود الجريدي الله يا دنيا الغرابيل مقواااش ــــــــــــــــــ لش بالشقاء عمر ٍ طويل ٍ مديدي تعبت فالدنيا أمل في ملاقااش ــــــــــــــــــــ اريد وانت تريد والله يريدي الحب والحظ المعيثير والآآآش ــــــــــــــ من جات في دنيااه ما يستفيدي وسلامة الجميع |
رد: الله يا دنيا الغرابيل مقواااش
لي الفخر كوني حجزت البطاقه الاولى في متصفح شاعري المبدع محمد المري
صح لسانك للامانه انت شاعر احتفظ بقصائده لله درك يامحمد دمت بتألق يالسنافي |
رد: الله يا دنيا الغرابيل مقواااش
مرحبا يالحميدي بيض الله وجهك
وصح لسانك ومافيك حيله قصيده في منتهى الروعه لاهنت وربي يسلمك من عذاب النار لك احلا تقييم++++ |
رد: الله يا دنيا الغرابيل مقواااش
صح السانك ومنطوقك
بصراحه لي الشرف اني ارد على ابياتك ابيات عانقت سماء الابداع رائع استاذي محمد كـ روعه حروفك الذهبيه دام نبضك وقلمك تقبل مروري |
رد: الله يا دنيا الغرابيل مقواااش
ماشاء الله محمد
وصح لسانك والله قصيدهـ قمه فـ الروووعه الله يحفظك يااااااااارب |
رد: الله يا دنيا الغرابيل مقواااش
محمد المري يعانق سما الابداع
بهذه الدره صح لسانك حتى ترضى قصيده في القمه كما انت دائما اخي محمد في القمه تقبل تحياتي وخالص تقديري |
رد: الله يا دنيا الغرابيل مقواااش
اقتباس:
اررحب ارحب يا اخو من طاع الله الفخر والسمو لي طال عمرك بتشريفك الصفحه من بدايتها وصح الله بدنك يالغالي والله اللي يعجبك وانا اخوك حلالك |
رد: الله يا دنيا الغرابيل مقواااش
اقتباس:
البقى البقى يا محمد انا من يوم صرت سميك وانا مبدع الله يصح بدنك ولا يهينك على التقييم اسعدني حضوورك الرااقي |
رد: الله يا دنيا الغرابيل مقواااش
اقتباس:
صح الله بدنش يا بنت برقا الشرف لي انا بتواجدش في متصفحي يالغاليه يعطيش الف الف عافيه ع الكلام الحلوو والاشااده الرااقيه ودي |
رد: الله يا دنيا الغرابيل مقواااش
اقتباس:
ارحببي يا لمووسه وصح الله بدنش الرووعه تكمن في مرورش وتواجدش هناا يالغلا ويحفظش ويسعدش انشاء الله |
رد: الله يا دنيا الغرابيل مقواااش
اقتباس:
صح الله بدنك يالغالي ناصر وما عليك زود في الشعر الجزل والمعاني المحبوكه الله لا يهينك على تشريف القصيده يالغالي |
رد: الله يا دنيا الغرابيل مقواااش
اقتباس:
انا من ضمن جماهير محمد المري جعلني ماانحرم من القصيد ذا الله لايهينك |
رد: الله يا دنيا الغرابيل مقواااش
صح لسانك محمد....
والله انك تزيد في عيني يوم بعد يوم |
رد: الله يا دنيا الغرابيل مقواااش
اقتباس:
ارررحب يا راائد اكبر فخر لي طاال عمرك ولا ننحرم من تواجدك يالذيب |
رد: الله يا دنيا الغرابيل مقواااش
اقتباس:
صح الله بدنك يا فهد الله يرفع مقداارك يالغالي عزيز وغالي فديتك وعساني من ظنك وفوووق |
رد: الله يا دنيا الغرابيل مقواااش
الله يا دنيا الغرابيل مقواااش لش بالشقاء عمر ٍ طويل ٍ مديدي تعبت فالدنيا أمل في ملاقااش اريد وانت تريد والله يريدي الحب والحظ المعيثير والآآآش من جات في دنيااه ما يستفيدي عز الله انهااا القصيده صح السانك ابيات لا يعلا عليهاا ننتظر المزيد يا يا يا محمد المري بشغف تحياي وشكري |
رد: الله يا دنيا الغرابيل مقواااش
.,
أقف أحتراماً لسموكِ ولذآئقتك الشعريه لاخلاء ولاعدم ، ولاهانت يمينك ولاهنت أختك : دوايَ شوفتك |
رد: الله يا دنيا الغرابيل مقواااش
محمد .. ماخليت شي يالقرم .. اخلاق وتواضع وشعر جزل وحضور ملفت ..
حن نفخر فيك يعلم الله انك من الاشخاص اللي اتوق لجديدهم في هالقسسسم صح لسسسانك والله لايضرك ولا يحرمنا مثيلك وشرواك شاعر علم وشخص نبيل اتشرف بمعرفته ياعساني ماخلا من شوفتك وتواصلك :) اخوك ابو مشاري |
رد: الله يا دنيا الغرابيل مقواااش
الله يا دنيا الغرابيل مقواااش ــــــــــــــــــ لش بالشقاء عمر ٍ طويل ٍ مديدي ثمّ: الحب والحظ المعيثير والآآآش ــــــــــــــ من جات في دنيااه ما يستفيدي الشاعر محمد المري....صح الله لسانك ولاهو بغريب عليكم الابداع ياربعنا،ابدعت قصيدة راقية اخترت الرد عليها من بين كل القصائد......أغلى تحية |
رد: الله يا دنيا الغرابيل مقواااش
النوم ويش النوم غماض وارمااش بين الجفن والعين عود الجريديالقصيده كلها ماعليها كلام بس الوصف في هالبيت يفووق الابدآع صح لسانك مدد بلاعدد كل مره تبهرنا اكثر واكثر . تحيآتي وتقييمي. |
رد: الله يا دنيا الغرابيل مقواااش
::
صح لساانك اخوي محمد عز الله جزله من رأس جزل إستمتعت جداً بقرائتها لاهنت يالغالي..ولاهان نبضك |
رد: الله يا دنيا الغرابيل مقواااش
اسمح لي ابدي اعجابي بقلمك
وتميزك واسلوبك الراقي وتالقك |
رد: الله يا دنيا الغرابيل مقواااش
عز الله ان عاد به شعار .. سجلني ضمن جمهورك يامحمد .. قصيدك عذب دائما وابدا .. اهنيك على قلمك
|
رد: الله يا دنيا الغرابيل مقواااش
اوف اوف اوف وش ذا يامحمد صراحه ماودي اني انهيت قراءتها
نص بمعنى النص الشعري المتكامل من حيث ويش ويش اقول ماشاء تبارك الله نعم هكذا يكتب الشعر بحرفنه متناهيه ولاهنت لاهنت لاهنت |
| الساعة الآن 01:07 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
